Populära bibelverser från Éxodo 12

Dela

Ja̧ yö̧tema Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö lotakwo̧sa, ja̧danö tja̧jwi̧mu̧ tji̧tji̧mutjöbi abönö damönö. Jejenö lȩtebemi okobe jwiinö Egipto jojodö tjo̧'wo tjöwa̧na̧lawö̧nöma lȩtebocha. Jejenö lȩtebobö juluwo̧sa, Isabenö Jo̧chobetjö̧. Ja̧danö, 'wibebö kwaköbaja̧duwawö̧ tjökwösobu apjudebiya dukebaja̧duwama ötjönö i̧sebakobe, beju okwa Israel jojodöda tjö̧jobe, jö̧ba̧lö. Ja̧ edinö ja̧ ejubiyama wame chöbaledocha, ökwödönö lȩbebökönö. Jejenö Egipto jojodönö jwiinö lȩbebö kwetachijayonö ökwödönö lȩtebima baledökakobe.

Ja̧danö, ökwödöma ba̧kwȩlö̧jatebö bakwöta o̧bakwena ötjö, Isabenö Jo̧ pjatatina, kwejubiya wame chöbaledinama omukwatö ba'ali kwujunaduwo, ötjö babe möle weti̧danö. Ja̧danö, weawa baibanö kwiweyudaduwo ba̧kwȩlö̧jatebö ökwödötjö jojodöbi ja̧ ba'ali tjujunobö, jobadöbi, jobadötjö tupadanö jojodöbi, ötjö pjatatina omukwatö.

Ja̧danö, kwi̧tji̧mu̧duwima abebö tja̧ja̧kwena ¿tajawedö biya ba'ali dujunobeda? jö̧ba̧lö baikwö kwatadaduwodönö: Ökwödöma Isabenö Jo̧nö ösödö, dö̧jibinö pjaatina omukwatö o̧bȩja̧dönö 'wibebö kwadobe, ba'ali junö dukwakwawö̧nö. Ökwödöma Egiptonö dö̧jenama Isabenö Jo̧ma Egipto jojodö tji̧tji̧mu̧ ömadönö abönö damönö kwabö loonö ökwödö Israel jojodönö pjabatö dejubiya wame öbaledinobe. Ja̧ yö̧tema Egipto jojodö tji̧tji̧mu ömadönö, abönö damönö kwabö loijayonö ökwödö di̧tji̧mu̧nö tjö̧jibinö pjaatinobe Isabenö Jo̧ma— yöbawijetö Moisésma Israel jojodötjö la'aka luwedönöma. Yöba̧lö kaatena okobe deinö Israel jojodötjö la'aka luwedöma, tjöba bȩbachibö nijakwö tjuunö Isabenö Jo̧nö ösödijadötö.