Populära bibelverser från GÉNESIS 15

Dela

Abramca Mandac Dios nishcata crircami. Chaimantami Abramtaca: “Canca cashcata ruhuacmi cangui” nishpa chasquirca.

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

Mandac Dios cutinllatac rimashpaca: —Cambac charishcacunataca mana paichu japinga, ashtahuanpish cambac quiquin churimari japinga— nirca.

Mandac Diosca Abramtaca: —Caitami alli yachana cangui. Cambac huahua huahuacunaca shuctac llactapimi causagringa. Chaipimi catushca shina servinga. Chai llactapica chuscu patsac huatatami llaquita causanga.

Shina nicpimi Abramca: —Mandac Dioslla, ¿ñucamanca imatatac cugringuiyari? Ñucaca huahua illacllamari cani. Ñuca charishcacunataca Damasco llactamanta ñucata servic Eliezermi japinga.

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.