Populära bibelverser från Henesis 3

Dela

Namasran it kabade nak katong bunga ay pay kamumuot, ag kaiila gikaunon. Nagustuhan ra nida nak magkaon it katong bunga agor magiging maayam sida, kada naghugot sida it bunga ag ida kato ingkaon. Pagkatapos, naghugot ray sida it usa pa ag ingta-o nida sa ida asawa ag ingkaon ra it kali.

Sa tanang mga hadop nak inghuman it GINOONG Dios, kag sawa it pinaka-tuso. Usang beses, nagpangutana kag sawa sa kabade, “Nagsiling baga kag Dios sa inro nak indi kamo magkaon it mga bunga it kahoy dili sa tanuman?”

Ikaw ag kaling kabade ay mahangit-hangitan, hasta sa imo kaanak-anakan ag sa ida kaanak-anakan, usa sa inra, sa imo uyo ay mayusak, kag ida buoy ay imo atukmuon.”

Ag ingbisayahan ra Nida kag kabade, “Arugangan Nako kag hirap nak imo arayanan, sa imo pagpanganak, hapros ay aaguman. Sa yudo it kali, asawa'y ahanrumon gihapon, ag sida kag imo asunron.”

Sa pagtrabaho ikaw ay apanggauson, bag-o ka magkainggwa it inro makakaon. Kali ay aagwantahon hastang imo kamatayon, hasta sa pagbalik it imo yawas sa raga, nak kung hariin ikaw ay Ako gingtuga, ikaw ay taybo yang, kada mabalik ka sa duta.”

Ag sa kayake kali kag Ida ingbisaya, “Dahil sa pagpati sa imo asawa, ag dahil sa pagkaon it bawal nak bunga, di baga siling Nako, ‘Aya kina gikauna,’ Kada kag duta ay Ako gingsusumpa. Sa imo ginghuman, imaw kali kag gaba, hastang ikaw ay buhi rahali sa duta, bag-o makakaon ay mahirap it rugkay sa raga.

Nagpangutana kag Dios sa ida, “Sin-o kag nag-uma sa imo nak ikaw ay uba? Ingkaon baga nimo katong bunga nak ingsiling nako sa inro nak indi ninro gigkaunon?”

Pagkatabog Nida sa tawo halin sa Eden, nagbutang Sida ruto it mga anghel nak ingtatawag nak kerubin hampig sa subatan it kinang tanuman. Kali ay inggwa't hudot nak pay espadang nagrarayab-rayab ag nagtitiyog, agor sinra kag maharang sa mga masuor ruto sa puno nak nagtata-o it kabuhi.

Pagkatapos it kaling ingbisaya it GINOONG Dios, kag kayake nak kag pangayan ay Adan, ay ida ingpangayanan kag ida asawa nak Eba, dahil sida kag magiging nanay it tanang tawo nak nabubuhi.