Populära bibelverser från Jenesis 13

Dela

Olgeta graon ya evriwan, bambae mi mi givim i go long yu wetem olgeta we bambae oli stap kamaot biaen long yu, nao graon ya bambae i blong yufala gogo i no save finis.

Nao taem Lot i goaot finis, Hae God i talem long Ebram se, “Yu luklukraon, yu lukluk i go long olgeta graon ya we yu save luk.

Bambae mi mekem olgeta ya we bambae oli kamaot biaen long yu oli kam plante we plante, we bambae i no gat man i save kaontem olgeta. Bambae i strong tumas blong kaontem olgeta, olsem we i strong tumas blong kaontem asis blong graon.

Nao Ebram i talem long Lot se, “Lot. Yumitufala i wan famle nomo, be oltaem, ol man blong mi mo ol man blong yu oli stap raorao long olgeta. Hemia i no stret ya.

Nao Ebram i aot long ples ya, i go mekem ples blong hem long Hebron, long graon blong wan man, nem blong hem Mamre. Long ples ya, wan man bifo i bin planem ol tri blong mekem wan tabu ples, mo ol man oli stap mekem wosip long ol tri ya, olsem ol god blong olgeta. Nao long ples ya, Ebram i wokem wan olta bakegen blong mekem wosip long Hae God.

Nao Lot i luklukraon, i luk we bigfala levelples ya daon, klosap long Jodan Reva, i go olwe kasem vilej ya Joa long saot, hem i ples blong gudfala wota. Hem i luk we ples ya i olsem gudfala ples ya we Hae God i bin wokem fastaem, long Iden, mo i olsem gudfala graon ya long Ijip tu. Long taem ya, Hae God i no bin spolem tufala taon ya Sodom mo Gomora yet.