Populära bibelverser från Matius 2

Dela

Inakla arlenggen mondok agukasik uma unggisuka mende, elege etnogo agoya Maria agamo werekma inilenggen kalok, inindibagal yunggulogo pogorakuka. Pogorako dogolik, onggo nggok pano mende emas inom, kemenyan nggami obasi salek etnogo inom, o mur ambusu inom, kirlelogo wogokuka.

At Yesus eti, o Yudea etoma o unggul endaga Betlehem endak lagike. Endak lagike eta paga o etoma ap endaganggok Herodes welagike. Werekma, it ap inil enggerlek kusagal mbenako laguka mende yomenogo o mulinggi dagi wirigogoma eloma mot-mot nen o Yerusalem waguka. Wagukasik, it nen, men yisuka, “Akoni Yahudi mende inewe Endaganggok endak lagasik werek etnaga, o nggoma endak lagasik werek. Nit o mulinggi dagi wirigogoma eloma werekma, ap nggok eti endak lagama yiluk, kusagal omanggi winam agama nen, at eti ninendainggen at oba panggot diluk pogorasuwogoluk kusagal eti ninilenggen nen wolok kinok wagani wago,” yiluk yisuka.

Esigit diluk puk agikemo it yomenogo kusagal etnogo inilenggen kasukasik, inakla arlenggen mondok aguka.

Wogokukasik noge yisinem at Allah nen, “Kit yabunggane kiniyogoba Herodes oba lagup o,” yiluk kusumbi yogisasikemo inaʼbi kalok, kolak ninggalokmangge nen inaguma laguka. It ap kusagal inilenggen nen wolok waguka mende yomenogo arat lagukama, kibanggo Yusuf noge yisinem malaikat mbogot oba Allah nen laʼbi wagikesik, aʼbi paga men yogokike, “Yusuf. Kat elege endago eti agoya imbisagat wogisek, o Mesir etoma lo lan o. Lalok nen, etomaat dogono o. Etoma werekma an nen yokogo kalogat witno. At ap nggok Herodes etnogo nen elege endago eti wasigiluk kagarigogo o,” yiluk yogokonem aʼbi kasike.