<div class="version vid1064 iso6393nnp" data-vid="1064" data-iso6393="nnp">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Oshuk Chit&#252;ikya Kh&#252;z&#252;n Kax</div><div class="p"> 1Chaxwannu zing&#252;i thoto w&#252;i, Kax t&#252;ikya; Chix Zang f&#252;i ngokya, ilaxle chix Zang f&#252;i tuita changkya. 2Pongwang tokhange w&#252;i kax a zang f&#252;i ngokya. 3Chix makhange Zange pangnu li zingle alai; zingkya khama oli tuitachu chix chichang homtoxle zingkya chit&#252;i. 4Ija Kax a kh&#252;z&#252;n otong changkya#1.4: Ija Kax a kh&#252;z&#252;n otong changkya; chichangba Kax f&#252;i awonlaxle zingkya pangw&#252;i ma kh&#252;z&#252;n t&#252;ile. &#252;ntoxle ija kh&#252;z&#252;ne kh&#252;nakn&#252;nsa hato zangngai ap&#252;i. 5Ija zangngaie zangnak khato nyan ilaxle zangnake ija am&#252;t ang chitho.</div><div class="s1">Juhan-e Fakya Hakhi</div><div class="p"> 6 # 
 Mat 3.1; Mrk 1.4; Luk 3.1,2. Zange chix kaxho mix Juhan le am&#252;nkya mix 7kh&#252;naknu hato zangngai bama apua ang tsanle apao. Pangnusae atat tamchu ong angkya kuxma chix hwom hato ngui. 8Chix tomtata a ija zangngai chichang; chix a ija zangngai bama apua ang nguikya mix. 9Chix a zangngai tsingtsing, zangngai ojae chaxwannu hato nguilaxle kh&#252;naknusa to nyanlaxpuix.</div><div class="p"> 10If&#252;ima ija kax chaxwannu ma ngo. Chaxwannu Zange chix makhange zingle alai; ikoxlechu chaxwannue chix chitsing. 11Chix a ma kh&#252;naknu hato h&#252;i, ikoxlechu ma kh&#252;naknue chix pongle chikop. 12Bachutix z&#252;iz&#252;ie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox. 13Hwom a zangjang kh&#252;nak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.</div><div class="s1">Kax a M&#252;i ang achang</div><div class="p"> 14Ija kax kh&#252;nak ang achang laxle chingcha hia kaxtsinge awangle chix kem khama ngo. Hopa ang Hosa tuita w&#252;i t&#252;ikya fuazang ningle kwome chix fuazang ng&#252;n.</div><div class="p"> 15Juhan-e chix bama kaxkhi fa, ilaxle akhongle th&#252;i: &#8220;Ku f&#252;ima h&#252;ile ngokya mix a ku f&#252;i ngaxchu achongkya changpu; chemth&#252;ikoxle chix a ku pux&#252;i thoto w&#252;i t&#252;ile ngo&#252;nkya changle, le kue owa bama akaxpuix, ija a chix changpu.&#8221;</div><div class="p"> 16Chemth&#252;ikoxle okhonguile t&#252;ikya chix chingcha kha angkya, tuita f&#252;ima tuita le chixe kem to mohimanle. 17Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange h&#252;ipu. 18Owaechu Zang ongaichu mang&#252;n tox; ikoxle Hopa hama chix f&#252;i tomw&#252;i ngokya, tuita w&#252;i t&#252;ikya Hosa etix chix apuale fapu.</div><div class="s1">Baptikya mix Juhan Kaxho</div><div class="r">(Mat 3.1-12; Mrk 1.1-8; Luk 3.1-18)</div><div class="p"> 19Jerusalem angkya Jehudi p&#252;npa-chongwangbue chix ma &#8220;Nang Owa?&#8221;, le at&#252;i ang nguapabu hia Liwibu tsanle apao. 20Chipyen homle Juhan-e tsaotha le ngaile lan: &#8220;Ku a Messaiah m&#252;nchang.&#8221;</div><div class="p"> 21 # 
 Mal 4.5; Tsk 18.15,18. Hwome at&#252;i: &#8220;Jangchangba nang a owa? Nang Elija hia? Nang ajepa hia?&#8221;#1.21: ajepa: Ngai angkya t&#252;ile le ongle ngokya tamchu Messaiah ngui angkya bama kax koxle thomkya.</div><div class="p">Juhan-e lan: &#8220;Ku m&#252;nchang!&#8221;</div><div class="p"> 22Ikoxle hwome th&#252;i: &#8220;Kwome tsanle apaokyabu hama kwome w&#252;ntsuak angkya oli changle; jangchangba nang a owa? Nange nang bama chemle th&#252;i&#252;i?&#8221;</div><div class="p"> 23 # 
 Isa 40.3. Chixe Isaia ajepa taile akax:</div><div class="q1">&#8220;Jowanpa le angkya lom atangle zingle banglax,</div><div class="q2">le faokha to akhongkya kaxzing a ku changpu!&#8221;</div><div class="p"> 24If&#252;ima farisibue tsanle apaokya kaxho mixbue#1.24: kaxhomixbu, opang farisibue tsanle apaokyahex; chichangba hwome tsanle apaokya ibu a farisibu changkya; Juhan ma at&#252;i, 25&#8220;Nang Khrista chuw&#252;i chichang, tuita ajechu chichang, jangth&#252;iba nange chemth&#252;ikoxle baptipu?&#8221;</div><div class="p"> 26Juhan-e hwom ang th&#252;i: &#8220;Kue ti ma baptipu ikoxlechu h&#252;nzome chitsing tsuakkya kh&#252;nak tuita h&#252;nzom khama ajongle t&#252;ile. 27Chix a ku f&#252;ima h&#252;ile ngole; ku a chix chisox zu da ang ngaxchu chiasukya mix changle.