The New Testament in Soli

<div class="version vid2447 iso6393sby" data-vid="2447" data-iso6393="sby">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu balamutwalanga kuli Pilato</div><div class="r">(Mateyo 27:1-2,11-14; Maliko 15:1-5; Yohane 18:28-38)</div><div class="p"> 1Bantu bangi balanyamuka, nekutwala Yesu kuli Pilato. 2Lino balatatika kumubepeshela Yesu eti, &#8220;Twalamucana muntu uyu kayungaula bantu ba mushobo wetu. Walikwambila bantu eti tucileke kusonka musonko kuli mwami wa ku Loma. Kayi ukute kwambeti ni Mupulushi Walaiwa kayi eti emwami.&#8221;</div><div class="p"> 3Lino Pilato walamwipusha Yesu eti, &#8220;Sena njobe, Mwami wa ba Yuda?&#8221;</div><div class="p">Yesu walakumbuleti, &#8220;Mulamba mobene.&#8221;</div><div class="p"> 4Pilato walambila bamakulene beshimilumbo nebantu bonse basa eti, &#8220;Ame kuliya mulandu ngondacana pa muntu uyu.&#8221;</div><div class="p"> 5Nsombi balo balayuminina kumubepeshela kabambeti, &#8220;Layungaulunga ne kufulunganya bantu pakwiyisha kwakendi mucishi conse ca Yudeya. Walatatikila ku Galileya lino mpaka lashiki ne kuno.&#8221;</div><div class="s">Yesu balamutwalanga kuli Helodi</div><div class="p"> 6Pilato mpwalanyumfweco walepusheti, &#8220;Sena uyu muntu nimwine Galileya?&#8221; 7Lino mpwalanyumfwa kwambeti Yesu ukute kufuma mucishi ncalikwendelesha Helode, walamutuma kuli Helode uyo walikuba mu Yelesalemu pa cindico. 8Helode mpwalabona Yesu walakondwa, pakwinga lyonse walikunyumfwa mbili yakendi. Neco walikuyanda kumubona. Walikuyandishisha kwambeti akamubonepo kensa cikankamanisho. 9Neco Helode walamwipusha mipusho ingi, nsombi Yesu nendi liya kumukumbulapo ciliconse. 10Bamakulene beshimilumbo ne beshikwiyisha ba Milawo balesa pepi nekutatika kumubepesha cangofu. 11Helode nebashilikali bakendi balamuseka Yesu ne kumunyansha. Lino balamufwalika cakufwala cabwami, nekumubwesha kuli Pilato. 12Kufuma busuba ubo Helode ne Pilato balatatika kunyumfwana pakwinga balikuba bapatana.</div><div class="s">Yesu lapingulweti ashinwe</div><div class="r">(Mateyo 27:15-26; Maliko 15:6-15; Yohane 18:39&#8212;19:16)</div><div class="p"> 13Lino Pilato walabunganya bamakulene beshimilumbo ne beshikwendelesha kayi ne bantu bonse. 14Lino walabambileti, &#8220;Uyu muntu mulamulete kuli njameti nkayungaula bantu, lino ame ndamwipushu mwense kamulipo, ndacana kwambeti liya mulandu pamakani onse ngomwa mwambanga. 15Helode neye liya kucanapo mulandu pali uyu muntu, weco neye lamubweshe kuli afwe. Kamubona uyu muntu liya kwinsapo mulandu wakufwilapo. 16Neco ndimukwipowa ne kumusungulula.&#8221;</div><div class="p"> 17Nomba Pilato lyonse walikubasungululila kayili umo pabusuba bwa Pasika.</div><div class="p"> 18Nsombi bonse bantu balolobesha pamo eti, &#8220;Ashinwe muntu uyu, mutusungwilile Balabasi.&#8221; 19Balabasi uyu walasungwa pakwinga walapanga cimfulunganya mucishi ne kushina bantu.</div><div class="p"> 20Nsombi Pilato walikuyanda kumusungulula Yesu, neco walamba nabo bantu basa kayi. 21Nomba nabo balolobesheti, &#8220;Mupopeni palusanda! Mupopeni!&#8221;</div><div class="p"> 22Pilato walabambila bantu kabutatu eti, nomba lenshi cani caipa uyu? Ame ndacana kwambeti liya mulandu ngwelakufwilapo. Neco ndimukwipowa nekumusungulula.</div><div class="p"> 23Nsombi bonse bayuminina kolobesheti, &#8220;Welela kupopwa palusanda.&#8221; Lino Pilato walakomwa kumaswi ayo. 24Neco Pilato walapingula kwelana ne ncobalikusenga bantu baseti cinshike. 25Pilato walasungulula Balabasi uyo walaleta cimfulunganya nekushina bantu ngobalasenga. Yesu bamwinse kwelana mbuli kuyanda kwabo.</div><div class="s">Yesu lapopwanga pa lusanda</div><div class="r">(Mateyo 27:32-44; Maliko 15:21-32; Yohane 19:17-27)</div><div class="p"> 26Bashilikali balamumanta Yesu kwambeti benga bamupope. Balakumana ne Shimoni waku Kulene, nkafuma muminshi. Balamwikata nekumunyamwisha lusanda kwambeti akonkenga panyuma pa Yesu.