Luk 5
5
Tha Jisas 'e filia disaepol tootolena'o nia ki
(Matiu 4:18-22; Mak 1:16-20)
1Te'e fa thato, tha Jisas 'e takwe ka to'odoo ninimana 'amali 'eri 'i Galili, ma imole 'oro ki keka beresi nia fasi keki rongoa ba'elana tha God. 2Ma nia ka rikia roo baru na wane ni dee ki kera 'akwasia ka too bana 'i malitakwa, ma keka ta'ufia ada na furai kera ki. 3Ma tha Jisas ka ta'e 'i laa na baru tha Saemon, ma ka fa'arongo nia ura kai thafa 'idu fa'ekwa kau 'ana baru 'eri fasi thara. Ma tha Jisas 'e 'ono 'i laa na baru 'eri ma ka to'o doo 'i sana imole 'eki.
4Ma si manga tha Jisas 'e to'o doo 'i sana imole 'eki ka sui, nia ka ba'e 'una 'eri fana tha Saemon, “Mulu 'idua kau baru ne'e ura kula ne kuukuruu, sui muka ala 'ana furai kamalu'a ki.”
5Ma tha Saemon 'e lu'ua ka 'una 'eri, “Wane'inoto 'ae, kamali'a mili ulafu sulia fa rodo laula'u 'eri, sui a'i misi deea bo'o tafa ii'a. Sui mena 'ana, sulia 'o sore'a na'a, nau kwai ala la'u 'ana furai ne'e ki.” 6Ma si manga kera ala 'ana furai 'eki, keka deea ii'a 'oro mamana bo'o, adea furai 'eki karangia keki muu. 7Keka karumania mai wane kwaimani kera ki 'i laa na ruana baru, fasi keki lae mai keka 'adomi kera. Kera fula mai, ma keka fa'afungua roo baru 'eri ki 'ana ii'a laalae karangia keki thuthu bo'o. 8Ma si manga tha Saemon Pita 'e rikia doo ne fuli neri, nia 'e lae mai ka boururu 'i maana 'aena tha Jisas, ma ka ba'e 'una 'eri, “Wane'inoto 'ae, lae 'amu'a fasi nau! Nau wane ku abula ta'aa!”
9Tha Saemon bia wane ki na kera ni bii nia keka kwele 'asia na'a 'ana ii'a 'oro na kera deea. 10Ma roo wane na kero raa bia tha Saemon, thatada na tha Demesi ma tha Jon, kaluwane tha Sebedi ki, keko kwele 'asia na'a la'u bo'o. Ma tha Jisas ka ba'e 'una 'eri fana tha Saemon, “'E a'i 'osi ma'u la'u, 'ita 'i tara'ena ka oli 'ala'a, 'oki dee na'a ura imole ki.”
11Ma si manga kera fula 'i thara, keka 'akwasia doo 'eki sui, keka lae na'a bia tha Jisas.
Jisas 'e fa'a'akwaa te'e wane uru 'e thaungia
(Matiu 8:1-4; Mak 1:40-45)
12Te'e fa thato, tha Jisas 'e too 'ana te'e ma'etoaa, ma te'e wane uru#5:12 Leprosi 'e thaungia, 'e too la'u bo'o 'i kula 'eri. Si manga 'e rikia tha Jisas, nia 'e lae mai sana, ka boururu 'i maana 'aena, ma ka ngata kwaitakoi ka 'una 'eri, “Wane'inoto, mada sa 'o kwaiaalame, 'oko fa'afaalu nau mai.”
