Kinyarwanda - 1996 Edition (NT)

<div class="version vid395 iso6393kin" data-vid="395" data-iso6393="kin">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Urupfu rwa Lazaro</div><div class="p"> 1Umuntu witwa Lazaro wari utuye i Betaniya yafashwe n'indwara. I Betaniya aho ni ho Mariya n'umuvandimwe we Marita#Mariya na Marita: reba Lk 10.38-39. babaga. 2Lazaro uwo yari musaza wa Mariya, wa wundi was&#299;ze Nyagasani Yezu amavuta ku birenge akabihanaguza umusatsi we. 3Nuko abo bashiki ba Lazaro batuma kuri Yezu bati: &#8220;Nyagasani, uwo ukunda ararwaye.&#8221;</div><div class="p"> 4Yezu abyumvise aravuga ati: &#8220;Iyo ndwara si iyo kumwica, ahubwo igenewe guhesha Imana ikuzo kugira ngo Umwana wayo na we akuzwe.&#8221; 5Yezu yakundaga Marita na Mariya na Lazaro. 6Yumvise ko Lazaro arwaye asibira aho yari ari indi minsi ibiri.</div><div class="p"> 7Hanyuma abwira abigishwa be ati: &#8220;Nimureke dusubire muri Yudeya.&#8221;</div><div class="p"> 8Abigishwa baramubaza bati: &#8220;Mwigisha, vuba aha Abayahudi bashakaga kukwicisha amabuye none ugiye gusubirayo?&#8221;</div><div class="p"> 9Yezu arabasubiza ati: &#8220;Mbese umunsi ntufite amasaha cumi n'abiri? Iyo umuntu agenda ku manywa ntasitara kuko aba amurikiwe n'urumuri rw'iyi si. 10Ariko ugenda nijoro arasitara kuko aba adafite urumuri.&#8221; 11Amaze kubabwira atyo yungamo ati: &#8220;Incuti yacu Lazaro arasinziriye, ariko ngiye kumukangura.&#8221;</div><div class="p"> 12Abigishwa baramubwira bati: &#8220;Nyagasani, niba ari ugusinzira gusa azakira.&#8221;</div><div class="p"> 13Nyamara Yezu yavugaga ko Lazaro yapfuye, ariko bo bakibwira ko avuga ibitotsi bisanzwe. 14Yezu ni ko kuberurira ati: &#8220;Lazaro yarapfuye. 15Ariko kubera mwe nishimiye ko ntari mpari kugira ngo munyizere. None nimuze tujye aho ari.&#8221;</div><div class="p"> 16Tomasi witwaga Didimo abwira abigishwa bagenzi be ati: &#8220;Reka tumuherekeze tuzapfane na we!&#8221;</div><div class="s">Yezu ni we kuzuka n'ubugingo</div><div class="p"> 17Yezu agezeyo asanga Lazaro amaze iminsi ine mu mva. 18Kuva i Yeruzalemu ujya i Betaniya hari nk'ibirometero bitatu, 19ku bw'ibyo Abayahudi benshi bari baje gusura Marita na Mariya kubera urupfu rwa musaza wabo.</div><div class="p"> 20Marita yumvise ko Yezu aje ajya kumusanganira, naho Mariya asigara imuhira. 21Nuko Marita abwira Yezu ati: &#8220;Nyagasani, iyo uba hano ntabwo musaza wanjye aba yarapfuye. 22N'ubu ariko nzi yuko icyo uri busabe Imana cyose iri bukiguhe.&#8221;</div><div class="p"> 23Yezu aramubwira ati: &#8220;Musaza wawe azazuka.&#8221;</div><div class="p"> 24Marita aramusubiza ati: &#8220;Nzi ko azazukana n'abandi ku munsi w'imperuka.&#8221;</div><div class="p"> 25Yezu aramubwira ati: &#8220;Ni jye kuzuka n'ubugingo, unyizera wese naho yaba yarapfuye azabaho. 26Kandi uriho wese unyizera ntazigera apfa. Mbese ibyo urabyemera?&#8221;</div><div class="p"> 27Marita aramusubiza ati: &#8220;Yee ndabyemera, Nyagasani. Namaze kwemera ko ari wowe Kristo, Umwana w'Imana wagombaga kuza ku isi.&#8221;</div><div class="s">Yezu arira</div><div class="p"> 28Amaze kuvuga atyo ajya guhamagara umuvandimwe we Mariya, aramwongorera ati: &#8220;Umwigisha yaje kandi aragushaka.&#8221; 29Mariya abyumvise, ahaguruka bwangu ajya gusanganira Yezu. 30Yezu yari ataragera aho batuye, ahubwo yari akiri aho Marita yari yamusanze. 31Abayahudi bari baje gusura Mariya babonye asohotse yihuta, baramukurikira bibwira ko agiye kuririra ku mva.