Populära bibelverser från Kejadian 6

Dela

Ange kael keamudi Yahwehdi, ‘Uo, nimida ketekepra tuai mutu neitamai deipsada, pio mali kupsi,’ tenepudi, er dipru pu jeramupa, mali kange doupudi, dabal kupupa upepu.

Nimi tuai nesala ban-ban yumadi, sun kange dipru neitamai tenerami keca yuma pio malipu kurami. Ataru-ataru yuma, telep keca tenena gum dipapu, pio mali kecapu tenepra putaramupa, mali-mali pio weik kupbarami. Malipu kurami ngeda, Allah er si Yahwehdi dipetepudi, kael keamu.

Allah er si Yahwehdi tuai nesala yuma tep, angepu teneramu dinin, Nuh er tenpu tep nengeda, mali men kuramnga cadi, er kuramu keca dipetepudi, kange deipu.

Acada, Nuh er kuramu keca tep sekeipsene. Nuhda, pio dumsisipu kuramudi, er kuramu taru kurami nengdi er tep, ‘E, er mali kure kecada aca, aca,’ pio men pepmanto kurami. Tonda, Allahdi, teneramemeutopu, Nuhdi dumsisipu kuramudi, Allah cap dipru dukdongopra teleppu kuramu.

“Nimi tuai nesala ketekepra deipsidi, tuai mutu neitamai deipsada, gum kupra deipnepa, tuai mutuda tali dempu kunkamre. Tonda, nimipu gum dinin, nerapu cap, tuai deiki embare gam kun keca yala-yala yuma cap, po cap, bal cap, ma cap, akeca yala-yala yuma cap, gum kupra deipkamne. Akeca-keca yuma ketekepra deipsada, dabal weik kunerepa, mali kange doupne,” Allah er si Yahwehdi pepu.

Tuai nesala pio weik kupbarami taru neitamaida, sun ner nyapu weik derirami. ‘Allahda ila mambule’ tenen, er tara dumsisi kurami nengdi, yuk tali nengdi derirami ner nyapu dirtereramidi, ‘Uo, anerapuda pio telepe’ tenen, sun teneramidi, putaramu nerapupu, tali lupra dodarami. Ukupra kuramipa, Allah er si Yahwehdi upepu. “Gume, ne Lek Sambaladi nimi tuai nesala tep, ‘Ukupso, ukupra kunkamrume,’ pepra, pio piripetepra pel men donkamre. Tuai nesala yumada, denapu kununge. Sun keteng tamunda denge weik, 120 tahun kupkamre,” pepu. Atarupuda, sun Nepilim mutu neng ton mutu-mutu yuma kurami. Ada Allah er tara nengdi, talipu kurami nesala, sun ner nyapu damai bena doramidi, kikiman kuramidi, nyapu derirami taru tep pepne. Tonda, amenda taru ton tuai mutu kurami. Yuk tali nesala yumadi, sun nong weik nerami neng, ada sun Nepilim mutu neng tep, ‘Uo, sunda ila mambul kununge’ teneramidi, aneng kurami keca tep, nungna upu weik nungdarami.

Allahdi Nuh tep, “Ange ukupkurum, ukupkurum,” pepra deiputopu, Nuhdi ange utopu pel doramu.

Ukuramya tep, Allahdi Nuh tep upepu. “Ukuda konuma, tuai nesala ban-ban yuma, pio mali-malipu kunga deiki di, tuai mutu yuma pangdana cap, podana cappu kununga tep nengeda, tuai nesala yuma poptapnedi, sun cap, tuai mutu yuma cap, gum kupra deipkamne,” pepu.

“Ukupkamna tep, kandi gopir co kwepra cakmemdi, ila nong weik gapung co dopkurume. Agapung co neitamaida, ati dopra, dela yuk-yuk wilipra dopmem dingeda, aco lase deiki yumada, co pe dopra likeipkurume. Ada ati pumbon cap, bura tara cap, gapung co bol deiki cap yuma, tenpai pe tara gum di, yuma co pe dopra, bon yuma dekdongopkamrume.”

Tuai mutu nesala yumadi, dumsisi men kuramidi, mali bisipu lerekra konum barami.

Tonda, ‘Akeca-keca yuma pio gum kuprur’ tenen, tuai mutu neitamai di, gam kure keca yala-yala yumada, nernge tenpu, gemnge tenpu bulupmemdi dopra, agapung co ati neitamai dongopkamrume.”