13Tha Jisas 'e tekwasia kau 'abana, ka suaa se'ena, ma ka ba'e 'una 'eri, “Iu, nau ku kwaiaalame. 'Oki faalu na'a.” Ma 'eli'eli 'i buira tha Jisas 'e 'aratania si ba'ea 'eri, na uru 'eri ka sui bona'a fasia wane 'eri. 14Sui tha Jisas ka fa'arongoa wane 'eri ka 'una 'eri, “'E a'i 'osi fa'arongoa la'u ta imole 'ana doo 'eki na 'e fuli. 'O lae fasi sana wanenifo'a, ma 'oko fata'i 'oe 'i sana, fasi ka thaito'omana na 'o le'a na'a. Sui 'oko falea si falelaa ki na tha Mosis 'e sore'a, fasi imole ki sui keka fa'amamanea na uru 'eri 'e sui na'a fasi 'oe.”
15Ka 'una 'eri mena, si u'unua sulia doo 'eki tha Jisas 'e ilia, 'e talofia fanu 'oro ki, ma imole 'oro ki keka lae mai sana ura rongolana to'odoolana, ma fasi nia kai fa'a'akwada kera fasia mata'ia kera ki. 16Sui si manga 'oro, tha Jisas 'e lae ura si kula eneno'a ki fasi ka fo'a 'ana.
Tha Jisas 'e fa'a'akwaa wane 'afemae 'e mae
(Matiu 9:1-8; Mak 2:1-12)
17Te'e fa thato, si manga tha Jisas kai to'odoo 'ana, tei Farasii ki ma wane to'odoo ki 'ana biibirangaa na kera lae mai fasia ma'etoaa 'oro ki fasia taafoloa na 'i Galili, ma 'i Jiudia, ma Jerusalem keki too la'u bo'o 'i kula 'eri. Ma suukwa'ia tha God 'e too bia tha Jisas fasi ka fa'a'akwaa imole ki na kera mata'i. 18Tei wane ki kera ngalia mai te'e wane 'afemae 'e thaungia 'i laa te'e thamata'ia. Kera thasi ura keki kotho faafia 'i laa na luma 'eri, fasi keka alua 'i na'ofana tha Jisas fasi kai fa'a'akwaa. 19Sui taa, konia 'eri 'e ba'ita 'asia na'a, ma wane kwaimani nia ki kesi tala'ana bona'a ura kotholaa kau 'i bi'u sana tha Jisas. Ma keka ngalia wane 'eri, ma keka ra'a na'a faafia 'i fafona luma 'eri, ma keka tafangia te'e malekwadaa ba'ita fafona luma 'eri, keka sifolongania wane 'eri 'i laa taatafe nia 'i sana tha Jisas. 20Ma si manga na tha Jisas 'e rikia fiito'oa kera, nia ka sore'a 'i sana wane 'afemae 'eri, “Wane nau, nau ku manatalubea na'a ta'alaa 'oe ki.”
21Ma wane ni to'odoo 'eki 'ana biibirangaa bia Farasii 'eki, keka 'u'ubulu kwailiu 'i ma'alutada, keka 'una 'eri, “Tei na wane ne'e na 'e ngata faarefa'ekwa ne'e? Talito'ona tha God bona'a na 'e tala'ana manatalubelana ta'alaa ki.”
22Tha Jisas 'e thaito'omana la'u bo'o manatalada, maka ba'e 'una 'eri fada, “Musi manata la'u 'una 'eri.#5:22 Tha Jisas 'e thaito'omana la'u bo'o na kera fa'amamanea talito'ona bo'o tha God na kai fa'a 'akwaa imole ki. 23Taa na 'e kwaiakura ura 'arata'ilana, ta'alaa 'oe ki 'e lube te'efau mada tata'e 'oko fali? 24Kwai faatania 'i samulu'a, na Kaluwane imole 'e too 'ana suukwa'ia 'i fanua nai iano ura manatalubelana ta'alaa ki.” Sui tha Jisas ka sore'a 'i sana wane 'afemae 'eri, “Ku sore'a 'i semu, 'o tata'e, ngalia thamata'ia 'oe, ma 'oko lae na'a luma 'oe.”
