Populära bibelverser från Baɗitari 17

Dela

Sakatə Ibram ka məvari əmdləkumari ka əmdla, antə MTHLAKU jaktə ncantə kərni alari ka pəla, “I an Hyel na ka Duna ta Shang. Mwa akəmi kara ndzi kula sur nggəla.

Mda aɗi ata jaktə kəga thləma ga Ibram kəra wa, amma thləma ga ata ndzi Ibrahim. Kamnyar I ku namtə nga kəkar mji dlama dlama.

Tsuwa I ata vəi alkawal akwa daɓwa mwa, ka tsuwa kəkayeri ar nga na ata si aghəli akwa shanga zamanayeri na akəmazi, alkawal na ba saka madi abbər I ata ndzi Hyelər giri ka ar kəkayeri ar giri na aghəla giri.

“Arna kam, ngəni an alkawalərna ala ga, abbər ga ata ndzi kəkar mji dlama dlama.

Amma Hyel pəla alari, “Awa, Saratu na mwalankiri an ata yaɓəla ala gə ɓzər sal, antə ga ata vəta alari thləm Ishaku. I ata hara alkawalər alari, alkawal na ata ndzi ba saka madi aka kəkayeri arni na ata si aghəlari.

I ata hamta ala ga, kəga kəkayeri ar nga na aghəla ga, tsəɗi tə giri akwa ndzi akwa apa mətəpi kulini ni, watau shanga tsəɗi Kanana, ka tsa ndzi ar giri ba saka madi. Antə I ata ndzi Hyel arɗa.”

Antə Ibrahim zuzuri ka kəmari ata di, ka kumshi akwa pəla akwa ɗəffari abbər, “Mdə ka məvari aru ata mzhi yaɓəla ɓzər ya? Tsuwa Saratu na ka məvari əmdləkumari ata mzhi yaɓəla ɓzər ya?”

Antə Hyel pəla aka Ibrahim, “Ar mwalankiri Saraya, ga aɗi ata kəga ni Saraya kəra wa, amma thləmari ata ndzi Saratu.

Giri ata thlamta kəsəm ar zəmbuləma giri, antə ngəni ata ndzi seɗar alkawal na akwa daɓwi ka giri.

Amma I ata kətə alkawal aka Ishaku, ɓzər tə Saratu ata yaɓəlari ala ga apta saka apani.”

Antə akwa shanga zamanayeri ar giri, kəlara ɓzər sal na ku hara vir ncisu ka yarni mda ata thla alari kaciya, wala natə mdə ya ni akwa kəyir giri, wala natə mdə mastə ka kwaba akəla mətəpi, na aɗi ɓzər kuta gə wa. Ɓzər sal tə mdə ya ni akwa kutakəyir nga ka natə mdə mastə ka kwaba, japu mda ata thla ala ɗa kaciya. Apani antə alkawalərna ata sə ndzi akwa dza giri har ba saka madi.