Saaŋ 8
8
Ɓitɓa njaalo'e
1Wa ɓooɓa haad, Yeesu kaɗta Tangooraŋ-Oliiw-ca. 2Waaye wa Kooh wiis na ɓaaɓa teel, a dokukka Kahan Kooh. Ɓooɓa jen hayya nga ɗe. A ɓooffa, a jangɗeeɗa ɓa.
3Weɗi jangɗohoh caŋ waasiŋ Musaa na Farisen ca komoh ɗe ɓitiɓ, a telu telu njaalo'eeɗa. Ɓa tufkiɗta ɓitɓa ŋ fiki mboolnda. 4Ɓa woosa Yeesu ne : « Jangɗohohi, ɓitɓii telu telu njaalo'eeɗa. 5Te ŋ waasiŋ ɓoo, Musaa woo ne ɓitiɓ ci mand an tapsaat atoh po ɓa kaan#8:5 Wa mand haa ne, ndii ɓa na waaɗe woo ini fiisu ŋ teerndiŋ Rohƴiɗi 22:22-24, waaye ini fiisu ndeem, e ƴaari na ɓitɓi jen tapsan atoh po ɓa kaan.. Kon nak, fu, fu woo ye nga ? » 6Ɓa woyee ineem ne ɓa woyɗukoh ɗe woo uupiɗ, ɓa min raak yambaah ɗe. Waaye a hiirra, a fiiseeɗa na ndukniŋ ɗe ŋ kehƴi.
7Ɓa taalndiɗta, ɓa meekseeɗa, ɓa meeksisseeɗa ɗe, a jaɗtukka, a woosa ɓa ne : « Ɓoyi moosɗi bakaaɗoh nga ɗu kocaat ɗe njaf atoh. » 8A hiirissa a fiisisseeɗa ŋ kehƴi.
9Wa ɓooɓa ɓayee ɓitɓa kerah woo keem, ɓa cooteeɗa yino yino, cambohha ŋ yakak ca. Yeesu tassa nga kiik ce na ɓitɓa, ŋ fiki mboolnda. 10Ŋ ndeem, Yeesu jaɗtukka, woosa ɗe ne : « Ɓitɓi, ɓa nde ? Ali ɓo' eɗɗi ɗa tooñ e ? » 11Ɓitɓa loffa ne : « Ali ɓo', kilifaani. » Yeesu woosa ɗe ne : « Ŋ namanɗi ɗa eɗ tooñ ; fu miniɗ kaɗ waaye ini amboh woti, kina bakaaɗis. »]
Siñaariŋ Adina
12Yeesu woyissa ɓooɓa ne : « A mi siñaariŋ Adina ; yaa nu ñaakiɗ to ɗah, a hey raake siñaariŋ kipes ki, a tiindanɗi muk ŋ ñuusi. » 13Ŋ ineem Farisen ca woosa ɗe ne : « A fu na seede'e haf fu, in ci fu na woye minɗi teyɗuku. »
14Yeesu loffa ɓa ne : « Ali nik ne ñam na seede'e haf fo, mi, ŋ inhiɗ ɗiski ŋ puloh na ɗiski mi na kaɗe, weɗ tah po seedeeniŋ ngo keeh. Waaye ɗu, ɗu inahɗi ɗiski ŋ puloh na ɗiski mi na kaɗe. 15Ɗu na atte'e findi ɓo' na atte'ohe, mi nak ŋ atteeɗi ali ɓo'. 16Te kaɗ po ŋ atte'ee ɗah, ŋ atte'an kiik ko haa, Baabi woos so yii na so, weɗ tah po ŋ atte'an keeh. 17Ŋ waasiŋ ɗu, wa fiisuuɗ ne ɓo' kanak hun ŋ seede in ɗah, seedeeniŋ ɓa miniɗ teyɗuku.#Rohƴiɗi 17:6; 19:15 18Mi, maa seede'e haf fo te Baabi woos so yii nam mbo seede'iɗ. »
19Ɓa woosa ɗe ne : « A nde baab ɗu ? » A loffa ɓa ne : « Ɗu inahɗi so, ɗu inahɗi Baabiŋ ngo. Ɗu inheen ndo ɗah, ɗu heen name inah Baabiŋ ngo. » 20A woyee woo ceem wa a jangɗohee ŋ ɗooƴ Kahan Kooh. A nikee ŋ sero ɗiska na degohse kopor ca, te ali ɓo' ambɗi ɗe laam wahtuuniŋ ɗe reyeeɗi paaɗ.