25Ma si manga 'eri 'uu bo'o, wane 'eri ka tata'e 'i na'ofada, maka ngalia thamata'ia nia maka oli bona'a luma nia, 'i laa tangolaa ba'ita fana tha God. 26Ma keka kwele 'asia na'a, ma ma'ulaa tha God ka funguli kera, ma keka tangoa tha God ma keka 'una 'eri, “doo ni kwelelaa 'ania na kulu rikia 'i tara'ena.”
Tha Jisas 'e 'ai uria tha Lifae
(Matiu 9:9-13; Mak 2:13-17)
27Buira si doo 'eki sui, tha Jisas ka lae kau 'i maa, maka rikia tha Lifae, te'e wane ni konilana malefo 'ana takisi, 'e too 'ana si kula na 'e raa 'iei. Tha Jisas ka ba'e 'una 'eri fana, “'O lae mai buri ku.” 28Tha Lifae 'e tata'e, ma ka 'akwasia 'aina doo nia ki te'efau, ma ka lae bona'a 'i buira tha Jisas.
29Sui tha Lifae ka raa 'ana te'e faafangaa ba'ita fana tha Jisas ma'afera nia. Ma wane 'oro ki 'ana konilana malefo 'ana takisi bia tei imole ki la'u kera lae mai 'ana faafangaa 'eri bia tha Jisas. 30Tei Farasi ki ma tei wane to'odoo ki 'ana biibirangaa keka rake'iri, ma keka sore'a 'i sana disaepol tha Jisas ki, “Ura taa na muka fanga biia to'a konilana takisi ki ma to'a abula ta'a ki.”
31Tha Jisas 'e lu'uda ka ba'e 'una 'eri, “To'a na kera 'akwaa kesi 'ato'ia ta wane kwaifa'amaruki, wane ki na kera mata'i na kera 'ato'ia wane kwaifa'amaruki. 32Nau kwasi lae mai ura 'aililana imole kokota, nau ku lae mai ura imole abula ta'a ki ura keki manata akela.”
Na soeto'onalaa sulia ore'e fangalaa
(Matiu 9:14-17; Mak 2:18-22)
33Tei wane ki keka ba'e 'una 'eri fana tha Jisas, “Disaepol tha Jon kera abu fasia fanga ma keka fo'a 'ana si manga 'oro ki, ma disaepol na Farasi ki mena kera 'una 'eri la'u bo'o. Sui 'aina disaepol 'oe ki kera fanga ma keka ku'u bada.”
34Tha Jisas 'e lu'uda ka 'una 'eri, “To'a na kera too biia wane se'ele'a keki abu fasi fanga si manga na wane se'ele'a 'e nii bana bii kera? 35Sui si manga na kai fula mai, keki ngalia wane se'ele'a 'eri fasida, si manga 'eri bo'o keka bi'i abu fasi fanga.”
36Sui tha Jisas ka ba'e 'ana u'unua ni tarifula 'i sada ka 'una 'eri, “'E a'i si tala'ana fasi 'oko 'iria ta si maku faalu ma 'oko ladoa 'ana ta lafu'i maku. Mada sa ta imole ka ilia si doo 'eri, nia 'e labatania si maku faalu 'eri, ma si bali maku faalu 'eri mena rikilana si boobola bona'a biia lafu'i maku 'eri. 37Ma 'e a'i ta imole si lulaa na waen faalu 'i laa na lafu'i 'unge'e nanikoti, sulia waen faalu 'eri kai fonggea 'unge'e doo 'eri, sulia na waen 'eri kai 'iki, ma 'unge'e doo 'eri la'u bo'o ka ta'aa. 38Nia na waen faalu keki lulaa bona'a 'i laa na unge'e doo se'ele'a.”