&#8221;</div><div class="p"> 28Ijabu pangnu Juhan-e baptile ngokya Jordan shuanu tachi to Bethani ma chang.</div><div class="s1">Zang Chun Hosa</div><div class="p"> 29Of&#252;i nyix Juhan-e Jisu chix hato h&#252;ile ngokya ng&#252;n ilaxle th&#252;i: &#8220;&#8216;Chaxwannu ochax pao ang nguikya Zang Chun Hosa to hulax! 30Ku f&#252;ima mixhuak tuita h&#252;ile ngole; chix a ku f&#252;i ngaxchu akhokya changpu, chemth&#252;ikoxle chix a ku mapux tanto w&#252;i t&#252;ile ngo&#252;nkya changpu&#8217;, le kue akax ngokya mix a chix changpu.&#8221; 31Chix owa chang&#252;ihex kue chiawan, ikoxlechu Israel kh&#252;nakbu hama chix awanle kox angkya kuxma ti ma bapti fale ku nguipu.</div><div class="p"> 32Ilaxle Juhan-e ija kaxkhi fa: &#8220;Osu ningle Chasa julaxle chix khangkho ma paxkya kue ng&#252;ndaoa. 33Kue chix ija mix changle le chiawan; ikoxlechu Zang owae ku tima bapti le fa ang ngui ang tsanpuix, chixe ku ang th&#252;i: &#8216;Nange owa ma chasa julaxle paxkya ng&#252;n&#252;i hex, Otsao Chasa ma baptile fa angkya mix chix changpu!&#8217; 34Ikoxle kue ng&#252;nle laxdaoa, ilaxle kaxkhi fapu; Chix a Zang Hosa changle.&#8221;</div><div class="s1">Pongwang angkya Jisu Wangshembu</div><div class="p"> 35Anaole of&#252;i nyixchu w&#252;i Juhan chix wangshem anyi f&#252;i ikhama ajongle ngokya. 36Chixe Jisu ahamle h&#252;i&#252;i ng&#252;nlaxle th&#252;i: &#8220;Hulax! Chuja Zang Chun Hosa a!&#8221;</div><div class="p"> 37Ija kax atatlaxle ija Juhan wangshem nyi Jisu f&#252;ito pao. 38Jisu-e ak&#252;ile hu koxle chix f&#252;ito hokhi h&#252;ile ngokya ng&#252;nlaxle at&#252;i: &#8220;H&#252;nkhie chem lompu?&#8221;</div><div class="p">Okhie chix ang th&#252;i: &#8220;Rabai (th&#252;ikoxle Nwotmix), nang ojong ma ngopu?&#8221;</div><div class="p"> 39Chixe hokhi ang th&#252;i: &#8220;Oman. H&#252;ilaxle hulax.&#8221; Idaile hokhi h&#252;ilaxle chix ngokya nui ng&#252;n. Iponge hansong ali baji tuk changkoxle hokhichu ija ja chix f&#252;i tomle pom.</div><div class="p"> 40Juhan kax atatlaxle Jisu f&#252;ito azuikya nyi khama tuita a Simon Pitar honao Andriw changkya. 41Pongwang ma chixe hot&#252;i Simon atak ilaxle chix ang th&#252;i: &#8220;Kwome Messaiah (Khrista) atakdaoa.&#8221; 42If&#252;ima Simon Jisu hato ap&#252;i.</div><div class="p">Jisu-e chix to hulaxle th&#252;i: &#8220;Nang a Juhan sas&#252;n Simon; nang ang Kefa le nyak&#252;i.&#8221; (Ija a Pitar m&#252;n long changpu le th&#252;ikya tha).</div><div class="s1">Jisu-e Filip hia Nathanel nyi Nyak</div><div class="p"> 43Of&#252;i nyix Galili to paosele tsu. Ikhato chixe Filip atak. Jisu-e chix ang th&#252;i: &#8220;Ku f&#252;ito oman.&#8221; 44Filip chuw&#252;i Pitar hia Andriw hokhi ngokya Bethsaida nok angkya changkya. 45Filip-e Nathanel atak ilaxle chix ang th&#252;i: &#8220;Mosa-e wanlom laipex ma tamchu ajebue hwom laipexbu ma owa bama zale t&#252;ipuix, kwome chix ng&#252;ndaoa. Chix a Nazareth angkya Jusep sas&#252;n Jisu changle.&#8221;</div><div class="p"> 46Nathanel-e chix ang th&#252;i: &#8220;Nazareth angkya tuita m&#252;ikya oli laitsuak angchami?&#8221; Filip-e chix ang th&#252;i: &#8220;H&#252;ilax ilaxle hulax.&#8221;</div><div class="p"> 47Jisu-e Nathanel chix hato h&#252;ikya ng&#252;n ilaxle chix bama th&#252;i: &#8220;Israel kh&#252;nak tsingtsing to hulax; chix ma thaikya chem m&#252;nt&#252;i!&#8221;</div><div class="p"> 48Nathanel-e chix ang th&#252;i: &#8220;Nange ku chemle awanpu?&#8221; Jisu-e chix kax to lanle th&#252;i: &#8220;Filip-e nang nyak&#252;i thoto w&#252;i, fupsa p&#252;n fangma ngopong ma w&#252;i kue nang ng&#252;npu.&#8221;</div><div class="p"> 49Nathanel-e chix ang th&#252;i: &#8220;Rabai, nang a Zang Hosa; nang a Israel wanghom changle.&#8221;</div><div class="p"> 50Jisu-e chix kax to lanle th&#252;i: &#8220;Nang fupsa p&#252;n fangma ngopong ma kue nang ng&#252;npu le th&#252;ikya khoma nange ongkya changdaicha? If&#252;ichu s&#252;chongkya nange ng&#252;n angkya changle.&#8221; 51#Pon 28.12.Ilaxle chixe hwom ang th&#252;i: &#8220;Kue otsingtsing ma akaxpu, nange zangding ka dapkya tamchu Kh&#252;nak Hosa ma kaxtaimixbu dongkya hia jukyabu ng&#252;n&#252;i.&#8221;</div>
 </div>
 </div>
</div>