Yeesu, a Baabi woos ɗe
21Yeesu woyissa ɓa ne : « Mi yii kaɗ, ɗu hey yo waake, te ɗu kaanan na bakaaɗ ciŋ ɗu ; ɗiski mi na kaɗe, ɗu minɗi kaɗ nga. » 22Yawuut ca woosa ne : « Hanaa kay a heyɗi ape haf ce po a woyee ne : “ Ɗiski mi na kaɗe, ɗu minɗi kaɗ nga ” ? »
23A woosa ɓa ne : « Ɗu puloh ŋ kehƴi, mi, ŋ puloh ŋ ɗafki. Ɗu puloh ŋ adinaanii, te mi ŋ puloh ŋ adinaanii haa. 24Weɗ tah ŋ woosa ɗu ne ɗu na hee kaane na bakaaɗ ciŋ ɗu. Ɗu kosɗi ne ñam nik ɗah, ɗu kaanan na bakaaɗ ciŋ ɗu. » 25Ɓa woosa ɗe ne : « A fu ɓa, fu ? »
A loffa ɓa ne : « Ŋ woyiɗ ɗu wa ŋ cambohaana#8:25 "Ŋ woyiɗ ɗu wa ŋ cambohaana" : ini gerek woo ndii, wa namiɗ min tokis : "Wa ye tah ŋ woyee na ɗu sah ?". 26Ŋ raakiɗ woyaah na atte'aah laayiɗ ŋ ini kaɗ nga ɗu ; waaye mi na woye ɓi Adina ini ŋ kerah ŋ Yi woos so, te a woyoh keeh. » 27Ɓa inheeɗi ne a na woyee ɓa Baabi.
28Ŋ ndeem Yeesu woosa ɓa ne : « Kaɗ po ɗu meeɓ Kuɓkiŋ ɓoyi ɗah, ɗu hey inhe ne, ñam nik te ɗu hey name inah ne mi na haɓɗooteeɗi ali in, waaye mi na woye ini Baabi jangiɗ to dong. 29Yi woos so yii na so, mi na gene haɓiɗ ini neɓ ɗe, weɗ tah a faɗɗi so kiik ko. » 30Wi ɓa kerah ɗe woyoheeɗa ɗaa, laayiɗ kossa ɗe.
E Kuɓkiŋ Kooh na one ɓo' raak haf ce
31Yeesu woosa Yawuut ca kosee ɗe ne : « Ɗu gen amb woo kiŋ ngo ɗah, ɗu nikan taalubeeciŋ ngo keeh-keeh ; 32ɗu hey inhe keeh ki ŋ ini kaɗ ŋ Kooh, te keeh keem hey ɗu one ɗu raak haf ɗu. » 33Ɓa loffa ɗe ne : « Ɓoo ɓaah ŋ ɓi rimkoh ŋ Ibrahiima te ɓoo moosɗi nikoh ñaam ɓo' ; fu min na woyoh ne : “ Ɗu hey raake haf ɗu ” ? » 34A loffa ɓa ne : « Ñam na woyee ɗu wa te ambaat ne wa keeh : Yaa nu haɓiɗ bakaaɗ ɗah, a ñaamiŋ bakaaɗ. 35Te ñaam na geneeɗi ɓaah ŋ kahni a nikoh ; kuɓu nak a genan gen ɓaah ŋ kahni. 36Nik ne a Kuɓki on ɗu, ɗu raakka haf ɗu ɗah, ɗu hey raake haf ciŋ ɗu keeh-keeh.
37Ŋ inhiɗ ne ɗu ɓaah ŋ ɓi rimkoh ŋ Ibrahiima ; waaye ɗu teyɗukɗi woo kiŋ ngo ŋ ɗooƴ ɗu, weɗ tah ɗu na waakee so ne ɗu ap po. 38Mi, mi na woye ini ŋ hot ŋ Baabi ; waaye ɗu, ɗu na tume ini ɗu kerhoh ŋ baabiŋ ɗu. » 39Ɓa loffa ɗe ne : « Baabiŋ ɓoo, a Ibrahiima. » A woosa ɓa ne : « Ɗu nikee kuɓu Ibrahiima keeh-keeh ɗah, ɗu heen taambe ŋ kot ciŋ ɗe. 40Waaye ɗiski wa nik, ɗu na waakee so ne ɗu ap po, mi yi na woyee ɗu keeh ki ŋ kerhoh ŋ Kooh. Ibrahiima moosɗi liiɓoh tum in mand ɗaa. 41Ɗu na taambe ŋ kot ciŋ baabiŋ ɗu. »
Ɓa woosa ɗe ne : « Ɓoo kuɓu njaaloo haa ; ɓoo raak Baab yino dong, Kooh. » 42Yeesu loffa ɓa ne : « Kooh nikee Baabiŋ ɗu ɗah, ɗu heen ndo waaɗe ; laam mi, ŋ puloh ŋ Kooh, ŋ hayiɗ saguuce ; ŋ hayɗi ŋ njungiŋ ngo haf fo, waaye a yi woos so. 43Wa ye tah ɗu minɗi inah ini mi na woyee ɗu ? Ɗu minɗi minɗi teyɗuk ini mi na jangɗohe weɗ tah.