</div><div class="p"> 27Bantu bangi balikumukonkela. Pakati pabo palikuba batukashi bali kabalila nekunyumfwa kwipilwa pacebo ca Yesu. 28Lino Yesu walapilibuka ne kubambileti, &#8220;Amwe mobatukashi ba ku Yelusalemu mutalilila ame sobwe, nsombi mulilile mobene kayi ne bana benu. 29Pakwinga masuba nakashike bantu mpoti bakambengeti, &#8216;Bakute colwe batukashi balabula kusemapo nekuyamwishapo!&#8217; 30Pacindico nibakasenge malundu eti, &#8216;Kamutuwila&#8217; Kayi netucina eti, &#8216;Tufwekeleleni.&#8217; 31Nomba lino na kulico kulinjame ndecitondo catontola, nomba nikukabeconi kuli njamwe mobitondo byayuma?&#8221;</div><div class="p"> 32Balamanta ba kapondo babili kwambeti benga bapopwe pamo ne Yesu. 33Mpobalashika kumusena walikukwiweti cifupa ca mutwi, balapopa Yesu palusanda. Kopeloko balapopako bakapondo basa palusanda, umbi kululyo naumbi kucipiko. 34Yesu walambeti, &#8220;Ta, kamubalekelela pakwinga nkabacinshi ncobalenshinga.&#8221;</div><div class="p">Lino balensa nsolo nekuyabana byakufwala byakendi. 35Bantu balikuba bemana popelapo kabebela. Nomba bamakulene ba Bayuda abo kabaweluluka Yesu nekwambeti, &#8220;Walapulusha bambi, lino neye alipulushe mwine, na ni Mupulushi uyo Walaiwa ne Lesa.&#8221;</div><div class="p"> 36Bashilikali naboyo balamuseka, balesa pepi nekumupa waini wasasa eti anwe. 37Nekumwambileti, &#8220;Na njobe Mwami wa Bayuda, lipulushe omwine.&#8221;</div><div class="p"> 38Pelu palusanda palikuba palembweti, &#8220;Uyu emwami wa ba Yuda.&#8221;</div><div class="p"> 39Kapondo umo walikuba wapopwa pamo ne Yesu, walamucobola Yesu eti, &#8220;Sena ntobe mupulushi washomeshewa? Lipulushe nenjafwe utupulushe.&#8221;</div><div class="p"> 40Nsombi umbi walakalilila munendi nekumwambileti, &#8220;Sena obe nkotini Lesa? Tulapopwa pamo twense mu mapensho. 41Nsombi afwe tobabili twelela kupopwa pakwinga tulatambulunga cilambo celela pa bintu mbyotwalikwinsa. Lino uyu neye kuliya caipa ncalensapo.&#8221; 42Lino walambila Yesu eti &#8220;Mukanganuke mwakesa mu Bwami bwenu.&#8221;</div><div class="p"> 43Lino Yesu walamwambileti, &#8220;Cakubinga ndakwambilinga lelo, nukekale nenjame mu Paladaiso.&#8221;</div><div class="s">Lufu Lwa Yesu</div><div class="r">(Mateyo 27:45-56; Maliko 15:33-41; Yohane 19:28-30)</div><div class="p"> 44Lino cindi mpocalashika pa 12 koloko, kwalaba mushinshe pacishi conse kushikila 3 koloko, 45lino cikwisa calikucala mu Ng'anda ya Lesa calatwamuka pakati. 46Lino Yesu walolobesha ne liswi lya pelu eti, &#8220;Ta mushimu wakame ndaubiki mumakasa enu.&#8221; Mpwalapwisha kwambeco, walafwa.</div><div class="p"> 47Mukulene wa bashilikali mpwalaboneco, walalumbaisha Lesa, ne kwambeti, &#8220;Nicakubinga uyu muntu walikuba walulama.&#8221;</div><div class="p"> 48Naboyo bantu bangi balikuba babungana kabebela, mpobalabona calenshika balabwelela kumanda kwabo nkabayakulyuma pantiti ne kungumana. 49Bantu bonse balikumwinshiba Yesu, ne batukashi basa balamukonkela baku Galileya, balemana patali kababona byonse byalenshika.</div><div class="s">Yesu labikwanga mumanda</div><div class="r">(Mateyo 27:57-61; Maliko 15:42-47; Yohane 19:38-42)</div><div class="p"> 50Kwalikuba muntu walikukwiweti Yosefe walikwikala mumushi wa Alimateya mucishi ca Yudeya. Walikuba umo wamulibunga lya Nkuta inene ya Bayuda, walikuba muntu uli cena walemekwa 51nendi wali kupembelela kwisa kwa Bwami bwa Lesa. 52Uyu muntu walaya ku musenga Pilato citumbi ca Yesu. 53Lino walaselusha citumbi palusanda ne kupombela mucikwisa caina, walamubika mu cumbwe ca mulibwe umo mwalikuba mutana mubikwapo muntu uliyense. 54Bwalikuba busuba bwakulibambila pakwinga busuba bwa Sabata bwalikuba pepi kutatika.</div><div class="p"> 55Batukashi baku Galileya basa balikukonkela Yesu balaya ne Yosefe akubona cumbwe mwalabika citumbi ca Yesu. 56Balabwelela ku ng'anda a kubamba mafuta anunkila cena.</div><div class="p">Lino pabusuba bwa Sabata, balapumwina kwelana ne Milawo Lesa njalapa Mose.</div>
 </div>
 </div>
</div>