Chaxwannu zingüi thoto wüi, Kax tüikya; Chix Zang füi ngokya, ilaxle chix Zang füi tuita changkya. Pongwang tokhange wüi kax a zang füi ngokya. Chix makhange Zange pangnu li zingle alai; zingkya khama oli tuitachu chix chichang homtoxle zingkya chitüi. Ija Kax a khüzün otong changkya üntoxle ija khüzüne khünaknünsa hato zangngai apüi. Ija zangngaie zangnak khato nyan ilaxle zangnake ija amüt ang chitho.

Zange chix kaxho mix Juhan le amünkya mix khünaknu hato zangngai bama apua ang tsanle apao. Pangnusae atat tamchu ong angkya kuxma chix hwom hato ngui. Chix tomtata a ija zangngai chichang; chix a ija zangngai bama apua ang nguikya mix. Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.
Ifüima ija kax chaxwannu ma ngo. Chaxwannu Zange chix makhange zingle alai; ikoxlechu chaxwannue chix chitsing. Chix a ma khünaknu hato hüi, ikoxlechu ma khünaknue chix pongle chikop. Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox. Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.
Juhan-e chix bama kaxkhi fa, ilaxle akhongle thüi: “Ku füima hüile ngokya mix a ku füi ngaxchu achongkya changpu; chemthüikoxle chix a ku puxüi thoto wüi tüile ngoünkya changle, le kue owa bama akaxpuix, ija a chix changpu.”
Chemthüikoxle okhonguile tüikya chix chingcha kha angkya, tuita füima tuita le chixe kem to mohimanle. Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu. Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.