</div><div class="p"> 32Mariya agera aho Yezu ari, amubonye ahita amwikubita imbere maze aravuga ati: &#8220;Nyagasani, iyo uba hano musaza wanjye ntaba yarapfuye.&#8221;</div><div class="p"> 33Nuko Yezu abonye Mariya arira n'Abayahudi bari bamuherekeje na bo barira, asuhuza umutima ababaye cyane. 34Nuko arabaza ati: &#8220;Mwamushyize he?&#8221;</div><div class="p">Bati: &#8220;Nyagasani, ngwino urebe!&#8221;</div><div class="p"> 35Yezu ararira. 36Nuko Abayahudi baravuga bati: &#8220;Nimurebe ukuntu yamukundaga!&#8221;</div><div class="p"> 37Bamwe muri bo baravuga bati: &#8220;Ariko se uwahum&#363;ye ya mpumyi ntiyashoboraga kubuza uyu nguyu gupfa?&#8221;</div><div class="s">Yezu azura Lazaro</div><div class="p"> 38Nuko Yezu yongera gusuhuza umutima, ajya ku mva. Iyo mva yari ubuvumo kandi bwari bukingishije ibuye. 39Yezu aramubwira ati: &#8220;Nimuvaneho ibuye!&#8221;</div><div class="p">Marita mushiki wa nyakwigendera aramubwira ati: &#8220;Nyagasani, ubu aranuka kuko uyu ubaye umunsi wa kane.&#8221;</div><div class="p"> 40Yezu aramusubiza ati: &#8220;Mbese sinakubwiye ko nunyizera uri bwibonere ikuzo ry'Imana?&#8221; 41Nuko bavanaho ibuye maze Yezu areba hejuru aravuga ati: &#8220;Data, ngushimiye yuko wanyumvise. 42Jyewe nsanzwe nzi ko unyumva iteka, ariko ibyo mbivuze kubera rubanda bankikije kugira ngo bemere ko ari wowe wantumye.&#8221; 43Amaze kuvuga atyo arangurura ijwi ahamagara ati: &#8220;Lazaro, sohoka!&#8221; 44Nuko uwari warapfuye arasohoka, amaguru n'amaboko bihambiriwe n'udutambaro, no mu maso he hapfutswe igitambaro. Yezu arababwira ati: &#8220;Nimumuhambure mureke agende.&#8221;</div><div class="s">Abakuru b'Abayahudi bajya inama yo kwica Yezu</div><div class="r">(Mt 26.1-5; Mk 14.1-2; Lk 22.1-2)</div><div class="p"> 45Benshi mu Bayahudi bari baje gusura Mariya, babonye ibyo Yezu akoze baramwemera. 46Ariko bamwe muri bo basanga Abafarizayi, babatekerereza ibyo Yezu yakoze. 47Nuko abakuru bo mu batambyi n'Abafarizayi bakoranya urukiko rw'ikirenga, baravuga bati: &#8220;Tubigenje dute ko uyu muntu agumya gukora ibitangaza byinshi? 48Nitumwihorera agakomeza atyo abantu bose bazamwemera, bitume Abanyaroma baza bigarurire Ingoro y'Imana n'igihugu cyacu.&#8221;</div><div class="p"> 49Umwe muri bo witwa Kayifa wari Umutambyi mukuru uwo mwaka arababwira ati: &#8220;Burya koko nta cyo muzi! 50Ntimuriyumvisha ko icyababera cyiza ari uko umuntu umwe apfira rubanda, aho gutuma ubwoko bwose burimbuka?&#8221; 51Ibyo ntiyabivuze abyihangiye, ahubwo kuko yari Umutambyi mukuru uwo mwaka yahanuye ko Yezu agiye kuzapfira ubwoko bw'Abayahudi, 52kandi si ubwo bwoko bwonyine ahubwo ngo anahurize hamwe abana b'Imana bari hirya no hino ku isi.</div><div class="p"> 53Kuva uwo munsi biyemeza kumwica. 54Ni cyo cyatumye Yezu atongera kugaragara muri bo. Ahubwo yigira mu mujyi witwa Efurayimu uri hafi y'akarere kadatuwe, ahagumana n'abigishwa be.</div><div class="p"> 55Umunsi mukuru wa Pasika y'Abayahudi wari wegereje, bityo abantu benshi bajya i Yeruzalemu mbere y'uwo munsi kugira ngo bakore umuhango wo kwihumanura. 56Babuze Yezu abari mu rugo rw'Ingoro y'Imana barabazanya bati: &#8220;Murabitekerezaho iki? Mbese ntazaza mu minsi mikuru?&#8221; 57Ubwo abakuru bo mu batambyi n'Abafarizayi bakaba bategetse ko hagize uwamenya aho Yezu aherereye, yababwira kugira ngo bamufate.</div>
 </div>
 </div>
</div>

