Populära bibelverser från Mathiu 7

Dela

Yif nu, a tǝ sɔŋ nu. Thɛns nu, ɔwa nǝ tǝ fir. Gbȧtgbȧt nu ka kȧdare, a tǝ kanthɛ nu

kotȧy-e wuni o wuni ɔwe mǝ yif-e, ɔ tǝ sɔthɔ, ɔwe mǝ thɛns-e, ɔ tǝ fir, ɔwa ɔwe mǝ gbatgbat-e, a tǝ kanthɛ kɔ.

Tiyȧŋ wuni o wuni ɔwe tǝl ȧsim ta mi-e, ɔwa ɔ wop ti-e, ɔ bȧlȧnɛ mɔ wuni tempi ɔwe tǝmǝr ȧŋseth ŋɔŋ ka aŋgbalaŋ rokɔm.

Tiyȧŋ tȧy o tȧy ȧte nǝ yema kȧmȧ afǝm aŋ yɔ nu-e, ya nǝ yi tǝ kǝyɔ sɔ ro ŋaŋ; kotȧy-e ȧte tǝ yi aŋthɔ yi ɛmaŋ ya aŋnabi.

Pǝkasifɛ kadare kǝ thiŋkanɛ ɔwa aroŋ rǝ lɔl ara lomanɛ ka aŋesǝm, ɔwa ŋa athȧn aŋa fir ri.

Wɔŋ nu ka kadare kǝthiŋkanɛ, kotȧy-e kadare kǝ yi kǝbana ɔwa aroŋ rǝ yi rǝbana ara lomanɛ ka kadinɛ, ɔwa ŋa agbȧthi aŋa wɔŋ ri.

Bepi naŋ ma nǝ yi alǝs-e, nǝ tȧrȧ kǝsɔŋ ɛboya ɛfinɔ ka aŋwuth a nu-e, pǝ tha gbethi ɔKas ka nu ɔwe yi ro riyana mǝ ɔ sɔŋ hɛ ɛyɛt ɛfinɔ ka ŋaŋ aŋa mǝ tholir kɔ-i?

Te nu thonkas wuni, kȧmȧ a te thonkas nu. kotȧy-e kathoŋkas ȧke mǝ nǝ thoŋkas-e kǝ mǝ a thonkas nu; ɔwa aŋthuntha aŋa mǝ nǝ thunth-e, ŋǝ mǝ a kȧl thuntha nu.

Kɛrɛ wuni o wuni ɔwe mǝ tǝl ȧsim ta mi ȧte, ɔwa ɔ wop hɛ ti-e, ɔ bȧlȧnɛ mɔ wuni pǝŋk ɔwe tǝmǝr ȧŋseth ŋɔŋ ka kȧsǝnt.

Ko tȧy tȧŋ mǝ nənk ȧŋpol aŋa yi ka rafɔr ra ɔwɔnt mu kɛrɛ mǝ te nənk kagboŋ ȧke yi ka rafɔr ra mu gbeŋ-e? Thalɔm to mǝ gbǝli pa ka ɔwɔnt mu, Yɔ kȧmȧ i wurɔ ȧŋpol ka rafɔr ra mu, ma mǝ ba kagboŋ ka rafɔr ra mu-e?

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs. Nǝ tǝ tȧrȧ ŋa ka mȧkomi maŋ. Afǝm aŋ gbǝli pim mǝtiti rǝ tǝbȧnk-i, thalɔm mǝgbɔnɔ rǝ tǝsenduku-i?

Ya pǝ yi sɔ-e, ŋǝnt o ŋǝnt afinɔ aŋ kom mǝkomi mǝfinɔ, kɛrɛ ŋǝnt alǝs aŋ kom mǝkomi mǝlǝs.

Ŋǝnt afinɔ aŋ gbǝli hɛ kom mǝkomi mǝlǝs, ya pǝ yi sɔ, ŋǝnt alǝs aŋ gbǝli hɛ kom mǝkomi mǝfinɔ.

Ŋǝnt o ŋǝnt aŋa te kom mǝkomi mǝfinɔ-e, a tǝ tap ŋi, ɔwa a tǝ fitha ŋi ro nȧnt.