Populära bibelverser från Gen 32

Dela

Mundu jula ni ŵatite kuti, “Lina lyenu ngaliŵa soni Yakobo. Mlimbene ni Mlungu nambo soni ni ŵandu, nipo mpundile. Myoyo lina lyenu tiliŵe Isalaeli.”

Mundu jula ni ŵatite kuti, “Mundece une njawuleje pakuŵa kukuca.” Nambo Yakobo ŵatite, “Une nganimkunda kuti mjawuleje, mpakana m'mwejo mumbe upile.”

Jwalakwe ŵagambile kusigala jikape lisi line lya lusulo. Kaneko jwayice mundu jwine jwele juŵatandite kulimbana najo Yakobo mpaka kumasikusiku.

Yakobo ni ŵatite, “Nditu mbonegene najo Mlungu meso ni meso nambo nganimbwa.” Myoyo Yakobo ŵagapele malo gala lina lyakwe Peniele.

Mundu jula piŵayiweni kuti ngakupunda pakulimbanako, ŵamputile Yakobo m'ciga mwakwe, nipo jwalakwe ŵatiningwice pakusimanila mawupa ga lukongolo ni ciwunu.

Mundu jula ŵamwusisye kuti, “Lina lyenu ŵani?” Jwalakwe jwajanjile kuti, “Lina lyangu Yakobo.”

Yakobo ni ŵamwusisye mundu jula kuti, “Conde musalile lina lyenu.” Nambo mundu jula ŵajanjile kuti, “Ligongo cici mkumbusya lina lyangu?” Ndaŵi jijojo mundu jula ŵampele upile Yakobo.

AMBUJE, une jwangaŵajilwa kupocela ya umbone mtima ni kulupicika kwawo kwele kunakuweni une jwakutumicila jwawo. Najombwece Yolodani ndili jwangali kandu kalikose, akaŵe simbope myala mwangu, nambo lelo mbusile ni makuga gaŵili aga.

Ni ligongo lyakwe mpaka lelo jino, yisukulu yosope ya Isalaeli yangalya nyama ja pakulumbikanila pa ciga ni ciwunu, ligongo pa mtasi wa gele maloga ni pele Yakobo ŵaputidwe ni mundu jula.

Myoyo Yakobo ŵatandite kupopela, ŵatite, “Mlungu jwa anganga ŵangu Abulahamu* ni Mlungu jwa baba ŵangu Isaki, ambikane une. Ŵalakwe AMBUJE* ŵasalile une kuti mbujile kucilambo cangu, ni kwa acalongo acimjangu, nipo tinjilolecesya kuti yindu yosope yimjendele cenene.

Conde, ngamwile lukongolo, angulupusye ku macili ga akulu ŵangu Esawu. Ngogopa kuti mwine akwisa kukuputa ngondo, ni kutuwulaga wosopewe, pamo ni acakongwe ni ŵanaceŵa.