Matewos 22
22
Sargini Kootaasi Beso
(Luqa. 14:15-24)
1Hepsa dey Yesus besok ekka yit make: 2«Samaki taatoos naabaasik sargini koota koote taatone faarwa. 3Taatoos teegte asuni meya kootaaski yoosonek wostinynyabaasin baassoki wosi. Sinuntano baasso kootaaski yoosonek aane sholsoto.
4«Hepsa dey taatoos oom wostinynyani meyanon wosire teegte asuni meyaki hamfaat: ‹Ese sargini kootaason hoossin; omorusewa faru moonaase shuktera zuuttambaase hoore. Han sargisi kootaki yootiwa› yira makoti» yi. 5Sinuntano baasso hantaki wuzane unoy beyere isaas bulobaasi; oomiis nagadbaasi hami. 6Oomiis dey wostinynyani meyanon ephphe salphsire ichche worsesete. 7Estan taatoos gi'tere meya taar'osakitonin wosire es wori baassotin worsonek zagi. Katamabesiison dey geyak kiichchonak zagi. 8Estan wostinynyabaasakitonik ekka yi: «Sargini kootaas hoore; sinuntano teegte baasso kootaasik sholsunor sinete. 9Ese ek ari ugnaasta kesfaat danti asusin zuutira han sargini kootaaski teegotiwa» yi. 10Wostinynyani meya dey ari ugnaasta kesere danete baassotin mangusin; ma'aasin zuutire teegsere sargini keyaason tuunisete.
11«Sinuntano taatoos teegte irbaasakitonin biyak keer girifena kabaasik sargini maya maynoy isa asunin estak bi.
12«Estan ekka yi: ‹Zomotaaso; sargini maya maynoy aakkak hansi girisso?› yin asus dey shaakki.
13«Taatoos dey wostinynyabaasakitonin: ‹Kushubaasewa wochobaase asin taar'a gerakalo fa talmaassi kisira ha'utiwa. Estak waasnewa ay'ni koyne sinanawa› » yi. 14Tusire dey Yesus: «Teegte asuni meya showo; kortertes dey garowa.»
Girboni Ghowak Mamuste Mamsu
(Mar. 12:13-17; Luqa. 20:20-26)
15Estan Ferisawini meya hamere Yesusnin wolumbaaski kamo aakkak chowusi gedonemato merkesete. 16Baasso nawoni meyanon Herodisni keen sina asuni meyaneen Yesusniki wossere: «Assinynyano! Ne futonir sintamatonawa Ha'oosi ugnanon futok assifatamatona arifeniwa. Asuni digak zagifata wuza aafa. Asunin dey aane korife. 17Ese innok makebbo; neek awu sinna bestefaso? Keesarnik girboni girbo sholsungwa wedey sholsutanso?» yisete. 18Yesus baasso manguuson arifaat: «Sinnoy sinne bestesefe nitto, awuniron taan fattanefetiso? 19Girbo kaastefa birriison taak besibbetiso!» yi. Baasso dey isa diinari teshshere besisete. 20Bar dey: «Han barista fa gitoosewa baristaki fa tichaase oonirinso?» yi. 21Baasso wolgire: «Keesarnirwa» yisete. Bar dey: «Ese Keesarniison keesarnik Ha'oosiron dey Ha'oosik imtiwa» yi. 22Baasso dey es baron odeseteyse wolumbaasik diinqesefaat barin beyere hamete.
Kitun Kabuni Chowaasik Mamuste Mamsu
(Mar. 12:18-27; Luqa. 20:27-40)
23Es wono: «Kitun kabu aafa» yisefe Sedukawini meya Yesusniki yeesere ekka yit mamussete: 24«Assinynyano! Muse: ‹Isa asu nawuba koonunoy kitifaanane aybaas es asuson ephphe es kiti aybaasik zalba fu'owowa› yiwa. 25Naafun ayna ayna innoki feeseter. Baassossin arkiis asu ephaat nawa koonunoy kiti. Es bari boor'a ate aybaas es asuson ephi. 26Esiisimato dey hepsaas keezsaas hamma naafunsa kar'ananneen es asuson ephaat kitisete. 27Zuuttambesiise kitisetenneen orfo asus dey kiti. 28Ese naafunobesiise asuson ephetewa, kitun kabuni wono naafuniisasin aafferikinso asu sinanari?»
29Yesus wolgire: «Korto matsafaasikitononnawa Ha'oosi hugnanonna aane arifeti sinna boor'a daagefetiwa. 30Kitun kabsefe kabaasik asuni meya samak faase Ha'oosi wosiyane feertu sinonetano asu aafa ephosone wuza dey aafa girusone wuza. 31Sinuntano kitun kabuni chowaasik Ha'oos nittok makena baron aane feretuwetinoso? 32Ekkatu yiwa: ‹Ta Abrahamni Ha'o, Isaaqni Ha'o, Yaqobni Ha'owa› Es bari boor'a bar hayewni meeni Ha'otano kituni meeni Ha'otawa.» 33Daraas dey es baron odesere assubaasik diinqesete.
