<div class="version vid1125 iso6393cwe" data-vid="1125" data-iso6393="cwe">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Lingo da Babeli</div><div class="p"> 1Umwaka wanhu wa zisi zose wakala na ulonzi umwe muhala na walonga mbuli zimwe muhala. 2Wanhu viwagendile kulawa ulawilo wa zua, wafika bawe da Shinali, wakala. 3Wailongela, &#8220;Izoni! Chitende matafali chiyasome moto vinogile.&#8221; Wakala na matafali badala ya mabwe, na tulasi badala ya ulongo. 4Maabaho walonga, &#8220;Lelo chiizengele bululu jetu na lingo dizafika mbaka kuulanga, muladi zina jetu dimanyike ng'hani na sekechiimwage muna iisi.&#8221;</div><div class="p"> 5Mbali Mndewa Mulungu kahumuluka na kudiwona bululu na lingo dodikalile dizengigwa na wanhu. 6Na Mndewa Mulungu kalonga, &#8220;Lola wanhu wano wose ni wamwe na wolonga ulonzi umwe, uno ni mwanduso wa sang'hano yawo. Lelo wezadaha kutenda chinhu chochose chiwoilungila. 7Leka chihumuluke na kutibula ulonzi wawo muladi sekewaitegeleze.&#8221; 8Ivo Mndewa Mulungu kawapwililisa muna iisi yose, nawo waleka kuzenga dibululu. 9Lekamana bululu ijo ditangigwa Babeli, kwaviya Mndewa Mulungu katibula ulonzi wa isi yose, na kulawa uko Mndewa Mulungu kawapwililisa wanhu mwiisi yose.</div><div class="s">Welesi wa Shemu</div><div class="p"> 10Uno uwo ludongo lwa welesi wa Shemu. Shemu viyakalile na miyaka gana kamweleka Alifakisadi, iyo ikala miyaka midi vidimalile digombo. 11Shemu viyamweleke Alifakisadi kakala miyaka magana matano, na keleka wana wamwenga wa chilume na wa chike.</div><div class="p"> 12Alifakisadi viyakalile na miyaka malongo matatu na mitano, kamweleka Shela. 13Alifakisadi viyamweleke Shela, kakala miyaka magana mane na mitatu, na keleka wana wamwenga wa chilume na wa chike.</div><div class="p"> 14Shela viyakalile na miyaka malongo matatu, kamweleka Ebeli. 15Shela viyamweleke Ebeli kakala miyaka magana mane na mitatu, na keleka wana wamwenga wa chilume na wa chike.</div><div class="p"> 16Ebeli viyakalile na miyaka malongo matatu na mine kamweleka Pelegi. 17Ebeli viyamweleke Pelegi kakala miyaka magana mane na malongo matatu, na keleka wana wamwenga wa chilume na wa chike.</div><div class="p"> 18Pelegi viyakalile na miyaka malongo matatu, kamweleka Lewu. 19Pelegi viyamweleke Lewu kakala miyaka magana maidi na kenda, na keleka wana wamwenga wa chilume na wa chike.</div><div class="p"> 20Lewu viyakalile na miyaka malongo matatu na midi kamweleka Selugi. 21Lewu viyamweleke Selugi kakala miyaka magana maidi na saba, na keleka wana wamwenga wa chilume na wa chike.</div><div class="p"> 22Selugi viyakalile na miyaka malongo matatu, kamweleka Naholi. 23Selugi viyamweleke Naholi kakala miyaka magana maidi, na keleka wana wamwenga wa chilume na wa chike.</div><div class="p"> 24Naholi viyakalile na miyaka malongo maidi na kenda kamweleka Tela. 25Naholi viyamweleke Tela kakala miyaka gana na longo na kenda, na keleka wana wamwenga wa chilume na wa chike.</div><div class="p"> 26Tela viyakalile na miyaka malongo saba kaweleka Abulamu na Naholi na Halani.</div><div class="s">Welesi wa Tela</div><div class="p"> 27Uno niuwo welesi wa Tela. Tela kaweleka Abulamu na Naholi na Halani. Nayo Halani kamweleka Lutu. 28Halani kadanganika Ulu kuna iisi ya Wakalidayo kuyavumbukile chipindi Tela tati yake yang'hali kokala uko. 29Abulamu na Naholi wasola wake. Muke wa Abulamu katangigwa Salayi na muke wa Naholi katangigwa Milika, mndele wa Halani. Halani iviya niiyo tati yawo Milika na Isika. 30Mbali Salayi kakala kabule wana kwaviya kakala mgumba.</div><div class="p"> 31Tela kamsola Abulamu mwanage, na Lutu mzukulu wake yoyelekigwe mwanage Halani, na Salayi muke wake Abulamu, na wasegela wose hamwe kulawa Ulu, bululu da Wakalidayo, kuhita kuna iisi ya Kanaani. Viwafikile Halani wakala uko. 32Tela viyakalile na miyaka magana maidi na mitano, kadanganika uko Halani.</div>
 </div>
 </div>
</div>

