Populära bibelverser från Lukasi 23

Dela

Yesu mekakae, Nauli, “Uma, Nuampungi wohiraia tauna ide, lawi bara raisa apa au rababehi.” Surodado au mopaku Yesu motendemohe dadu bona mopakanoto kahemana au molambi hampiNa.

Nauli Yesu, “Tou mpuu au Kuuliangaako, i alo ide peami, ina hihimbelako hai Iko i lalu Paradesi.”

Roo indo, nauli mbuli tauna iti, “Yesu, Nukatuinao wongkoia, ane haweKo i poparentaMu!”

Roo indo, naulimi Yesu masisimbuku, “Uma, i lalu taieMu Kupaisare inaoNgku!” KarooNa mololita nodo, opemi inaoNa.

Kahawenda i bulu au rahanga Bulu Banga waa, rapakumi Yesu i kau mombehape hihimbela hai rodua tauna au kadake iti. Hadua rapaku ntanda i koanaNa hai hadua ntanda i kabeoNa.

Pualomi, ba tinti hampulo hai duami pae, unga pea makaindi i humalele tampo iti hawe tinti talu. Rindi bana au ratoe i lalu Souna Pue Ala, mahepa ntanga.

Kanaitana tadulako surodado apa au mewali iti, motoiami Pue Ala, nauli, “Tongawa mpuu! Ia ide tauna au manoto!”