44Ɗu, e Seytaani baabiŋ ɗu, te ɗu waaɗ tum ini neɓ baabiŋ ɗu. A moos nik apoh ɓo' ŋ camba poyi ; a na nikeeɗi ŋ keeh, laam keeh nikɗi nga ɗe. A leyee ɗah, a na woye ini a nikoh, laam a leyoh te a yi fer lee. 45Te mi, mi na woye keeh, weɗ tah ɗu kosɗi ini ŋ woo. 46A ya ɓa min seede nga ɗu ne ŋ bakaaɗohiɗ ? Ŋ woo keeh ɗah, wee tah ɗu kosɗi so ? 47Yaa nu nik wuu Kooh ɗah, na teyɗuke teyɗuk woo ciŋ Kooh. Mbaa, ɗu nikɗi wuu Kooh, weɗ tah ɗu teyɗukɗi woo ciŋ ɗe. »
Yeesu na Ibrahiima
48Kilifaacaŋ Yawuut ca loffa Yeesu ne : « Ini ɓoo woo wa keeh : Fu ɓo' Samari#8:48 Samari : ɓi Samari na Yawuut ca kerhiɗoheeɗi ; ɓa heeftiɗohee heeftiɗoh, ɓa sangtiɗohha., a jiini na ɗa ! » 49A loffa ɓa ne : « Jiini nikɗi na so. Mi na yakɗe Baabiŋ ngo te ɗu, ɗu na woye in moɗaaɗi nga so. 50Mi, ŋ jeemɗi yakiɗ haf fo ; raakiɗ Yi waaɗ ne ŋ yakɗu, te a yi na atte'e.
51Ñam na woyee ɗu wa te ambaat ne wa keeh : Yaa nu amb woo kiŋ ngo ɗah, a heyɗi kaane, a hey pese po faw. » 52Ɓa woosa ɗe ne : « Ɓoo inhiɗ kotii ne a jiini na ɗa. Ibrahiima kaaniɗ, woosuuɗ ci namiɗ kaan, fu, fu woyee ne yaa nu amb woo kiŋ ɗa ɗah, a heyɗi kaane ! 53A fu uup Ibrahiima, baabiŋ ɓoo e ? A kaaniɗ, woosuuɗ ci namiɗ kaan. Fu teek haf fu ɓa ? »
54Yeesu loffa ɓa ne : « Nik ne ñam na yakɗe haf fo ɗah, yaki ŋ yak wa in haa. A Baabiŋ ngo a yi na yakɗee so, a yi ɗu na woye ne a Koohiŋ ɗu ! 55Te ɗu inahɗi ɗe, waaye mi, ŋ inhiɗ ɗe. Ŋ woyeen ne ŋ inahɗi ɗe ɗah, ŋ hee nike leyoh findiiɗu. Waaye ŋ inhiɗ ɗe te ŋ ambiɗ woo kiŋ ɗe.
56Baabiŋ ɗu Ibrahiima neɓsiɗkiɗ ŋ waaɗi a waaɗee hot hayiŋ ngo, a hotiɗa te a summba. » 57Ɓa woosa ɗe ne : « Fu raakɗi kiis ndaŋkiyaah-yatuus paaɗ, an fu hotiɗ Ibrahiima i ? » 58A loffa ɓa ne : « Ñam na woyee ɗu wa te ambaat ne wa keeh, bala Ibrahiima nikan ɗah, raak e ñam nik. » 59Ŋ ineem, ɓa parahha atoh ne ɓa tap ɗe, waaye a ɗemmba, a pulla Kahan Kooh.
