Populära bibelverser från yuḥanna 10

Dela

ġakud nna‑d‑yuška‑umh̬h̬ar ur‑a‑ittiri abla a‑yakʷr inġ ihlk. imma nkki uškiġ‑d ad‑awn‑tili tudrt, tili‑awn tudrt ikmmln.

nkki a‑igan amksa ifulkin. amksa ifulkin a‑itmtatn f‑uwlli.

ar‑sflidnt‑uwlli‑nu s‑wawal‑inu, ssnġ‑tnt ar‑iyi‑tḍfurnt

ar‑asnt‑akkaġ tudrt idumn. ur‑ra‑sar‑tthlknt, ur‑rad‑iyi‑tnt‑ikkis yan zġ‑ufus‑inu.

imma nkki giġ imi. yan zġ‑gigi ikšmn ra‑injm, ar‑itffuġ ar‑ikššm ar‑itafa ma‑ġ‑a‑iffrd.

imma nkki giġ amksa ifulkin. ssnġ tinu ula tinu ssnnt‑iyi

baba lli‑yyi‑tnt‑ifkan, yugʷr kullu ma‑illan. ur‑iẓḍar yan a‑tnt‑ikkis zġ‑ufus n‑baba. nkki d‑baba, yan a‑nga.»

ġmklli‑yyi‑issn rbbi baba issanġ‑t nkki. rad‑fkġ ih̬f‑inu i‑lmut f‑ssibt n‑uwlli.

ur‑illi ma‑rad‑iyi‑ikkis tudrt‑inu walaynni ra‑stt‑fkġ nkki. ẓḍarġ a‑stt‑fkġ, iẓḍarġ a‑stt‑amẓġ‑daġ. ġmkad a‑s‑iyi‑yuṣṣa baba.»

izayd yasuɛ yini‑asn: «lḥqq ayd‑awn‑ttiniġ. nkki a‑igan imi lli‑zġ‑a‑kššmnt‑uwlli.

han imkiri ur‑igi zund amksa, ašku urd tins ad‑gant‑uwlli. iġ‑n‑iẓra uššn ifta‑d, ra‑ifl ulli irwl, yamẓ‑tnt‑uwššn ifts‑tnt.

yini‑asn yasuɛ: «lḥqq ayad, lḥqq a‑rad‑awn‑iniġ. yan ifln imi n‑zzribt iġli s‑uwlli zġ‑mani yaḍni, imikr a‑iga, ig amh̬h̬ar.