Populära bibelverser från - लूका 18

Dela

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

सो का परमेसुर अपने नबेरे भय कौ न्याव न चुका है, जौन रात दिना ऊ की दुहाई देत रैत आंय, और का बो उन के बारे में अबेर कर है? मैं तुम से कैत आंव; बो तुरतईं उन कौ न्याव चुका है; फिन भी जब मान्स कौ पूत आ है, तो का बो धरती में बिसवास पा है?

यीशु ने कओ; जौन मान्स से नईं हो सकत, बो परमेसुर से हो सकत आय।

न्यायधीश ने तो कितने टैम लौ टालमटोल करी पर आखर में हिये में सोस के कैन लगो, जौ सई आय कि न मैं परमेसुर से डरत आंव, और न मानस की कछु परवाय करत आंव। पर जा बिधवा मोय सतात रैत आय, ई लाने मैं ऊकौ न्याव चुका हों कऊं ऐसो न होबे कि बा बेर बेर आके अन्त में मोरी नाक में दम करे।

मैं तुम से सांची कैत आंव, कि जौन कोई परमेसुर के राज हां बच्चा के घांई न अपना है बो ऊ में कभऊं न पिड़ पा है।

यीशु ने बच्चन हां अपने ऐंगर बुला के कओ, बच्चन हां मोरे ऐंगर आन देओ, उन हां मना न करौ: कायसे परमेसुर कौ राज ऐसोई कौ आय।

यीशु ने ऊसे कओ; तकन लग, तोरे बिसवास ने तोहां साजो कर दओ आय।

यीशु ने ऊसे कओ; तें मोय उत्तम काय कैत आय? कोई उत्तम नईंयां, बस एक, जाने कै परमेसुर।