Bibiliya Yera © Bible Society of Rwanda, 2001 

Umuntu witwa Lazaro wari utuye i Betaniya yafashwe n'indwara. I Betaniya aho ni ho Mariya n'umuvandimwe we Marita babaga. Lazaro uwo yari musaza wa Mariya, wa wundi wasīze Nyagasani Yezu amavuta ku birenge akabihanaguza umusatsi we. Nuko abo bashiki ba Lazaro batuma kuri Yezu bati: “Nyagasani, uwo ukunda ararwaye.”
Yezu abyumvise aravuga ati: “Iyo ndwara si iyo kumwica, ahubwo igenewe guhesha Imana ikuzo kugira ngo Umwana wayo na we akuzwe.” Yezu yakundaga Marita na Mariya na Lazaro. Yumvise ko Lazaro arwaye asibira aho yari ari indi minsi ibiri.
Hanyuma abwira abigishwa be ati: “Nimureke dusubire muri Yudeya.”
Abigishwa baramubaza bati: “Mwigisha, vuba aha Abayahudi bashakaga kukwicisha amabuye none ugiye gusubirayo?”
Yezu arabasubiza ati: “Mbese umunsi ntufite amasaha cumi n'abiri? Iyo umuntu agenda ku manywa ntasitara kuko aba amurikiwe n'urumuri rw'iyi si. Ariko ugenda nijoro arasitara kuko aba adafite urumuri.” Amaze kubabwira atyo yungamo ati: “Incuti yacu Lazaro arasinziriye, ariko ngiye kumukangura.”
Abigishwa baramubwira bati: “Nyagasani, niba ari ugusinzira gusa azakira.”
Nyamara Yezu yavugaga ko Lazaro yapfuye, ariko bo bakibwira ko avuga ibitotsi bisanzwe. Yezu ni ko kuberurira ati: “Lazaro yarapfuye. Ariko kubera mwe nishimiye ko ntari mpari kugira ngo munyizere. None nimuze tujye aho ari.”
Tomasi witwaga Didimo abwira abigishwa bagenzi be ati: “Reka tumuherekeze tuzapfane na we!”

Yezu agezeyo asanga Lazaro amaze iminsi ine mu mva. Kuva i Yeruzalemu ujya i Betaniya hari nk'ibirometero bitatu, ku bw'ibyo Abayahudi benshi bari baje gusura Marita na Mariya kubera urupfu rwa musaza wabo.
Marita yumvise ko Yezu aje ajya kumusanganira, naho Mariya asigara imuhira. Nuko Marita abwira Yezu ati: “Nyagasani, iyo uba hano ntabwo musaza wanjye aba yarapfuye. N'ubu ariko nzi yuko icyo uri busabe Imana cyose iri bukiguhe.”
Yezu aramubwira ati: “Musaza wawe azazuka.”
Marita aramusubiza ati: “Nzi ko azazukana n'abandi ku munsi w'imperuka.”
Yezu aramubwira ati: “Ni jye kuzuka n'ubugingo, unyizera wese naho yaba yarapfuye azabaho. Kandi uriho wese unyizera ntazigera apfa. Mbese ibyo urabyemera?”
Marita aramusubiza ati: “Yee ndabyemera, Nyagasani. Namaze kwemera ko ari wowe Kristo, Umwana w'Imana wagombaga kuza ku isi.”