Soli New Testament © The Word For The World International, 2018.

Bantu bangi balanyamuka, nekutwala Yesu kuli Pilato. Lino balatatika kumubepeshela Yesu eti, “Twalamucana muntu uyu kayungaula bantu ba mushobo wetu. Walikwambila bantu eti tucileke kusonka musonko kuli mwami wa ku Loma. Kayi ukute kwambeti ni Mupulushi Walaiwa kayi eti emwami.”
Lino Pilato walamwipusha Yesu eti, “Sena njobe, Mwami wa ba Yuda?”
Yesu walakumbuleti, “Mulamba mobene.”
Pilato walambila bamakulene beshimilumbo nebantu bonse basa eti, “Ame kuliya mulandu ngondacana pa muntu uyu.”
Nsombi balo balayuminina kumubepeshela kabambeti, “Layungaulunga ne kufulunganya bantu pakwiyisha kwakendi mucishi conse ca Yudeya. Walatatikila ku Galileya lino mpaka lashiki ne kuno.”

Pilato mpwalanyumfweco walepusheti, “Sena uyu muntu nimwine Galileya?” Lino mpwalanyumfwa kwambeti Yesu ukute kufuma mucishi ncalikwendelesha Helode, walamutuma kuli Helode uyo walikuba mu Yelesalemu pa cindico. Helode mpwalabona Yesu walakondwa, pakwinga lyonse walikunyumfwa mbili yakendi. Neco walikuyanda kumubona. Walikuyandishisha kwambeti akamubonepo kensa cikankamanisho. Neco Helode walamwipusha mipusho ingi, nsombi Yesu nendi liya kumukumbulapo ciliconse. Bamakulene beshimilumbo ne beshikwiyisha ba Milawo balesa pepi nekutatika kumubepesha cangofu. Helode nebashilikali bakendi balamuseka Yesu ne kumunyansha. Lino balamufwalika cakufwala cabwami, nekumubwesha kuli Pilato. Kufuma busuba ubo Helode ne Pilato balatatika kunyumfwana pakwinga balikuba bapatana.


Lino Pilato walabunganya bamakulene beshimilumbo ne beshikwendelesha kayi ne bantu bonse. Lino walabambileti, “Uyu muntu mulamulete kuli njameti nkayungaula bantu, lino ame ndamwipushu mwense kamulipo, ndacana kwambeti liya mulandu pamakani onse ngomwa mwambanga. Helode neye liya kucanapo mulandu pali uyu muntu, weco neye lamubweshe kuli afwe. Kamubona uyu muntu liya kwinsapo mulandu wakufwilapo. Neco ndimukwipowa ne kumusungulula.”
Nomba Pilato lyonse walikubasungululila kayili umo pabusuba bwa Pasika.
Nsombi bonse bantu balolobesha pamo eti, “Ashinwe muntu uyu, mutusungwilile Balabasi.” Balabasi uyu walasungwa pakwinga walapanga cimfulunganya mucishi ne kushina bantu.
Nsombi Pilato walikuyanda kumusungulula Yesu, neco walamba nabo bantu basa kayi. Nomba nabo balolobesheti, “Mupopeni palusanda! Mupopeni!”
Pilato walabambila bantu kabutatu eti, nomba lenshi cani caipa uyu? Ame ndacana kwambeti liya mulandu ngwelakufwilapo. Neco ndimukwipowa nekumusungulula.
Nsombi bonse bayuminina kolobesheti, “Welela kupopwa palusanda.” Lino Pilato walakomwa kumaswi ayo. Neco Pilato walapingula kwelana ne ncobalikusenga bantu baseti cinshike. Pilato walasungulula Balabasi uyo walaleta cimfulunganya nekushina bantu ngobalasenga. Yesu bamwinse kwelana mbuli kuyanda kwabo.