39“Ta wane bana na 'e ku'ufia na waen na 'e teo ka tau, 'e a'i si thathamia bo'o waen faalu. Sula kera sore'a, ‘Na waen na 'e teo ka tau na ku'ufilana 'e le'a.’ ”
Trenutno izabrano:
Luk 5: MLU
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2024, SITAG
Luk 5
5
Tha Jisas 'e filia disaepol tootolena'o nia ki
(Matiu 4:18-22; Mak 1:16-20)
1Te'e fa thato, tha Jisas 'e takwe ka to'odoo ninimana 'amali 'eri 'i Galili, ma imole 'oro ki keka beresi nia fasi keki rongoa ba'elana tha God. 2Ma nia ka rikia roo baru na wane ni dee ki kera 'akwasia ka too bana 'i malitakwa, ma keka ta'ufia ada na furai kera ki. 3Ma tha Jisas ka ta'e 'i laa na baru tha Saemon, ma ka fa'arongo nia ura kai thafa 'idu fa'ekwa kau 'ana baru 'eri fasi thara. Ma tha Jisas 'e 'ono 'i laa na baru 'eri ma ka to'o doo 'i sana imole 'eki.
4Ma si manga tha Jisas 'e to'o doo 'i sana imole 'eki ka sui, nia ka ba'e 'una 'eri fana tha Saemon, “Mulu 'idua kau baru ne'e ura kula ne kuukuruu, sui muka ala 'ana furai kamalu'a ki.”
5Ma tha Saemon 'e lu'ua ka 'una 'eri, “Wane'inoto 'ae, kamali'a mili ulafu sulia fa rodo laula'u 'eri, sui a'i misi deea bo'o tafa ii'a. Sui mena 'ana, sulia 'o sore'a na'a, nau kwai ala la'u 'ana furai ne'e ki.” 6Ma si manga kera ala 'ana furai 'eki, keka deea ii'a 'oro mamana bo'o, adea furai 'eki karangia keki muu. 7Keka karumania mai wane kwaimani kera ki 'i laa na ruana baru, fasi keki lae mai keka 'adomi kera. Kera fula mai, ma keka fa'afungua roo baru 'eri ki 'ana ii'a laalae karangia keki thuthu bo'o. 8Ma si manga tha Saemon Pita 'e rikia doo ne fuli neri, nia 'e lae mai ka boururu 'i maana 'aena tha Jisas, ma ka ba'e 'una 'eri, “Wane'inoto 'ae, lae 'amu'a fasi nau! Nau wane ku abula ta'aa!”
9Tha Saemon bia wane ki na kera ni bii nia keka kwele 'asia na'a 'ana ii'a 'oro na kera deea. 10Ma roo wane na kero raa bia tha Saemon, thatada na tha Demesi ma tha Jon, kaluwane tha Sebedi ki, keko kwele 'asia na'a la'u bo'o. Ma tha Jisas ka ba'e 'una 'eri fana tha Saemon, “'E a'i 'osi ma'u la'u, 'ita 'i tara'ena ka oli 'ala'a, 'oki dee na'a ura imole ki.”
11Ma si manga kera fula 'i thara, keka 'akwasia doo 'eki sui, keka lae na'a bia tha Jisas.
Jisas 'e fa'a'akwaa te'e wane uru 'e thaungia
(Matiu 8:1-4; Mak 1:40-45)
12Te'e fa thato, tha Jisas 'e too 'ana te'e ma'etoaa, ma te'e wane uru#5:12 Leprosi 'e thaungia, 'e too la'u bo'o 'i kula 'eri. Si manga 'e rikia tha Jisas, nia 'e lae mai sana, ka boururu 'i maana 'aena, ma ka ngata kwaitakoi ka 'una 'eri, “Wane'inoto, mada sa 'o kwaiaalame, 'oko fa'afaalu nau mai.”
