<div class="version vid3688 iso6393nmb" data-vid="3688" data-iso6393="nmb">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">V'nen ivrur puk laha, nahan iv'i Sun</span></div><div class="iot"><span class="content">?Hin ak iulul a puk laha?</span></div><div class="ip"><span class="content">A Sun, la isapei a Iesu nakl, iulul a puk laha. Iatu nahan arna puk, v'eti v'nenan kinkin iv'iv'en ti iv'i hin (</span><span class="it"><span class="content">Sun 21:20-24</span></span><span class="content">). A Sun iulul a lita artl, avv'i 1 Sun, 2 Sun m'a 3 Sun. Sarei, iulul a puk iv'i Revelesen. A Sun iv'i tv'aln a Sim'is. Hir arru lera arv'i a natn a Sep'eti (</span><span class="it"><span class="content">Luk 5:10</span></span><span class="content">).</span></div><div class="iot"><span class="content">?Iulul a puk laha v'aran?</span></div><div class="ip"><span class="content">A Sun iulul ani naran kinkin itudina hin arna pai iv'i 85 AD* dav'a kaier pai iv'i 90 AD* (*pai iv'i 85 ier pai iv'i 90 itauatah a naran a ti a Iesu ima arna nadep' ka).</span></div><div class="ip"><span class="content">Inap'i lera, ala ti puk laha ivrur a Iesu, v'eti itauatah anr a Matiu, a Mak m'ei a Luk. A Sun ivrur sei hir lera ahavruri.</span></div><div class="iot"><span class="content">?Puk laha iv'a asn hin ak?</span></div><div class="ip"><span class="content">Iv'a asnr m'ertu avlak arna v'anu naran arm'ertu avlei a Iesu atvtrtarep' sarei v'aha atvram'a sarei.</span></div><div class="iot"><span class="content">?M'ertu iulul a puk laha iani sena v'ata?</span></div><div class="ip"><span class="content">Iani a ti m'ertu apavrndu ti a Iesu iv'i a Natn a Mlin Eia kav'i Atua. Ivr si lera arna </span><span class="it"><span class="content">Sun 20:31</span></span><span class="content">.</span></div><div class="ip"><span class="content">A Sun irn ti ipavrp'ep'a sei ardu uraur adavruri. Iavrur sei a Iesu iani nakl, v'eti ivrur ti a Iesu iv'i hin ak. Arna nut isatl, iulul a v'nenan a Iesu, naran ivr ti a, &#8220;Kana nv'i&#8230;&#8221; (</span><span class="it"><span class="content">Sun 6:35, 8:12, 8:58, 10:9, 10:11, 11:25, 14:6, 15:1</span></span><span class="content">).</span></div><div class="iot"><span class="content">?Puk laha iv'iv'en v'ata a nakd?</span></div><div class="ip"><span class="content">Iv'iv'en ti nkavv'ah ti a Iesu iv'i a Natn a Mlin Eia uaki. Hin iv'i Atua. Sena si lera, p'vsapei kavan si udlani ivri. Hin iv'i M'ertu kav'i Atua. Ipavr ti inap'i lera, Hin iv'i Mlinad.</span></div><div class="ip"><span class="content">M'ertu istudau avrndu </span><span class="it"><span class="content">Sun 3:16</span></span><span class="content">. Ip'as a ti p'vvrp'ep'a ves inap'i lera nakl, a ti m'ertu apavv'ah a Iesu.</span></div><div class="ip"><span class="content">Arna </span><span class="it"><span class="content">Sun 17</span></span><span class="content"> a Sun iulul a Iesu ivri naran itu tamat sanar arm'ertuan, la avlak arna nadep' ka ha. Ves inap'i lera avrndu ti apavmhmah a nakd arna silv'ienad.</span></div>
      </div>
   </div>
</div>

V'nen ivrur puk laha, nahan iv'i Sun
?Hin ak iulul a puk laha?
A Sun, la isapei a Iesu nakl, iulul a puk laha. Iatu nahan arna puk, v'eti v'nenan kinkin iv'iv'en ti iv'i hin (Sun 21:20-24). A Sun iulul a lita artl, avv'i 1 Sun, 2 Sun m'a 3 Sun. Sarei, iulul a puk iv'i Revelesen. A Sun iv'i tv'aln a Sim'is. Hir arru lera arv'i a natn a Sep'eti (Luk 5:10).
?Iulul a puk laha v'aran?
A Sun iulul ani naran kinkin itudina hin arna pai iv'i 85 AD* dav'a kaier pai iv'i 90 AD* (*pai iv'i 85 ier pai iv'i 90 itauatah a naran a ti a Iesu ima arna nadep' ka).
Inap'i lera, ala ti puk laha ivrur a Iesu, v'eti itauatah anr a Matiu, a Mak m'ei a Luk. A Sun ivrur sei hir lera ahavruri.
?Puk laha iv'a asn hin ak?
Iv'a asnr m'ertu avlak arna v'anu naran arm'ertu avlei a Iesu atvtrtarep' sarei v'aha atvram'a sarei.
?M'ertu iulul a puk laha iani sena v'ata?
Iani a ti m'ertu apavrndu ti a Iesu iv'i a Natn a Mlin Eia kav'i Atua. Ivr si lera arna Sun 20:31.
A Sun irn ti ipavrp'ep'a sei ardu uraur adavruri. Iavrur sei a Iesu iani nakl, v'eti ivrur ti a Iesu iv'i hin ak. Arna nut isatl, iulul a v'nenan a Iesu, naran ivr ti a, “Kana nv'i…” (Sun 6:35, 8:12, 8:58, 10:9, 10:11, 11:25, 14:6, 15:1).
?Puk laha iv'iv'en v'ata a nakd?
Iv'iv'en ti nkavv'ah ti a Iesu iv'i a Natn a Mlin Eia uaki. Hin iv'i Atua. Sena si lera, p'vsapei kavan si udlani ivri. Hin iv'i M'ertu kav'i Atua. Ipavr ti inap'i lera, Hin iv'i Mlinad.
M'ertu istudau avrndu Sun 3:16. Ip'as a ti p'vvrp'ep'a ves inap'i lera nakl, a ti m'ertu apavv'ah a Iesu.
Arna Sun 17 a Sun iulul a Iesu ivri naran itu tamat sanar arm'ertuan, la avlak arna nadep' ka ha. Ves inap'i lera avrndu ti apavmhmah a nakd arna silv'ienad.

Lyssna på Sun V'nen ivrur puk laha, nahan iv'i Sun