Bashilikali balamumanta Yesu kwambeti benga bamupope. Balakumana ne Shimoni waku Kulene, nkafuma muminshi. Balamwikata nekumunyamwisha lusanda kwambeti akonkenga panyuma pa Yesu.
Bantu bangi balikumukonkela. Pakati pabo palikuba batukashi bali kabalila nekunyumfwa kwipilwa pacebo ca Yesu. Lino Yesu walapilibuka ne kubambileti, “Amwe mobatukashi ba ku Yelusalemu mutalilila ame sobwe, nsombi mulilile mobene kayi ne bana benu. Pakwinga masuba nakashike bantu mpoti bakambengeti, ‘Bakute colwe batukashi balabula kusemapo nekuyamwishapo!’ Pacindico nibakasenge malundu eti, ‘Kamutuwila’ Kayi netucina eti, ‘Tufwekeleleni.’ Nomba lino na kulico kulinjame ndecitondo catontola, nomba nikukabeconi kuli njamwe mobitondo byayuma?”
Balamanta ba kapondo babili kwambeti benga bapopwe pamo ne Yesu. Mpobalashika kumusena walikukwiweti cifupa ca mutwi, balapopa Yesu palusanda. Kopeloko balapopako bakapondo basa palusanda, umbi kululyo naumbi kucipiko. Yesu walambeti, “Ta, kamubalekelela pakwinga nkabacinshi ncobalenshinga.”
Lino balensa nsolo nekuyabana byakufwala byakendi. Bantu balikuba bemana popelapo kabebela. Nomba bamakulene ba Bayuda abo kabaweluluka Yesu nekwambeti, “Walapulusha bambi, lino neye alipulushe mwine, na ni Mupulushi uyo Walaiwa ne Lesa.”
Bashilikali naboyo balamuseka, balesa pepi nekumupa waini wasasa eti anwe. Nekumwambileti, “Na njobe Mwami wa Bayuda, lipulushe omwine.”
Pelu palusanda palikuba palembweti, “Uyu emwami wa ba Yuda.”
Kapondo umo walikuba wapopwa pamo ne Yesu, walamucobola Yesu eti, “Sena ntobe mupulushi washomeshewa? Lipulushe nenjafwe utupulushe.”
Nsombi umbi walakalilila munendi nekumwambileti, “Sena obe nkotini Lesa? Tulapopwa pamo twense mu mapensho. Nsombi afwe tobabili twelela kupopwa pakwinga tulatambulunga cilambo celela pa bintu mbyotwalikwinsa. Lino uyu neye kuliya caipa ncalensapo.” Lino walambila Yesu eti “Mukanganuke mwakesa mu Bwami bwenu.”
Lino Yesu walamwambileti, “Cakubinga ndakwambilinga lelo, nukekale nenjame mu Paladaiso.”


Lino cindi mpocalashika pa 12 koloko, kwalaba mushinshe pacishi conse kushikila 3 koloko, lino cikwisa calikucala mu Ng'anda ya Lesa calatwamuka pakati. Lino Yesu walolobesha ne liswi lya pelu eti, “Ta mushimu wakame ndaubiki mumakasa enu.” Mpwalapwisha kwambeco, walafwa.
Mukulene wa bashilikali mpwalaboneco, walalumbaisha Lesa, ne kwambeti, “Nicakubinga uyu muntu walikuba walulama.”
Naboyo bantu bangi balikuba babungana kabebela, mpobalabona calenshika balabwelela kumanda kwabo nkabayakulyuma pantiti ne kungumana. Bantu bonse balikumwinshiba Yesu, ne batukashi basa balamukonkela baku Galileya, balemana patali kababona byonse byalenshika.


Kwalikuba muntu walikukwiweti Yosefe walikwikala mumushi wa Alimateya mucishi ca Yudeya. Walikuba umo wamulibunga lya Nkuta inene ya Bayuda, walikuba muntu uli cena walemekwa nendi wali kupembelela kwisa kwa Bwami bwa Lesa. Uyu muntu walaya ku musenga Pilato citumbi ca Yesu. Lino walaselusha citumbi palusanda ne kupombela mucikwisa caina, walamubika mu cumbwe ca mulibwe umo mwalikuba mutana mubikwapo muntu uliyense. Bwalikuba busuba bwakulibambila pakwinga busuba bwa Sabata bwalikuba pepi kutatika.
Batukashi baku Galileya basa balikukonkela Yesu balaya ne Yosefe akubona cumbwe mwalabika citumbi ca Yesu. Balabwelela ku ng'anda a kubamba mafuta anunkila cena.
Lino pabusuba bwa Sabata, balapumwina kwelana ne Milawo Lesa njalapa Mose.

Lyssna på Luka 23