Zuuttambaase Asiistan Arki Ajaji
(Mar. 12:28-34; Luqa. 10:25-28)
34Yesus Sedukawini meyanon maksone wuza turuksire shaakkusonek zaginamato Ferisawini meya odeseteyse isarik zuuttesete. 35Baassossin isa Museni tumaasi aru Yesusnin fattanok sholefaat ekka yit mamsi: 36«Assinynyano! Tumaassin aaffa ajajisinso arkiri?» 37Yesus barik wolgire: «Daama Ha'oneeson tuuma nibneesik, tuuma kaaneesik, tuuma safaraneesik keeshtowa. 38Zuuttambaase asiistan denalonewa tesuni ajajiise esiiswa. 39Esiisne fa hepsaniis dey: ‹Asunin ne neen keeshtefataasimato keeshtowa› yifa barwa. 40Tumaasi assunewa raajjuni meeni assuse es hep ajajiistatu kapta zagiwa.»
Kiristoos Bar Oo Sinnamato
(Mar. 12:35-37; Luqa. 20:41-44)
41Ferisawini meya zuuttesere feeseten Yesus ekka yit mamsi: 42«Kiristoosni chowaas nittok awu sinna bestefaso? Bar ooni naaso?» Baasso dey wolgire: «Dawitni naawa» yisete. 43Yesus ekka yi: «Eekin Dawit Ha'oni Ayyanak tuumme aakkak ‹Daamta› yire teegeso?
44« ‹Ha'oos, Daamtaasin; #Gaama. 110:1.
gumaneesin wochoneesi sikalosi
yer'atak zagunanneen;
hoi'ta teshnaasta duwa› yiwa.
45«Dawit teetbaasik: ‹Daamta› yire teegenanneen eekin Kiristoos aakkak nawuba sinnirinso?» yi. 46Baassossin isa kaamanu wolguk chimar oonu aafe. Es wononeen barin mamsuk chimar oonu aafe.
Trenutno izabrano:
Matewos 22: YemsaNTL
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
The Word for the World Northern Africa
Matewos 22
22
Sargini Kootaasi Beso
(Luqa. 14:15-24)
1Hepsa dey Yesus besok ekka yit make: 2«Samaki taatoos naabaasik sargini koota koote taatone faarwa. 3Taatoos teegte asuni meya kootaaski yoosonek wostinynyabaasin baassoki wosi. Sinuntano baasso kootaaski yoosonek aane sholsoto.
4«Hepsa dey taatoos oom wostinynyani meyanon wosire teegte asuni meyaki hamfaat: ‹Ese sargini kootaason hoossin; omorusewa faru moonaase shuktera zuuttambaase hoore. Han sargisi kootaki yootiwa› yira makoti» yi. 5Sinuntano baasso hantaki wuzane unoy beyere isaas bulobaasi; oomiis nagadbaasi hami. 6Oomiis dey wostinynyani meyanon ephphe salphsire ichche worsesete. 7Estan taatoos gi'tere meya taar'osakitonin wosire es wori baassotin worsonek zagi. Katamabesiison dey geyak kiichchonak zagi. 8Estan wostinynyabaasakitonik ekka yi: «Sargini kootaas hoore; sinuntano teegte baasso kootaasik sholsunor sinete. 9Ese ek ari ugnaasta kesfaat danti asusin zuutira han sargini kootaaski teegotiwa» yi. 10Wostinynyani meya dey ari ugnaasta kesere danete baassotin mangusin; ma'aasin zuutire teegsere sargini keyaason tuunisete.
11«Sinuntano taatoos teegte irbaasakitonin biyak keer girifena kabaasik sargini maya maynoy isa asunin estak bi.
12«Estan ekka yi: ‹Zomotaaso; sargini maya maynoy aakkak hansi girisso?› yin asus dey shaakki.
13«Taatoos dey wostinynyabaasakitonin: ‹Kushubaasewa wochobaase asin taar'a gerakalo fa talmaassi kisira ha'utiwa. Estak waasnewa ay'ni koyne sinanawa› » yi. 14Tusire dey Yesus: «Teegte asuni meya showo; kortertes dey garowa.»