Umwaka wanhu wa zisi zose wakala na ulonzi umwe muhala na walonga mbuli zimwe muhala. Wanhu viwagendile kulawa ulawilo wa zua, wafika bawe da Shinali, wakala. Wailongela, “Izoni! Chitende matafali chiyasome moto vinogile.” Wakala na matafali badala ya mabwe, na tulasi badala ya ulongo. Maabaho walonga, “Lelo chiizengele bululu jetu na lingo dizafika mbaka kuulanga, muladi zina jetu dimanyike ng'hani na sekechiimwage muna iisi.”
Mbali Mndewa Mulungu kahumuluka na kudiwona bululu na lingo dodikalile dizengigwa na wanhu. Na Mndewa Mulungu kalonga, “Lola wanhu wano wose ni wamwe na wolonga ulonzi umwe, uno ni mwanduso wa sang'hano yawo. Lelo wezadaha kutenda chinhu chochose chiwoilungila. Leka chihumuluke na kutibula ulonzi wawo muladi sekewaitegeleze.” Ivo Mndewa Mulungu kawapwililisa muna iisi yose, nawo waleka kuzenga dibululu. Lekamana bululu ijo ditangigwa Babeli, kwaviya Mndewa Mulungu katibula ulonzi wa isi yose, na kulawa uko Mndewa Mulungu kawapwililisa wanhu mwiisi yose.

Uno uwo ludongo lwa welesi wa Shemu. Shemu viyakalile na miyaka gana kamweleka Alifakisadi, iyo ikala miyaka midi vidimalile digombo. Shemu viyamweleke Alifakisadi kakala miyaka magana matano, na keleka wana wamwenga wa chilume na wa chike.
Alifakisadi viyakalile na miyaka malongo matatu na mitano, kamweleka Shela. Alifakisadi viyamweleke Shela, kakala miyaka magana mane na mitatu, na keleka wana wamwenga wa chilume na wa chike.
Shela viyakalile na miyaka malongo matatu, kamweleka Ebeli. Shela viyamweleke Ebeli kakala miyaka magana mane na mitatu, na keleka wana wamwenga wa chilume na wa chike.
Ebeli viyakalile na miyaka malongo matatu na mine kamweleka Pelegi. Ebeli viyamweleke Pelegi kakala miyaka magana mane na malongo matatu, na keleka wana wamwenga wa chilume na wa chike.
Pelegi viyakalile na miyaka malongo matatu, kamweleka Lewu. Pelegi viyamweleke Lewu kakala miyaka magana maidi na kenda, na keleka wana wamwenga wa chilume na wa chike.
Lewu viyakalile na miyaka malongo matatu na midi kamweleka Selugi. Lewu viyamweleke Selugi kakala miyaka magana maidi na saba, na keleka wana wamwenga wa chilume na wa chike.
Selugi viyakalile na miyaka malongo matatu, kamweleka Naholi. Selugi viyamweleke Naholi kakala miyaka magana maidi, na keleka wana wamwenga wa chilume na wa chike.
Naholi viyakalile na miyaka malongo maidi na kenda kamweleka Tela. Naholi viyamweleke Tela kakala miyaka gana na longo na kenda, na keleka wana wamwenga wa chilume na wa chike.
Tela viyakalile na miyaka malongo saba kaweleka Abulamu na Naholi na Halani.

Uno niuwo welesi wa Tela. Tela kaweleka Abulamu na Naholi na Halani. Nayo Halani kamweleka Lutu. Halani kadanganika Ulu kuna iisi ya Wakalidayo kuyavumbukile chipindi Tela tati yake yang'hali kokala uko. Abulamu na Naholi wasola wake. Muke wa Abulamu katangigwa Salayi na muke wa Naholi katangigwa Milika, mndele wa Halani. Halani iviya niiyo tati yawo Milika na Isika. Mbali Salayi kakala kabule wana kwaviya kakala mgumba.
Tela kamsola Abulamu mwanage, na Lutu mzukulu wake yoyelekigwe mwanage Halani, na Salayi muke wake Abulamu, na wasegela wose hamwe kulawa Ulu, bululu da Wakalidayo, kuhita kuna iisi ya Kanaani. Viwafikile Halani wakala uko. Tela viyakalile na miyaka magana maidi na mitano, kadanganika uko Halani.

Lyssna på Mwanduso 11