Populära bibelverser från Éxodo 9

Dela

Jo̧kwaijayonö 'yaka̧laduwinöda wetijatö chujulu chi̧sebi̧ma kwedaduwobö, ja̧danö böjenö ju̧kwadöma, okobe jwiinö böjenö tjöwaisachibakobetjö̧, Isabenö Jo̧ma jwiinö juluwo̧, jö̧ba̧lö.

Ja̧danö, ma̧tu̧lȩ debi batjibaja̧ ikena Isabenö Jo̧ma Moisésnö webijetö: —Moisés, faraón o̧bobekwö yemidanö 'yawi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Isabenö Jo̧ yöawobe ökwönö: Ötjöma ida̧ökö ökwödönö jwiinö kwö'wöchaduwi̧ma weto jö̧ta̧litjö̧ma wetochinobe, okobe deinö kwö'wöchaduwinö söbebö lobö.

¡ayö! ötjö chujulu i̧sebö lȩtebocha. Jejenö chujulu i̧sebö tja̧jwi̧mu̧nö pa̧ka̧yö̧nö, bu̧lu̧dönö, ka̧ba̧yu̧dönö, ka̧mȩyu̧nö o̧bȩja̧dönö jwiinö juluwi̧ jawa tjö'wöchinö baibanö wetocha wotjawobö. Jo̧kwijayonö Egipto jojodö tja̧jwi̧munö wotjawijayonö Israel jojodö tja̧jwi̧munöma wainö chujunocha bakwo̧bi woökakobetjö̧ Israel jojodö tja̧jwi̧mu̧tjö̧. Moisés, jejenö faraónnö yökawo— jejenö webijetö Isabenö Jo̧ma Moisésnöma.

¡A̧ja̧kwitjö! Jejenö chömöledönö latjebobö kakatakwawokobetjö̧ itekwayi babedajayena mölejebetjö ojwiyo o̧bi̧danö tiyuwi̧ ö̧wi̧ya̧ Egiptonö jwiinö labinö tjoduwima wetocha. Jejenö itekwayi jwiinö labinö tiyuwi̧ inawi̧ya̧ tjoduwakwa̧danö la'akatjöda tjoduwinokobe. Egiptoma ajayinö tjö̧jinelö babe baibanö jejenö tjoduwi̧ma edaitjökö. Jo̧kwaobetjö̧ faraón, okobe deinö jojodönö weköbo tja̧jwi̧mu̧nö öbibö tetjatobö o̧do okwa, ja̧danö okobe jwiinö apetube tjujunina jawa tjiteabi tetjatobö. Tiyuwi̧ ö̧wi̧ya̧ma tjoduwena okobe deinö tja̧jwi̧mu̧nö apetube ju̧kwadönö wotjinö, ja̧danö okobe jwiinö apetube tjujunina jawa söbebö loinö labinö tjoduwakobe. Jejenö yökawo faraónnö, Moisés— Jejenö webijetö Isabenö Jo̧ma Moisésnöma. Jejenö weökwe yöbawijetö, Isabenö Jo̧ weaja̧danö.

Jopja̧ möakwö kwikwena okobe jwiinö Egiptonö meakobe. Ja̧danö, jojodö tji̧sȩdo̧nö, tja̧jwi̧mu̧ tji̧sȩdo̧nö wamatajawö̧nöma tutiyubiyada saduwaibakobe, okobe jwiinö Egiptonö— webijetö Isabenö Jo̧ma Aarónnö, Moisésnö. Jejenö weawö̧ Moisés, Aarón letiyatjö otikwa'o juwawelö ökwöla i̧so̧pja̧ yudeibö faraón ö̧bobekwö 'ya̧jadö jo̧pja̧ möakwö ikwijetö Moisésma, faraón eda̧lonö. Jo̧pja̧ tji̧sȩdo̧nö mebibö wamatajawö̧nöma tutiyubiyada saduwaibijetö, jojodönöbi, tja̧jwi̧mu̧nöbi.