Populära bibelverser från Filipenses 4

Dela

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

Jejenö akebaduwitjö̧ma, Diosma kwo̧'wo̧ luwo̧duwi ösöwachibanö pjaatakwo̧ chömöledö. Wanedö yötawa: Cristo Jesúskwö dötewanö kwö̧jaduwobetjö̧, Diosma kwomajadeduwibi, kwomukwataduwi̧bi tjöbeba̧lö ite'ada̧lakobe kwo̧'wo̧ tjo̧kekwaduwapji jö̧ba̧lö. Jejenö Dios iyi̧jaye tjo̧'wo̧ luwo̧ ösöwachibi̧ma jojodö wajwitjobe, dakwö jejenö tjo̧'wo̧ luwo̧ ösöwawö̧jö jö̧ba̧lö, Diostjöda ichobetjö̧.

Bajaleapo yötawi̧ma baikwö yötawaduwakwö, otiwi̧ jawada, jojodö biya̧ma otiwa jö̧ba̧lö tjomukwato jö̧tja̧li̧ jawada kwomukwataduwo jö̧ba̧lö. Jau chömöledö, isabenö ji̧ jawada, ja̧danö otiwanö tjomukwati̧ jawada, ja̧danö jwei̧ jawada, ja̧danö bakwainö wene jwii̧ jawada, ja̧danö tjo̧'wo̧ ösöwi̧ jawada, ja̧danö jojodö tja̧ja̧kwobö otiwi̧ jawada omukwatö kwö̧jaduwo.

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.

Chömöledö, Duluwo̧nö omukwatö, kwo̧'wo̧ ösöwanö kwö̧jaduwo. Yötawaja̧danö yemidanö inesö mikwawi̧ jawa yötawaduwakwö, ba̧kwȩlö̧jatebö kwo̧'wo̧ ösöwanö kwö̧jaduwo jö̧ba̧lö.

Jau chömöledö, jo̧ba Diosma otiwanö ötjönö te'ada̧lo̧, ja̧danö ökwödönöbi ite'ada̧lakwo̧ chömöledö, iteda nöinö ujuna̧li̧tjö okobe jwiinö kwujuna̧lo jö̧ka̧laduwi̧ iyakobe, ökwödö Cristo Jesúsnö dötewadönöma.

Ökwödöma chöba̧ja̧dina jawa kwöwaisachibinaduwobe chömöledö, yötawina jawabi kwa̧ja̧kwinaduwobe, ja̧danö chi̧sebina jawabi kwedinaduwobe, ¿jö̧tö? Jejenö yötawinadanö, ja̧danö chi̧sebinadanö ja̧bö kwö̧jaduwo chömöledö. Ja̧danö, tjo̧'wo̧ ösöwachibanö pjabato̧ Diosma ökwödökwö ö̧jakobe chömöledö.

Duluwo̧ma ökwödökwö yöne ö̧jobe chömöledö, jo̧kwajabetjö̧ okobe deinö jojodönö dösölö̧jinö ja̧bö kwö̧jaduwo.

Jau chömöledö, jwibö ja̧kwawabi, nöinö juna̧lö ja̧kwawabi chöwaisa, ja̧danö ida̧ökö chöwaisachibinobe, chomeawitjö̧bi, a̧wi̧chi̧ tötitjö̧bi cho̧'wo̧ ösöwanö chö̧jo jö̧ba̧lö, ja̧danö nöinö juna̧lo̧ chö̧jitjö̧bi, jwibo̧ chö̧jitjö̧bi cho̧'wo̧ ösöwanö chö̧jo jö̧ba̧lö chöwaisachibinobe chömöledö.

Jejenö yöta̧li̧ma, Aaa, ötjöwe, jwibo̧sa, jö̧ba̧löma yöta̧lökö chömöledö. Jau chömöledö, ida̧ökö chöwaisachibinobe, jwibö chö̧jitjö̧bi, juna̧lö chö̧jitjö̧bi, cho̧'wo̧ ösöwanö chö̧jobö, otiwanö juna̧lo̧sa jö̧ba̧lö.