Trenutno izabrano:
Saaŋ 8: YM
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Wycliffe Bible Translators, Inc
Saaŋ 8
8
Ɓitɓa njaalo'e
1Wa ɓooɓa haad, Yeesu kaɗta Tangooraŋ-Oliiw-ca. 2Waaye wa Kooh wiis na ɓaaɓa teel, a dokukka Kahan Kooh. Ɓooɓa jen hayya nga ɗe. A ɓooffa, a jangɗeeɗa ɓa.
3Weɗi jangɗohoh caŋ waasiŋ Musaa na Farisen ca komoh ɗe ɓitiɓ, a telu telu njaalo'eeɗa. Ɓa tufkiɗta ɓitɓa ŋ fiki mboolnda. 4Ɓa woosa Yeesu ne : « Jangɗohohi, ɓitɓii telu telu njaalo'eeɗa. 5Te ŋ waasiŋ ɓoo, Musaa woo ne ɓitiɓ ci mand an tapsaat atoh po ɓa kaan#8:5 Wa mand haa ne, ndii ɓa na waaɗe woo ini fiisu ŋ teerndiŋ Rohƴiɗi 22:22-24, waaye ini fiisu ndeem, e ƴaari na ɓitɓi jen tapsan atoh po ɓa kaan.. Kon nak, fu, fu woo ye nga ? » 6Ɓa woyee ineem ne ɓa woyɗukoh ɗe woo uupiɗ, ɓa min raak yambaah ɗe. Waaye a hiirra, a fiiseeɗa na ndukniŋ ɗe ŋ kehƴi.
7Ɓa taalndiɗta, ɓa meekseeɗa, ɓa meeksisseeɗa ɗe, a jaɗtukka, a woosa ɓa ne : « Ɓoyi moosɗi bakaaɗoh nga ɗu kocaat ɗe njaf atoh. » 8A hiirissa a fiisisseeɗa ŋ kehƴi.
9Wa ɓooɓa ɓayee ɓitɓa kerah woo keem, ɓa cooteeɗa yino yino, cambohha ŋ yakak ca. Yeesu tassa nga kiik ce na ɓitɓa, ŋ fiki mboolnda. 10Ŋ ndeem, Yeesu jaɗtukka, woosa ɗe ne : « Ɓitɓi, ɓa nde ? Ali ɓo' eɗɗi ɗa tooñ e ? » 11Ɓitɓa loffa ne : « Ali ɓo', kilifaani. » Yeesu woosa ɗe ne : « Ŋ namanɗi ɗa eɗ tooñ ; fu miniɗ kaɗ waaye ini amboh woti, kina bakaaɗis. »]
Siñaariŋ Adina
12Yeesu woyissa ɓooɓa ne : « A mi siñaariŋ Adina ; yaa nu ñaakiɗ to ɗah, a hey raake siñaariŋ kipes ki, a tiindanɗi muk ŋ ñuusi. » 13Ŋ ineem Farisen ca woosa ɗe ne : « A fu na seede'e haf fu, in ci fu na woye minɗi teyɗuku. »
14Yeesu loffa ɓa ne : « Ali nik ne ñam na seede'e haf fo, mi, ŋ inhiɗ ɗiski ŋ puloh na ɗiski mi na kaɗe, weɗ tah po seedeeniŋ ngo keeh. Waaye ɗu, ɗu inahɗi ɗiski ŋ puloh na ɗiski mi na kaɗe. 15Ɗu na atte'e findi ɓo' na atte'ohe, mi nak ŋ atteeɗi ali ɓo'. 16Te kaɗ po ŋ atte'ee ɗah, ŋ atte'an kiik ko haa, Baabi woos so yii na so, weɗ tah po ŋ atte'an keeh. 17Ŋ waasiŋ ɗu, wa fiisuuɗ ne ɓo' kanak hun ŋ seede in ɗah, seedeeniŋ ɓa miniɗ teyɗuku.#Rohƴiɗi 17:6; 19:15 18Mi, maa seede'e haf fo te Baabi woos so yii nam mbo seede'iɗ. »
19Ɓa woosa ɗe ne : « A nde baab ɗu ? » A loffa ɓa ne : « Ɗu inahɗi so, ɗu inahɗi Baabiŋ ngo. Ɗu inheen ndo ɗah, ɗu heen name inah Baabiŋ ngo. » 20A woyee woo ceem wa a jangɗohee ŋ ɗooƴ Kahan Kooh. A nikee ŋ sero ɗiska na degohse kopor ca, te ali ɓo' ambɗi ɗe laam wahtuuniŋ ɗe reyeeɗi paaɗ.
