Populära bibelverser från uMataayi 1

Dela

Kwe apaape umwana umwanaavuli, niiwe kwe umwite izina ilya Yeesu, mwe pe umwana uyo alivhapoha avhantu vhaakwe mu vhutalamalandu vhwavho.”

“Yeenya! Umulindu we atamumanyile umwanaavuli, aliivha pa vhumwamu. Havhili alipaapa umwana umwanaavuli! Pe umwana uyo vhalimwita izina ilya Maanweli.” Izina ilyo kwe kuuti, “UMulungu ali pooka niiswe.”

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Kupaapwa ukwa Yeesu Chilisiti kwáli ishi. UMaliiya unyina waakwe ázinjiliilwe nu Yoosefu. Ileelo lwe vhashiili kwimalana, uMaliiya álolesile ali pa vhumwamu. Uvhumwamu uvhwo ávhwazile kwi idala ilya Mupepo uMufinjile. Ileelo, mwe pe uYoosefu, umulume waakwe áamile muntu mugolosu, atahanza kumupezya insoni uMaliiya. Pe ahasiivha kuuti amuleshe ku vhuzigizigi.