Populära bibelverser från Tshibangidilu 17

Dela

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Dina diebe kadiakuikala kabidi Abrame to. Nedikale Abrahame, bualu nenkuvuije nkambua wa bisamba bia bungi.

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

— Ndondu undi ntua nebe udi nunku: Newikale nkambua wa bisamba bia bungi.

Mvidi Mukulu kumuandamuna ne: — Nansha! Mukajebe Sara nealele muana wa balume. Neumuinyike ne Izake. Meme nentue nende ndondu wa kashidi kabidi ne ndelanganyi yende yonsu.

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Abrahame kudiela mutu panshi, useka wamba ne: “Muntu mukulumpe wa bidimu lukama, udi mua kulela muana bishi? Kabidi Sara udi ne bidimu makumi tshitema, neapete muana mushindu kaayi?”

Mvidi Mukulu kuambila Abrahame ne: — Kubikidi kabidi mukajebe ne Sarayi to. Umubikile ne: Sara.

Etshi ke tshimanyinu tshia kashidi tshia pambidi penu, tshidi tshijadika ndondu udi pankatshi panyi nenu.

Kadi nentue ndondu ne Izake, muana walelabu kudi mukajebe Sara tshidimu tshidi kumpala etshi.

Bana benu ba balume bamane kukumbaja matuku muanda mukulu, badi ne bua kubateka panshi, nansha bapika badibu balelela muebe, nansha bapika benyi baudi musumbe, badi kabayi ba mu diku diebe. Nanku mupika udibu balelela ku nzubu kuebe, nansha udibu basumba, babateke bonsu panshi, bua ndondu wanyi amueneke kashidi mu mubidi wenu.