13Tha Jisas 'e tekwasia kau 'abana, ka suaa se'ena, ma ka ba'e 'una 'eri, “Iu, nau ku kwaiaalame. 'Oki faalu na'a.” Ma 'eli'eli 'i buira tha Jisas 'e 'aratania si ba'ea 'eri, na uru 'eri ka sui bona'a fasia wane 'eri. 14Sui tha Jisas ka fa'arongoa wane 'eri ka 'una 'eri, “'E a'i 'osi fa'arongoa la'u ta imole 'ana doo 'eki na 'e fuli. 'O lae fasi sana wanenifo'a, ma 'oko fata'i 'oe 'i sana, fasi ka thaito'omana na 'o le'a na'a. Sui 'oko falea si falelaa ki na tha Mosis 'e sore'a, fasi imole ki sui keka fa'amamanea na uru 'eri 'e sui na'a fasi 'oe.”
15Ka 'una 'eri mena, si u'unua sulia doo 'eki tha Jisas 'e ilia, 'e talofia fanu 'oro ki, ma imole 'oro ki keka lae mai sana ura rongolana to'odoolana, ma fasi nia kai fa'a'akwada kera fasia mata'ia kera ki. 16Sui si manga 'oro, tha Jisas 'e lae ura si kula eneno'a ki fasi ka fo'a 'ana.
Tha Jisas 'e fa'a'akwaa wane 'afemae 'e mae
(Matiu 9:1-8; Mak 2:1-12)
17Te'e fa thato, si manga tha Jisas kai to'odoo 'ana, tei Farasii ki ma wane to'odoo ki 'ana biibirangaa na kera lae mai fasia ma'etoaa 'oro ki fasia taafoloa na 'i Galili, ma 'i Jiudia, ma Jerusalem keki too la'u bo'o 'i kula 'eri. Ma suukwa'ia tha God 'e too bia tha Jisas fasi ka fa'a'akwaa imole ki na kera mata'i. 18Tei wane ki kera ngalia mai te'e wane 'afemae 'e thaungia 'i laa te'e thamata'ia. Kera thasi ura keki kotho faafia 'i laa na luma 'eri, fasi keka alua 'i na'ofana tha Jisas fasi kai fa'a'akwaa. 19Sui taa, konia 'eri 'e ba'ita 'asia na'a, ma wane kwaimani nia ki kesi tala'ana bona'a ura kotholaa kau 'i bi'u sana tha Jisas. Ma keka ngalia wane 'eri, ma keka ra'a na'a faafia 'i fafona luma 'eri, ma keka tafangia te'e malekwadaa ba'ita fafona luma 'eri, keka sifolongania wane 'eri 'i laa taatafe nia 'i sana tha Jisas. 20Ma si manga na tha Jisas 'e rikia fiito'oa kera, nia ka sore'a 'i sana wane 'afemae 'eri, “Wane nau, nau ku manatalubea na'a ta'alaa 'oe ki.”
21Ma wane ni to'odoo 'eki 'ana biibirangaa bia Farasii 'eki, keka 'u'ubulu kwailiu 'i ma'alutada, keka 'una 'eri, “Tei na wane ne'e na 'e ngata faarefa'ekwa ne'e? Talito'ona tha God bona'a na 'e tala'ana manatalubelana ta'alaa ki.”
22Tha Jisas 'e thaito'omana la'u bo'o manatalada, maka ba'e 'una 'eri fada, “Musi manata la'u 'una 'eri.#5:22 Tha Jisas 'e thaito'omana la'u bo'o na kera fa'amamanea talito'ona bo'o tha God na kai fa'a 'akwaa imole ki. 23Taa na 'e kwaiakura ura 'arata'ilana, ta'alaa 'oe ki 'e lube te'efau mada tata'e 'oko fali? 24Kwai faatania 'i samulu'a, na Kaluwane imole 'e too 'ana suukwa'ia 'i fanua nai iano ura manatalubelana ta'alaa ki.” Sui tha Jisas ka sore'a 'i sana wane 'afemae 'eri, “Ku sore'a 'i semu, 'o tata'e, ngalia thamata'ia 'oe, ma 'oko lae na'a luma 'oe.”
