Populära bibelverser från Tshibangidilu 21

Dela

Maweja-Nangila kusankisha Sara, kumukumbaja bionsu bivuaye mumulaye.

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana. Juka, ubishe muana, umukuate bikole ku tshianza. Ndelanganyi yende neyenze tshisamba tshinene.

Sara kuimita, kulelela Abrahame muana wa ku bukunda, mu tshikondu tshivua Mvidi Mukulu mujadike.

Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Kadi Mvidi Mukulu kuambila Abrahame ne: — Kufiki munda bua muana ewu ne bua mukajebe mupika to. Itaba bionsu bidi Sara mukuambile. Uvuluke ne: ndelanganyi yebe yonsu imvua mukulaye neyifumine anu kudi Izake.

Kadi bua muana uudi mulele ne mukaji mupika ewu, nealele pende bana ba bungi. Neikale tshisamba tshinene, bualu udi muanebe.