Populära bibelverser från Jenesis 15

Dela

Nao Ebram i bilif strong long Hae God, mo from we hem i bilif olsem, Hae God i luk hem se hem i wan stret man long fes blong hem.

Nao biaen long taem ya, Ebram i luk wan vison* we Hae God i soemaot long hem. Long vison ya, hem i harem we Hae God i talem long hem se, “Ebram, yu no fraet. Bambae mi mi stap blokemgud yu, blong i no gat wan samting i save kam spolem yu. Mo bambae mi givim bigfala presen long yu, from we yu stap bilif strong long mi.”

Nao Hae God i tekem Ebram i go afsaed, i talem long hem se, “Yu lukluk i go antap long skae, yu traem kaontem ol sta. Ol pikinini we bambae oli kamaot biaen long yu, bambae oli plante olsem ol sta ya.”

Nao hem i harem we Hae God i talem long hem bakegen se, “Sipos yu yu ded, be slef ya bambae i no save holem olgeta samting ya. Wan stret pikinini blong yu we bambae yu yu bonem, hem bambae i holem olgeta.”

Nao Hae God i talem long hem se, “Ol pikinini blong yu we bambae oli kamaot biaen long yu bambae oli go stap long wan narafala kantri, we bambae oli strenja nomo long ples ya. Nao bambae oli kam slef nomo blong ol man blong kantri ya, mo ol man ya bambae oli mekem i strong tumas long olgeta, gogo kasem we fo handred yia i pas.

Be Ebram i talem se, “?Hae God, yu yu Masta blong mi, be bigfala presen ya bambae i mekem wanem long mi? Mi mi no gat pikinini blong mi we bambae i holem olgeta samting we mi mi gat, slef* ya nomo blong mi Eliesa, we i man Damaskes, hem bambae i holem olgeta.

Mo long dei ya nao, Hae God i mekem promes* wetem Ebram se, “Olgeta graon ya, i stat long krik ya long saot we i mak blong graon blong ol man Ijip, i go kasem Yufretes Reva long not, mi mi promes se bambae mi givim i go long olgeta we bambae oli stap kamaot biaen long yu.

Be ol pikinini ya we bambae oli kamaot biaen long yu, bambae oli stap long narafala kantri ya, gogo kasem taem blong ol smol bubu blong ol smol bubu blong olgeta, from we ol rabis fasin blong ol laen* blong Amoro* we oli stap long Kenan* naoia, i no kasem fulmak blong hem yet. Taem i kasem fulmak blong hem, bambae mi mi panisim olgeta we bambae mi ronemaot olgeta, nao ol pikinini ya we bambae oli kamaot biaen long yu bambae oli kambak long ples ya bakegen.”