Populära bibelverser från MI ÑAMA 20

Dela

«N tie Li Miali Diedo yi Tienu yua n den ñani yi Ejipiti diema nni, yin den ye ti yonbidi yaa diema nni. Yin da baa tientoe n nintuali.

Yin da taa bonliba ki tagi * bulo, bi nannanliba yaala n naani leni yaala n ye tanpoli, bi yaala n ye ki tinga nni, bi yaala n ye mi ñima nni ki tinga tiipo. Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li * nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Yin jigini yi baanba leni yi naanba ke yi dana n foagidi Li Miali Diedo yi Tienu n puni yi yaa diema yaa niinni.

Yin yaa tiadi mi * fuodima daali ki gagidi li.

Yin da taa Li Miali Diedo a Tienu yeli fanma fanma, kelima Li Miali Diedo kan cedi yua n taagi o yeli fanma fanma.

Yi baa soani yin pia yaa tuonli kuli dana luoba siiga. Ama li daleleeli tie Li Miali Diedo yi Tienu fuodima daali. Yin da soani tuonliba kuli laa daali, lan tie yinba, yi bijaba, yi bisiaba, yi naacenba, yi potuada, yi yandi, baa yaa canba n ye yi diedi nni, oba kuli kan soani tuonli laa daali.

Yin da pia li nunponbiadili yi nisaalilielo diegu po, o pua po, baa o naacemo po, baa o potuado po, baa o nua po, baa o ŋunbo po, baa yi nisaalilielo n die yaa bonla kuli po.»

Yin da tieni mi siedi faama yi nisaalilielo po.

Yin da conbi.

Yin da kpa o nilo.

Yin da su.