Populära bibelverser från यूहन्ना 8

Dela

यीशुयैं भिरी लोकां नैं ग्लाया, “संसारे दी जोत्ती मैं ऐ; जेह्ड़ा मिन्जो पचांह़ चलदा ऐ, सैह़ नेहरे च नीं चलदा, अपर सैह़ जोत्ती पांदा ऐ, जेह्ड़ी ज़िन्दगी दिंदी ऐ।”

तुहां सच्च जो जाणना, कने सच्च तुहां जो अजाद करगा।”

ताह़लू यीशुयैं तिन्हां यहूदियां नैं जिन्हां तिस पर बसुआस कित्या था, ग्लाया, “जे तुहां मेरे वचनां मताबक चलगे, तां सच्च बिच्च तुहां मेरे चेले बणगे।

इसतांई जे पुत्तर तुहां जो अजाद करगा, तां सच्च बिच्च तुहां अजाद होई जाणा।

जाह़लू सैह़ यीशु ते पुछा दे थे, तां तिन्हीं सिध्धे होई नैं तिन्हां जो जवाब दित्ता, “तुहां च जिन्हीं पाप नीं कित्या, पैहल्ले सैई इसा जो पत्थर मारें।”

यीशुयैं तिन्हां जो जवाब दित्ता, “मैं तुहां नैं सच्च-सच्च ग्लांदा ऐ, कि जेह्ड़ा कोई पाप करदा ऐ सैह़ पापे दा गुलाम ऐ।

यीशुयैं सिध्धे होई नैं तिसाते पुछया, “हे नारी, सैह़ कतांह गै? क्या कुणी भी तिज्जो सज़ा दा हुक्म नीं दित्ता?” तिन्नै ग्लाया, “हे प्रभु कुणी भी नीं।” यीशुयैं ग्लाया, “मैं भी तिज्जो सज़ा दा हुक्म नीं दिंदा; अपणे घरेयो जा कने भिरी पाप मत करदी।”