Amaze kuvuga atyo ajya guhamagara umuvandimwe we Mariya, aramwongorera ati: “Umwigisha yaje kandi aragushaka.” Mariya abyumvise, ahaguruka bwangu ajya gusanganira Yezu. Yezu yari ataragera aho batuye, ahubwo yari akiri aho Marita yari yamusanze. Abayahudi bari baje gusura Mariya babonye asohotse yihuta, baramukurikira bibwira ko agiye kuririra ku mva.
Mariya agera aho Yezu ari, amubonye ahita amwikubita imbere maze aravuga ati: “Nyagasani, iyo uba hano musaza wanjye ntaba yarapfuye.”
Nuko Yezu abonye Mariya arira n'Abayahudi bari bamuherekeje na bo barira, asuhuza umutima ababaye cyane. Nuko arabaza ati: “Mwamushyize he?”
Bati: “Nyagasani, ngwino urebe!”
Yezu ararira. Nuko Abayahudi baravuga bati: “Nimurebe ukuntu yamukundaga!”
Bamwe muri bo baravuga bati: “Ariko se uwahumūye ya mpumyi ntiyashoboraga kubuza uyu nguyu gupfa?”

Nuko Yezu yongera gusuhuza umutima, ajya ku mva. Iyo mva yari ubuvumo kandi bwari bukingishije ibuye. Yezu aramubwira ati: “Nimuvaneho ibuye!”
Marita mushiki wa nyakwigendera aramubwira ati: “Nyagasani, ubu aranuka kuko uyu ubaye umunsi wa kane.”
Yezu aramusubiza ati: “Mbese sinakubwiye ko nunyizera uri bwibonere ikuzo ry'Imana?” Nuko bavanaho ibuye maze Yezu areba hejuru aravuga ati: “Data, ngushimiye yuko wanyumvise. Jyewe nsanzwe nzi ko unyumva iteka, ariko ibyo mbivuze kubera rubanda bankikije kugira ngo bemere ko ari wowe wantumye.” Amaze kuvuga atyo arangurura ijwi ahamagara ati: “Lazaro, sohoka!” Nuko uwari warapfuye arasohoka, amaguru n'amaboko bihambiriwe n'udutambaro, no mu maso he hapfutswe igitambaro. Yezu arababwira ati: “Nimumuhambure mureke agende.”


Benshi mu Bayahudi bari baje gusura Mariya, babonye ibyo Yezu akoze baramwemera. Ariko bamwe muri bo basanga Abafarizayi, babatekerereza ibyo Yezu yakoze. Nuko abakuru bo mu batambyi n'Abafarizayi bakoranya urukiko rw'ikirenga, baravuga bati: “Tubigenje dute ko uyu muntu agumya gukora ibitangaza byinshi? Nitumwihorera agakomeza atyo abantu bose bazamwemera, bitume Abanyaroma baza bigarurire Ingoro y'Imana n'igihugu cyacu.”
Umwe muri bo witwa Kayifa wari Umutambyi mukuru uwo mwaka arababwira ati: “Burya koko nta cyo muzi! Ntimuriyumvisha ko icyababera cyiza ari uko umuntu umwe apfira rubanda, aho gutuma ubwoko bwose burimbuka?” Ibyo ntiyabivuze abyihangiye, ahubwo kuko yari Umutambyi mukuru uwo mwaka yahanuye ko Yezu agiye kuzapfira ubwoko bw'Abayahudi, kandi si ubwo bwoko bwonyine ahubwo ngo anahurize hamwe abana b'Imana bari hirya no hino ku isi.
Kuva uwo munsi biyemeza kumwica. Ni cyo cyatumye Yezu atongera kugaragara muri bo. Ahubwo yigira mu mujyi witwa Efurayimu uri hafi y'akarere kadatuwe, ahagumana n'abigishwa be.
Umunsi mukuru wa Pasika y'Abayahudi wari wegereje, bityo abantu benshi bajya i Yeruzalemu mbere y'uwo munsi kugira ngo bakore umuhango wo kwihumanura. Babuze Yezu abari mu rugo rw'Ingoro y'Imana barabazanya bati: “Murabitekerezaho iki? Mbese ntazaza mu minsi mikuru?” Ubwo abakuru bo mu batambyi n'Abafarizayi bakaba bategetse ko hagize uwamenya aho Yezu aherereye, yababwira kugira ngo bamufate.

Lyssna på Yohani 11