Yeesu, a Baabi woos ɗe
21Yeesu woyissa ɓa ne : « Mi yii kaɗ, ɗu hey yo waake, te ɗu kaanan na bakaaɗ ciŋ ɗu ; ɗiski mi na kaɗe, ɗu minɗi kaɗ nga. » 22Yawuut ca woosa ne : « Hanaa kay a heyɗi ape haf ce po a woyee ne : “ Ɗiski mi na kaɗe, ɗu minɗi kaɗ nga ” ? »
23A woosa ɓa ne : « Ɗu puloh ŋ kehƴi, mi, ŋ puloh ŋ ɗafki. Ɗu puloh ŋ adinaanii, te mi ŋ puloh ŋ adinaanii haa. 24Weɗ tah ŋ woosa ɗu ne ɗu na hee kaane na bakaaɗ ciŋ ɗu. Ɗu kosɗi ne ñam nik ɗah, ɗu kaanan na bakaaɗ ciŋ ɗu. » 25Ɓa woosa ɗe ne : « A fu ɓa, fu ? »
A loffa ɓa ne : « Ŋ woyiɗ ɗu wa ŋ cambohaana#8:25 "Ŋ woyiɗ ɗu wa ŋ cambohaana" : ini gerek woo ndii, wa namiɗ min tokis : "Wa ye tah ŋ woyee na ɗu sah ?". 26Ŋ raakiɗ woyaah na atte'aah laayiɗ ŋ ini kaɗ nga ɗu ; waaye mi na woye ɓi Adina ini ŋ kerah ŋ Yi woos so, te a woyoh keeh. » 27Ɓa inheeɗi ne a na woyee ɓa Baabi.
28Ŋ ndeem Yeesu woosa ɓa ne : « Kaɗ po ɗu meeɓ Kuɓkiŋ ɓoyi ɗah, ɗu hey inhe ne, ñam nik te ɗu hey name inah ne mi na haɓɗooteeɗi ali in, waaye mi na woye ini Baabi jangiɗ to dong. 29Yi woos so yii na so, mi na gene haɓiɗ ini neɓ ɗe, weɗ tah a faɗɗi so kiik ko. » 30Wi ɓa kerah ɗe woyoheeɗa ɗaa, laayiɗ kossa ɗe.
E Kuɓkiŋ Kooh na one ɓo' raak haf ce
31Yeesu woosa Yawuut ca kosee ɗe ne : « Ɗu gen amb woo kiŋ ngo ɗah, ɗu nikan taalubeeciŋ ngo keeh-keeh ; 32ɗu hey inhe keeh ki ŋ ini kaɗ ŋ Kooh, te keeh keem hey ɗu one ɗu raak haf ɗu. » 33Ɓa loffa ɗe ne : « Ɓoo ɓaah ŋ ɓi rimkoh ŋ Ibrahiima te ɓoo moosɗi nikoh ñaam ɓo' ; fu min na woyoh ne : “ Ɗu hey raake haf ɗu ” ? » 34A loffa ɓa ne : « Ñam na woyee ɗu wa te ambaat ne wa keeh : Yaa nu haɓiɗ bakaaɗ ɗah, a ñaamiŋ bakaaɗ. 35Te ñaam na geneeɗi ɓaah ŋ kahni a nikoh ; kuɓu nak a genan gen ɓaah ŋ kahni. 36Nik ne a Kuɓki on ɗu, ɗu raakka haf ɗu ɗah, ɗu hey raake haf ciŋ ɗu keeh-keeh.
37Ŋ inhiɗ ne ɗu ɓaah ŋ ɓi rimkoh ŋ Ibrahiima ; waaye ɗu teyɗukɗi woo kiŋ ngo ŋ ɗooƴ ɗu, weɗ tah ɗu na waakee so ne ɗu ap po. 38Mi, mi na woye ini ŋ hot ŋ Baabi ; waaye ɗu, ɗu na tume ini ɗu kerhoh ŋ baabiŋ ɗu. » 39Ɓa loffa ɗe ne : « Baabiŋ ɓoo, a Ibrahiima. » A woosa ɓa ne : « Ɗu nikee kuɓu Ibrahiima keeh-keeh ɗah, ɗu heen taambe ŋ kot ciŋ ɗe. 40Waaye ɗiski wa nik, ɗu na waakee so ne ɗu ap po, mi yi na woyee ɗu keeh ki ŋ kerhoh ŋ Kooh. Ibrahiima moosɗi liiɓoh tum in mand ɗaa. 41Ɗu na taambe ŋ kot ciŋ baabiŋ ɗu. »
Ɓa woosa ɗe ne : « Ɓoo kuɓu njaaloo haa ; ɓoo raak Baab yino dong, Kooh. » 42Yeesu loffa ɓa ne : « Kooh nikee Baabiŋ ɗu ɗah, ɗu heen ndo waaɗe ; laam mi, ŋ puloh ŋ Kooh, ŋ hayiɗ saguuce ; ŋ hayɗi ŋ njungiŋ ngo haf fo, waaye a yi woos so. 43Wa ye tah ɗu minɗi inah ini mi na woyee ɗu ? Ɗu minɗi minɗi teyɗuk ini mi na jangɗohe weɗ tah.
