Populära bibelverser från Makòrzì 7

Dela

Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ. Mòrzònje mò ndawò ya lìhwa, lì hwɛ wɔ̀, na lì gbeyà la hwehvɛhvɛ hweyà hwe wòhwe nàa ìilɔ̀ki, ìndɔ̀ki ja hweyà, merzàmbelì, ò lì òhwìrzɛ̀nɛ̀ mòtò wòhwe, e kumbà na lì gbeyà hwèètì hwe hweyà. Hwenè hweyà hwè arzɛ hwe wòhwe ndi hwe wùrza mòtò ò ŋmèma, rzìi hwe mò gbeyà a rza ɛneya wòrzaŋgi ò wòrzò wò ama Lohwɛ̀.”

Ò rza ènje tɔ̀ yomà ema e wùrza ò èwòkà rzìi e kpèeyà mòtò, rzìi e mò gbeyà a hwɛ ŋmiŋgò, ò wòrzò wò ama Lohwɛ̀. Ndi eyà ema e wurza mòtò ò tenì, yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Yerzù rzìi a tìmbirzɛlɛlɛ nanù ema, “Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀, lìrzàkò ema à mà òhwe e mbɔrzi ema Lohwɛ̀ à mà mò òme ema a òhwe lì e hvòmɛ̀nɛ̀ inyɔ hwatò hwa mèhvìlì. È tìlahwì nanù ema, ‘Hwanù hwatò hwa nò kàrzɛ̀ ndì na è mbɔrzi ya awu, ndi mèèmà me awu me rza ènje na ìmba.

È rza enje tɔ̀ wòlìtò ò wɔ̀ ò lì nò kanɛ̀ imba, èhwanja wɔ̀ hwa òkòlɛ̀ ndi imbenda ema hwatò hwa tɛ̀yirzɛ̀, nàa ò à ɛnɛ òma i hwèlì ndi imbenda ja ama Lohwɛ̀’

È ma hwɛmɛ̀ ì mbenda ja ama Lohwɛ̀ rzìi e nɔ̀ŋgi ndi hwèyòkòlèlì hwe hwatò.”