Girboni Ghowak Mamuste Mamsu
(Mar. 12:13-17; Luqa. 20:20-26)
15Estan Ferisawini meya hamere Yesusnin wolumbaaski kamo aakkak chowusi gedonemato merkesete. 16Baasso nawoni meyanon Herodisni keen sina asuni meyaneen Yesusniki wossere: «Assinynyano! Ne futonir sintamatonawa Ha'oosi ugnanon futok assifatamatona arifeniwa. Asuni digak zagifata wuza aafa. Asunin dey aane korife. 17Ese innok makebbo; neek awu sinna bestefaso? Keesarnik girboni girbo sholsungwa wedey sholsutanso?» yisete. 18Yesus baasso manguuson arifaat: «Sinnoy sinne bestesefe nitto, awuniron taan fattanefetiso? 19Girbo kaastefa birriison taak besibbetiso!» yi. Baasso dey isa diinari teshshere besisete. 20Bar dey: «Han barista fa gitoosewa baristaki fa tichaase oonirinso?» yi. 21Baasso wolgire: «Keesarnirwa» yisete. Bar dey: «Ese Keesarniison keesarnik Ha'oosiron dey Ha'oosik imtiwa» yi. 22Baasso dey es baron odeseteyse wolumbaasik diinqesefaat barin beyere hamete.
Kitun Kabuni Chowaasik Mamuste Mamsu
(Mar. 12:18-27; Luqa. 20:27-40)
23Es wono: «Kitun kabu aafa» yisefe Sedukawini meya Yesusniki yeesere ekka yit mamussete: 24«Assinynyano! Muse: ‹Isa asu nawuba koonunoy kitifaanane aybaas es asuson ephphe es kiti aybaasik zalba fu'owowa› yiwa. 25Naafun ayna ayna innoki feeseter. Baassossin arkiis asu ephaat nawa koonunoy kiti. Es bari boor'a ate aybaas es asuson ephi. 26Esiisimato dey hepsaas keezsaas hamma naafunsa kar'ananneen es asuson ephaat kitisete. 27Zuuttambesiise kitisetenneen orfo asus dey kiti. 28Ese naafunobesiise asuson ephetewa, kitun kabuni wono naafuniisasin aafferikinso asu sinanari?»
29Yesus wolgire: «Korto matsafaasikitononnawa Ha'oosi hugnanonna aane arifeti sinna boor'a daagefetiwa. 30Kitun kabsefe kabaasik asuni meya samak faase Ha'oosi wosiyane feertu sinonetano asu aafa ephosone wuza dey aafa girusone wuza. 31Sinuntano kitun kabuni chowaasik Ha'oos nittok makena baron aane feretuwetinoso? 32Ekkatu yiwa: ‹Ta Abrahamni Ha'o, Isaaqni Ha'o, Yaqobni Ha'owa› Es bari boor'a bar hayewni meeni Ha'otano kituni meeni Ha'otawa.» 33Daraas dey es baron odesere assubaasik diinqesete.
Zuuttambaase Asiistan Arki Ajaji
(Mar. 12:28-34; Luqa. 10:25-28)
34Yesus Sedukawini meyanon maksone wuza turuksire shaakkusonek zaginamato Ferisawini meya odeseteyse isarik zuuttesete. 35Baassossin isa Museni tumaasi aru Yesusnin fattanok sholefaat ekka yit mamsi: 36«Assinynyano! Tumaassin aaffa ajajisinso arkiri?» 37Yesus barik wolgire: «Daama Ha'oneeson tuuma nibneesik, tuuma kaaneesik, tuuma safaraneesik keeshtowa. 38Zuuttambaase asiistan denalonewa tesuni ajajiise esiiswa. 39Esiisne fa hepsaniis dey: ‹Asunin ne neen keeshtefataasimato keeshtowa› yifa barwa. 40Tumaasi assunewa raajjuni meeni assuse es hep ajajiistatu kapta zagiwa.»
Kiristoos Bar Oo Sinnamato
(Mar. 12:35-37; Luqa. 20:41-44)
41Ferisawini meya zuuttesere feeseten Yesus ekka yit mamsi: 42«Kiristoosni chowaas nittok awu sinna bestefaso? Bar ooni naaso?» Baasso dey wolgire: «Dawitni naawa» yisete. 43Yesus ekka yi: «Eekin Dawit Ha'oni Ayyanak tuumme aakkak ‹Daamta› yire teegeso?
44« ‹Ha'oos, Daamtaasin; #Gaama. 110:1.
gumaneesin wochoneesi sikalosi
yer'atak zagunanneen;
hoi'ta teshnaasta duwa› yiwa.
45«Dawit teetbaasik: ‹Daamta› yire teegenanneen eekin Kiristoos aakkak nawuba sinnirinso?» yi. 46Baassossin isa kaamanu wolguk chimar oonu aafe. Es wononeen barin mamsuk chimar oonu aafe.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
The Word for the World Northern Africa