25Ma si manga 'eri 'uu bo'o, wane 'eri ka tata'e 'i na'ofada, maka ngalia thamata'ia nia maka oli bona'a luma nia, 'i laa tangolaa ba'ita fana tha God. 26Ma keka kwele 'asia na'a, ma ma'ulaa tha God ka funguli kera, ma keka tangoa tha God ma keka 'una 'eri, “doo ni kwelelaa 'ania na kulu rikia 'i tara'ena.”
Tha Jisas 'e 'ai uria tha Lifae
(Matiu 9:9-13; Mak 2:13-17)
27Buira si doo 'eki sui, tha Jisas ka lae kau 'i maa, maka rikia tha Lifae, te'e wane ni konilana malefo 'ana takisi, 'e too 'ana si kula na 'e raa 'iei. Tha Jisas ka ba'e 'una 'eri fana, “'O lae mai buri ku.” 28Tha Lifae 'e tata'e, ma ka 'akwasia 'aina doo nia ki te'efau, ma ka lae bona'a 'i buira tha Jisas.
29Sui tha Lifae ka raa 'ana te'e faafangaa ba'ita fana tha Jisas ma'afera nia. Ma wane 'oro ki 'ana konilana malefo 'ana takisi bia tei imole ki la'u kera lae mai 'ana faafangaa 'eri bia tha Jisas. 30Tei Farasi ki ma tei wane to'odoo ki 'ana biibirangaa keka rake'iri, ma keka sore'a 'i sana disaepol tha Jisas ki, “Ura taa na muka fanga biia to'a konilana takisi ki ma to'a abula ta'a ki.”
31Tha Jisas 'e lu'uda ka ba'e 'una 'eri, “To'a na kera 'akwaa kesi 'ato'ia ta wane kwaifa'amaruki, wane ki na kera mata'i na kera 'ato'ia wane kwaifa'amaruki. 32Nau kwasi lae mai ura 'aililana imole kokota, nau ku lae mai ura imole abula ta'a ki ura keki manata akela.”
Na soeto'onalaa sulia ore'e fangalaa
(Matiu 9:14-17; Mak 2:18-22)
33Tei wane ki keka ba'e 'una 'eri fana tha Jisas, “Disaepol tha Jon kera abu fasia fanga ma keka fo'a 'ana si manga 'oro ki, ma disaepol na Farasi ki mena kera 'una 'eri la'u bo'o. Sui 'aina disaepol 'oe ki kera fanga ma keka ku'u bada.”
34Tha Jisas 'e lu'uda ka 'una 'eri, “To'a na kera too biia wane se'ele'a keki abu fasi fanga si manga na wane se'ele'a 'e nii bana bii kera? 35Sui si manga na kai fula mai, keki ngalia wane se'ele'a 'eri fasida, si manga 'eri bo'o keka bi'i abu fasi fanga.”
36Sui tha Jisas ka ba'e 'ana u'unua ni tarifula 'i sada ka 'una 'eri, “'E a'i si tala'ana fasi 'oko 'iria ta si maku faalu ma 'oko ladoa 'ana ta lafu'i maku. Mada sa ta imole ka ilia si doo 'eri, nia 'e labatania si maku faalu 'eri, ma si bali maku faalu 'eri mena rikilana si boobola bona'a biia lafu'i maku 'eri. 37Ma 'e a'i ta imole si lulaa na waen faalu 'i laa na lafu'i 'unge'e nanikoti, sulia waen faalu 'eri kai fonggea 'unge'e doo 'eri, sulia na waen 'eri kai 'iki, ma 'unge'e doo 'eri la'u bo'o ka ta'aa. 38Nia na waen faalu keki lulaa bona'a 'i laa na unge'e doo se'ele'a.”
39“Ta wane bana na 'e ku'ufia na waen na 'e teo ka tau, 'e a'i si thathamia bo'o waen faalu. Sula kera sore'a, ‘Na waen na 'e teo ka tau na ku'ufilana 'e le'a.’ ”
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2024, SITAG