Populära bibelverser från iMatiu 5

Dela

Aa mẹ ọgbọ ni ọ ya ri ákpá ru se, ọ khukhu ọli shi atalabi. Eri ọ ya ri ochoghọ rue ọli nga asha na keghe, ni o ke mẹ ekẹ ni ẹgbọ ni e la oni owa e ke mẹ ekẹ. Lighọ zẹ ni ákpá oyẹ o ke gẹ khasẹ ẹgbọ, ni e rọ mẹ ikanya enete eyẹ ni e mẹ asha kuẹghiẹ Ẹshinẹgba ni ọ la iloghie.

“Eri a li abi ákpá shi agbọ ọ. Owa ni a tọ shi ukhomhi ute ọa ya sheli.

Ikhivọsẹ o khi oyi ẹgbọ ni e mhọli udu no pfuasẹ, e ya mẹ Ẹshinẹgba.

Ikhivọsẹ o khi oyi ẹgbọ ni okiamhi ali okiamẹ iguẹ-ngeli ọọ gbe, Ẹshinẹgba ọ ya ri emini ẹ nono na wẹ.

Ama mhi gueyẹ ẹ. Nono ingme oyi ọbe ẹ, u gbo sọ iromhi na eni mu okhọli vule shi ẹ ọ.

“Ikhivọsẹ o khi oyi ẹgbọ ni e lẹsẹ khi Ẹshinẹgba ọ mhuẹ emhikpa, wẹwẹ e mhọli obọ shi Eghiele oyi Ẹshinẹgba.

Ikhivọsẹ o khi oyi ẹgbọ ni ẹẹ dua ini opfọmhẹ o la ọ, Ẹshinẹgba ọ ya lu wẹ imiọli.

Ikhivọsẹ o khi na ẹgbọ ni ẹẹ viẹ, Ẹshinẹgba ọ ya yẹsẹ wẹ.

Ikhivọsẹ o khi oyi ẹgbọ ni a mu okhọli vule shi ọ irari khi e da riẹlẹ emini Ẹshinẹgba ọ nono, wẹwẹ e mhọli obọ shi eghiele oyi Ẹshinẹgba.

Ikhivọsẹ o khi oyi ẹgbọ ni e mhọli ilẹlemhi na ẹgbọẹse, Ẹshinẹgba ọ ya mhọli ilẹlemhi na wẹ.

“Ikhivọsẹ o khi nẹ, ini ẹgbọ e mu okhọli vule shi ẹ ọ, ẹẹ kiẹ iwali ẹgbhọli ọdọda mẹ irari khi u mie mhẹ suọ. Zẹ ni u ke ghẹlẹ, egbe ẹẹ muẹ, irari khi eleli oyẹ ni o la iloghie oo gbẹdi gba. Ina e li mu okhọli vule shi emekẹguele ọ ni e kpẹ bhale khẹ.

Ikhivọsẹ o khi oyi ẹgbọ ni e ti egbewẹ tiemhile, Ẹshinẹgba ọ ya ri agbọ ona nya na wẹ.

“Eri a li abi ugbheli shi agbọ ọ. Ini ugbheli o wasẹ oviọlọ oyọli-a, aa ke tigbe mhọli abi a li ya rọli gbo mele ugbheli-a. Aa ke rọli ya li emhikhọghuo dọsẹ a ku ọli kua ni a ri awẹ lighi ọli ekẹ.

Itobọ ona, zẹ ni u gba pfo abi Itẹ na iloghie ọ li gba pfo.”

Ungmemhi oyẹ o lẹsẹ migha shi ii, okekhi iiye, emini o da dọsẹ ighọ ne, obọ oyi Ọkphaghiẹ o te bhale.

“A suọ khi a kpẹ ngme ọli, khi, ‘A ri ukpẹloe fata ukpẹloe, ali ẹkọli o fata ẹkọli.’ Ama mena, mhi gueyẹ ẹ, a khi riẹlẹ ọgbọ to ọ ini ọ riẹlẹ ẹ onobe. Ini ọgbọ, ọ lase ẹ esọ obita nyenẹ ona ọgobọ na li gbo lase.

Irarighọ, ini o khia khi ẹloe na obita oyẹ o ya zẹ ni u lo owa erẹ, vuọnyọ li pfia, irari khi o ti nẹ ini egbe ẹa gba nẹ ya lo iloghie, dọsẹ khi yẹyẹ nya u lo ilimhi iriẹriẹ. Ini o khia khi obita oyẹ o ya zẹ ni u pfidọ ya lo owa erẹ, khi ọli pfia. O tinẹ ni u zẹ obọ oghuo ya lo iloghie dọsẹ khi yẹyẹ nya u lo ilimhi iriẹriẹ.