Jerusalem angkya Jehudi pünpa-chongwangbue chix ma “Nang Owa?”, le atüi ang nguapabu hia Liwibu tsanle apao. Chipyen homle Juhan-e tsaotha le ngaile lan: “Ku a Messaiah münchang.”
Hwome atüi: “Jangchangba nang a owa? Nang Elija hia? Nang ajepa hia?”
Juhan-e lan: “Ku münchang!”
Ikoxle hwome thüi: “Kwome tsanle apaokyabu hama kwome wüntsuak angkya oli changle; jangchangba nang a owa? Nange nang bama chemle thüiüi?”
Chixe Isaia ajepa taile akax:
“Jowanpa le angkya lom atangle zingle banglax,
le faokha to akhongkya kaxzing a ku changpu!”
Ifüima farisibue tsanle apaokya kaxho mixbue Juhan ma atüi, “Nang Khrista chuwüi chichang, tuita ajechu chichang, jangthüiba nange chemthüikoxle baptipu?”
Juhan-e hwom ang thüi: “Kue ti ma baptipu ikoxlechu hünzome chitsing tsuakkya khünak tuita hünzom khama ajongle tüile. Chix a ku füima hüile ngole; ku a chix chisox zu da ang ngaxchu chiasukya mix changle.”
Ijabu pangnu Juhan-e baptile ngokya Jordan shuanu tachi to Bethani ma chang.

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax! Ku füima mixhuak tuita hüile ngole; chix a ku füi ngaxchu akhokya changpu, chemthüikoxle chix a ku mapux tanto wüi tüile ngoünkya changpu’, le kue akax ngokya mix a chix changpu.” Chix owa changüihex kue chiawan, ikoxlechu Israel khünakbu hama chix awanle kox angkya kuxma ti ma bapti fale ku nguipu.
Ilaxle Juhan-e ija kaxkhi fa: “Osu ningle Chasa julaxle chix khangkho ma paxkya kue ngündaoa. Kue chix ija mix changle le chiawan; ikoxlechu Zang owae ku tima bapti le fa ang ngui ang tsanpuix, chixe ku ang thüi: ‘Nange owa ma chasa julaxle paxkya ngünüi hex, Otsao Chasa ma baptile fa angkya mix chix changpu!’ Ikoxle kue ngünle laxdaoa, ilaxle kaxkhi fapu; Chix a Zang Hosa changle.”

Anaole ofüi nyixchu wüi Juhan chix wangshem anyi füi ikhama ajongle ngokya. Chixe Jisu ahamle hüiüi ngünlaxle thüi: “Hulax! Chuja Zang Chun Hosa a!”
Ija kax atatlaxle ija Juhan wangshem nyi Jisu füito pao. Jisu-e aküile hu koxle chix füito hokhi hüile ngokya ngünlaxle atüi: “Hünkhie chem lompu?”
Okhie chix ang thüi: “Rabai (thüikoxle Nwotmix), nang ojong ma ngopu?”
Chixe hokhi ang thüi: “Oman. Hüilaxle hulax.” Idaile hokhi hüilaxle chix ngokya nui ngün. Iponge hansong ali baji tuk changkoxle hokhichu ija ja chix füi tomle pom.
Juhan kax atatlaxle Jisu füito azuikya nyi khama tuita a Simon Pitar honao Andriw changkya. Pongwang ma chixe hotüi Simon atak ilaxle chix ang thüi: “Kwome Messaiah (Khrista) atakdaoa.” Ifüima Simon Jisu hato apüi.
Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

Ofüi nyix Galili to paosele tsu. Ikhato chixe Filip atak. Jisu-e chix ang thüi: “Ku füito oman.” Filip chuwüi Pitar hia Andriw hokhi ngokya Bethsaida nok angkya changkya. Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”
Nathanel-e chix ang thüi: “Nazareth angkya tuita müikya oli laitsuak angchami?” Filip-e chix ang thüi: “Hüilax ilaxle hulax.”
Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”
Nathanel-e chix ang thüi: “Nange ku chemle awanpu?” Jisu-e chix kax to lanle thüi: “Filip-e nang nyaküi thoto wüi, fupsa pün fangma ngopong ma wüi kue nang ngünpu.”
Nathanel-e chix ang thüi: “Rabai, nang a Zang Hosa; nang a Israel wanghom changle.”
Jisu-e chix kax to lanle thüi: “Nang fupsa pün fangma ngopong ma kue nang ngünpu le thüikya khoma nange ongkya changdaicha? Ifüichu süchongkya nange ngün angkya changle.” Ilaxle chixe hwom ang thüi: “Kue otsingtsing ma akaxpu, nange zangding ka dapkya tamchu Khünak Hosa ma kaxtaimixbu dongkya hia jukyabu ngünüi.”

Lyssna på JUHAN 1