44Ɗu, e Seytaani baabiŋ ɗu, te ɗu waaɗ tum ini neɓ baabiŋ ɗu. A moos nik apoh ɓo' ŋ camba poyi ; a na nikeeɗi ŋ keeh, laam keeh nikɗi nga ɗe. A leyee ɗah, a na woye ini a nikoh, laam a leyoh te a yi fer lee. 45Te mi, mi na woye keeh, weɗ tah ɗu kosɗi ini ŋ woo. 46A ya ɓa min seede nga ɗu ne ŋ bakaaɗohiɗ ? Ŋ woo keeh ɗah, wee tah ɗu kosɗi so ? 47Yaa nu nik wuu Kooh ɗah, na teyɗuke teyɗuk woo ciŋ Kooh. Mbaa, ɗu nikɗi wuu Kooh, weɗ tah ɗu teyɗukɗi woo ciŋ ɗe. »
Yeesu na Ibrahiima
48Kilifaacaŋ Yawuut ca loffa Yeesu ne : « Ini ɓoo woo wa keeh : Fu ɓo' Samari#8:48 Samari : ɓi Samari na Yawuut ca kerhiɗoheeɗi ; ɓa heeftiɗohee heeftiɗoh, ɓa sangtiɗohha., a jiini na ɗa ! » 49A loffa ɓa ne : « Jiini nikɗi na so. Mi na yakɗe Baabiŋ ngo te ɗu, ɗu na woye in moɗaaɗi nga so. 50Mi, ŋ jeemɗi yakiɗ haf fo ; raakiɗ Yi waaɗ ne ŋ yakɗu, te a yi na atte'e.
51Ñam na woyee ɗu wa te ambaat ne wa keeh : Yaa nu amb woo kiŋ ngo ɗah, a heyɗi kaane, a hey pese po faw. » 52Ɓa woosa ɗe ne : « Ɓoo inhiɗ kotii ne a jiini na ɗa. Ibrahiima kaaniɗ, woosuuɗ ci namiɗ kaan, fu, fu woyee ne yaa nu amb woo kiŋ ɗa ɗah, a heyɗi kaane ! 53A fu uup Ibrahiima, baabiŋ ɓoo e ? A kaaniɗ, woosuuɗ ci namiɗ kaan. Fu teek haf fu ɓa ? »
54Yeesu loffa ɓa ne : « Nik ne ñam na yakɗe haf fo ɗah, yaki ŋ yak wa in haa. A Baabiŋ ngo a yi na yakɗee so, a yi ɗu na woye ne a Koohiŋ ɗu ! 55Te ɗu inahɗi ɗe, waaye mi, ŋ inhiɗ ɗe. Ŋ woyeen ne ŋ inahɗi ɗe ɗah, ŋ hee nike leyoh findiiɗu. Waaye ŋ inhiɗ ɗe te ŋ ambiɗ woo kiŋ ɗe.
56Baabiŋ ɗu Ibrahiima neɓsiɗkiɗ ŋ waaɗi a waaɗee hot hayiŋ ngo, a hotiɗa te a summba. » 57Ɓa woosa ɗe ne : « Fu raakɗi kiis ndaŋkiyaah-yatuus paaɗ, an fu hotiɗ Ibrahiima i ? » 58A loffa ɓa ne : « Ñam na woyee ɗu wa te ambaat ne wa keeh, bala Ibrahiima nikan ɗah, raak e ñam nik. » 59Ŋ ineem, ɓa parahha atoh ne ɓa tap ɗe, waaye a ɗemmba, a pulla Kahan Kooh.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Wycliffe Bible Translators, Inc