Populära bibelverser från Mark 2

Dela

Jesus naḣʹuƞ na leye, “Oyate taƞyaƞ uƞpi hena ṗejuta-wiċaṡa waċiƞwiċayapi ṡni eyaṡ kujapi hena eċa woasniya ċiƞpelo! Heċauƞ le wahe taƞyaƞ opiicʹiyapi eċa wiċawak̇e ṡni, eyaṡ waḣtanipi sʹa hena eċa wiċabluhomni kte,” eye.

Waeċuƞpi ki le Jesus lena wowic̄ala yuhapi ki waƞyaƞke, ċa mani ṡni ki hekiye, “Ṫahansi, wowaḣtani ki hena aċic̄iktuƞjelo,” ekiye.

Hehaƞl Jesus heye, “Aƞpetu ṡakowiƞ ki le wiċaṡa wiċakic̄ic̄aġapi, eyaṡ wiċaṡa ki aƞpetu ṡakowiƞ ki wiċakaġapi ṡni.

Eyaṡ tiyopa k̇o ok̇aƞ ṡni ċa tiċe ekta akiyuha iyahaƞpi na oyuḣlokapi, na wiċaṡa ki le oyuƞke akaƞ kutakiya wik̇aƞ uƞ hiyuyapi.

Wiċaṡa-Ċiƞkṡitku ki mak̇a akaƞ wowaḣtani awiċakic̄iktuƞja okihi yelo. Leċel bluwiċak̇iƞ ktelo:” Ċa mani ṡni ki hekiye, “Anamaġoptaƞ yo, inajiƞ na oyuƞke ki ikikc̄u na gla yo,” ekiye.

Le iyukc̄aƞpo: Mani ṡni ki le wowaḣtani awec̄iktuƞje ki owakiyake. He oeyewaṡte, ee inajiƞ na oyuƞke ki ikikc̄u na mani waṡi ki he oeċuƞṡic̄e.

Ċa wawaƞyaƞg yaƞkapi eċuƞhaƞl wiċaṡa ki inajiƞ na oyuƞke ki ikikc̄u na oḣʹaƞk̇oya kiglekiye. Ċa, iyuha lila inihaƞpi na Wak̇aƞṫaƞka yataƞpi. Na heyapi, “Tohaƞni leċel takuni wauƞyaƞkapi ṡni yelo,” eyapi.