Populära bibelverser från Cwaan 2

Dela

Mii 'owe nihtam maamahkaacihcikewin Ciisahs kaa'ishihciketc i'imaa Kenaank Kaalaliink ekii'ayaatc. Mii 'omaa kaa'ishinaakohtootc okihci‑inentaakosiwin. Shikwahsh okii'oncitepweyenimikoo' okihkino'amawaakana'.

Ciisahs kii'ihkito: “Aaniin niin eshipapaamimiyan,” okii'inaan. “Kaa mahshi tipihsehsinoon cimaatanohkiiyaan,” okii'inaan omaamaan.

Ciisahs itahsh okiihkanoonaa' ini anohkii'akana': “Mooshkinepatook nipi ahsiniiwi ahtoopaanink.” Wiinkehsh okiihtipi⁠mooshkinepatoonaawaa. Miihsh okii'inaa': “Haw kwaapa'amohk, awimiinihk itahsh awe wiihkwankewikimaa,” okii'inaa'. Okii'ishiwitawaawaan itahsh i'i nipi

Miihsh kaa'ishinahkwehtawaatc Ciisahs: “Piikopitooyek o'o Anami'ewikamik, nihsokiishikahk (3) itahsh aasha ninkakiishipatahkitoon,” okii'inaa'.

Miihsh okii'oncioshihtoon pahshanshe'ikan piiminahkwaanink, ekiihsaakicipahshanshe'waatc i'imaa Kihcianami'ewikamikonk kahkina, maanahcaanihsha' kaye pishihkiwa'. Shikwahsh okiihkwanapowepinamawaa' ini wiihsiniwinaahtikoon kaatashimeshkwatoonikenitc, ekii'ohswewepinamawaatc kaye oshooniyaamini. Miihsh kaa'inaatc i'i ininiwa' omiimiinhsa' kaakii'ataawaakenitc: “Maaciinihkook! Saakisi'ihkook! Keko ishihtoohkek ninTete owaahkaa'ikan citashiataawewikamikohkeyek!” okii'inaa'.