Populära bibelverser från YOHANES 2

Dela

E'e ko makal᷊aherang kahimotongange nikoa I Yesus. E'e nikoa-E su Kana su Galilea. Dingang u tatia e'e I Sie nanode u kawawantughi-E. Kuteu manga tumatuhu-E nangimang si Sie.

I Yesus nusumimbahi, “Mama, kumbahang mu parenta si Sia. Borong ta nurating u temponge Ia mupakal᷊ahe u watangeng-Ku.”

I Yesus nangul᷊i su manga koki e'e, “Tahoneko ake apang bunsari e'e.” Bunsari e'e kaul᷊i nitahonangi sire nipakapene. Wuhue I Yesus nangul᷊i si sire, “Pangal᷊ako ake e'e singkodo wawa sarang tumbonang u sal᷊iwang,” I sire numbawa ake e'e sarang tumbonang u sal᷊iwang

I Yesus nusumimbahi, “Akaopehi wal᷊e i'i dang su l᷊al᷊ungu til᷊u l᷊ou sarung sau Daku i pararisi.”

I Yesus nukoa samboki tal᷊i simbua bou e'e nanguseri apang binatang e'e, maeng domba dingang u sapi, bou l᷊al᷊ung u Wal᷊e-Ngu Mawu. Manga meda ngu mananukari doi nasue niwal᷊intuing-E hakiu manga doi ngi sire nukaesi tamai-mai. Wuhue I Sie nangul᷊i sumanga muwawal᷊u paluma, “Hengke kaul᷊ie bou i'i. Kumbahang wal᷊e-Ngi Yamang-Ku koateng tampa u pundaganeng!”