Populära bibelverser från Génesis 32

Dela

Ikenama öwawachajo̧ma jö̧ba̧lijetö: —Babema kwimi balewö lota. Jacob kwimikwökakobe, babema Israel, jö̧ba̧lö, mikwo̧ja, Diosnöbi, jojodönöbi ölakwabikwawö kwujuluwajabetjö̧. Ja̧danö, ökwöma Diosnöbi, jojodönöbi ölabikwawö kwujuluwajabetjö̧ Israel, jö̧ba̧lö mikwo̧ja babema— jö̧ba̧lijetö.

Ikenama öwawachajo̧ma jö̧ba̧lijetö Jacobnö: —Kabatitjö tjo̧wi̧ dewachiba— jö̧a̧lökwe: —Katatökökwö, ötjönö otiwanö yöka̧lenanö kabatö, dösölö̧jinö edö pjatatakwo̧sa, jö̧ba̧lö— jö̧ba̧lijetö Jacobma. Ikenama öwawachajo̧ma abebö a̧ja̧kwijetö Jacobnö

Jacobma bakwachödönö ji̧bijetö, jo̧dawa'ye. Jemi ikenama öwawachijetö jelo̧, Jacob ö̧jena. Jo̧bama Jacobnö labinö do̧batö nijibe jibö döbebijetö. Ikenama yö̧te baledibanö jo̧ba öwawachajo̧kwö Jacobkwö ölakwabikwawijadötö.

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Ja̧danö, öwawachajo̧ma Jacobkwö jisabikwawö, Bitema ötjönö ujuluwa ichejekwa, jö̧ba̧lö, labinö 'dobijetö Jacobnö, isȩ'bonö, iwe'o jiachajinö .

¿Dakwö kwimikwa?— abebö a̧ja̧kwökwe, Ötjöma Jacob mikwo̧sa, jö̧ba̧lö atadijetö.

Ikenama Jacobma jo̧banö abebö a̧ja̧kwijetö: —Atebakwö: Kwimi yöbawitjö— aebijayonö: —¿Tajawedö chimi yöta̧lobö akeba? Chimi akeboböma jwia, yöta̧lökö— atadijetö öwawachajo̧ma. Ikenama, jo̧bama iteda pjaatakwa̧ yöba̧lijetö Jacobnöma, dösölö̧jinö edö pjatatakwo̧sa, jö̧ba̧lö.

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Ja̧danö, ja̧ möletjö̧ babe möle ichenanö Israeltjö tupadanö jojodöma tjukwokobe isȩ'bo iwe'onö pöanima, jenama Jacobo isȩ'bo iwe'o jiachajinö kwainobetjö̧.

Ikenama Jacobma Diosnö abebö jö̧ba̧lijetö: —Cha'dö Abraham uluwo̧ Dios, chabe'do Isaac uluwo̧ Dios, Isabenö Jo̧ Dios, ökwöma yökawijatö ötjönöma, Kwitebobe da̧ji̧ kwömöledö tjuju̧kwobekwö, jö̧ba̧lö. Jobe otiwanö kwö̧jobö pjatatakwo̧sa, jö̧ba̧lö, yökawijatö.

Atebakwö: Chöpöe Esaútjö chö̧jibanö isabenö ¡pjabatitjö! Yetabi jo̧banöma, ichö ötjönöbi, ja̧danö, ya̧dönöbi, tjemunöbi kwabö loapji jö̧ba̧lö.