Populära bibelverser från ଯୋହାନ୍ 3

Dela

“ଚିୟାଃଚି ପାର୍ମେଶ୍ଵାର୍ ଅତେଦିଶୁମ୍ ରେନ୍ ହୋଡ଼ୋକୋକେ ନେଲେକା ଦୁଲାଡ଼୍ ମାଣ୍ଡାଅ କେଦାଏ ଚି ଇନିଃ ଆଜାଃ ମିୟାଃ ଗି ହୋନ୍‍କଡ଼ା କେ ଏମ୍ ତାଜାଏ, ଏନାତେ ଅକଏ ଇନିଜାଃ ରେ ବିଶ୍ଵାସ୍ ୟାଏ, ଇନିଃ କାଏ ନାଶ୍ ଅଗାଏ, ମେନ୍ଦୋ ଜାନାଓ ଜୀଦାନ୍ ନାମେ ୟାଏ।

ଏନାମେନ୍ତେ ପାର୍ମେଶ୍ଵାର୍ ଆୟାଃ ମିୟାଃ ଗି ହୋନ୍‍କଡ଼ା କେ ଅତେଦିଶୁମ୍ ରେନ୍ ହୋଡ଼ୋକୋ ତାଃ ନେୟା ଲାଗିନ୍ତେ କାଏ କୁଲ୍‍କିଜା ଚି ଅତେଦିଶୁମ୍ ରେନ୍ କୋକେ ଶାଜାଇ ଲାଗିନ୍ତେ ଆନାଚୁ ଏମେୟାଏ, ମେନ୍ଦୋ ଏନା ଲାଗିନ୍ ଚି ଅତେଦିଶୁମ୍ ରେନ୍ ହୋଡ଼ୋକୋ ଆଜାଃ ହୋରାତେ ବାଞ୍ଚାଅ ନାମେୟାକୋ।

ୟୀଶୁ ଇନିଃକେ କାଜିରୁଆଡ଼୍ କେଦାଏ, “ଇଙ୍ଗ୍ ଆମ୍‍କେ ସାର୍ତି-ସାର୍ତି କାଜିତାନିଙ୍ଗ୍, ଆଗାର୍ ଜେତାଏ ଆଡୋଃ ମିଶା କାଏ ଜାନାମୋଃ ରେ, ପାର୍ମେଶ୍ଵାର୍ ରାଃ ରାଇଜ୍ କାଏ ନେଲ୍ ଧାଡ଼ିୟାଏ।”

ଅକଏ ପାର୍ମେଶ୍ଵାର୍ ରାଃ ହୋନ୍ ଚେତାନ୍ ରେ ବିଶ୍ଵାସ୍ ୟାଏ, ଇନିଜାଃ ରେ ଶାଜାଇ ରାଃ ଆନାଚୁ କା ହୋବାୱା, ମେନ୍ଦୋ ଅକଏ ଇନିଜାଃ ରେ କାଏ ବିଶ୍ଵାସ୍ ତାନା, ଇନିଃ ଦୋଷୀ ବାଇ ଜାନାଏ; ଏନାଲାଗିନ୍ତେ ଚି ଇନିଃ ପାର୍ମେଶ୍ଵାର୍ ରାଃ ମିୟାଃ ଗି ହୋନ୍‍କଡ଼ା ରାଃ ନୁତୁମ୍ ରେ କାଏ ବିଶ୍ଵାସ୍ କେଦା।

ଶାଜାଇ ରାଃ ଆନାଚୁ ଏମେ ରାଃ ହୋରା ନେୟା ଲାଗିନ୍ତେ ବାଇୟୋଃ ତାନା ଚି ମାସ୍କାଲ୍ ଅତେଦିଶୁମ୍ ତେ ହିଜୁଃ ଲେନାଏ, ହାର୍ ହୋଡ଼ୋକୋ ନୁବାଃ କେ ମାସ୍କାଲ୍ ଏତେ ଥିମ୍ବା ଦୁଲାଡ଼୍ କେଦାକୋ ଚିୟାଃଚି ଇନ୍‍କୁୱାଃ କାମି ଶିତୃ ତାଇକେନା।

ଲାଗାତିଙ୍ଗ୍ ମେନାଃ ଚି ଇନିଃ ମାରାଙ୍ଗ୍ ଇଦିଅଃ କାଏ, ହାର୍ ଇଙ୍ଗ୍ ହୁଡିଙ୍ଗ୍ ଇଦିଅଃ କାଇଙ୍ଗ୍।”

ଚିୟାଃଚି ଅକଏ ଶିତୃ କାମିତାନାଏ, ଇନିଃ ମାସ୍କାଲ୍ କେ ହିଲାଙ୍ଗ୍ ୟାଏ ହାର୍ ମାସ୍କାଲ୍ ନାଡ଼େଏ ତେ କାଏ ହିଜୁଗା, କାରେ ଦୋ ଆଜାଃ କାମି ନେଲ୍ କୋଃୱା।

ଅକଏ ହୋନ୍‍କଡ଼ା ରେ ବିଶ୍ଵାସ୍ ତାନାଏ, ଜାନାଓ ଜୀଦାନ୍ ଇନିଜାଃ ତାନାଃ, ମେନ୍ଦୋ ଅକଏ ହୋନ୍‍କଡ଼ା କେ କାଏ ମାନାତିଙ୍ଗ୍ ୟାଏ, ଇନିଃ ଜାନାଓ ଜୀଦାନ୍ କାଏ ନେଲେୟାଏ, ମେନ୍ଦୋ ପାର୍ମେଶ୍ଵାର୍ ରାଃ ଖିସ୍ ହୀନିଜାଃ ରେ ତାଇନ୍ କେନୋଃୱା।”

ଜେଲେକା ମୁଶା ନାବୀ ସୁନ୍‍ସାନ୍ ଜାଗା ରେ ପିତାଲ୍ ତେ ବାଇକାନ୍ ମିୟାଃ ବିଙ୍ଗ୍ କେ ଚେତାନ୍ ରାକାବ୍ ଲିଜାଏ, ହେନ୍ ଲେକାଗି ମାନ୍‍ୱା ରାଃ ହୋନ୍ ହ ଚେତାନ୍ ରେ ରାକାବ୍ ଅଗାଏ।

ଆପୁ-ପାର୍ମେଶ୍ଵାର୍ ହୋନ୍‍କଡ଼ା ଲୋଃ ଦୁଲାଡ଼୍ ମାଣ୍ଡାଅ ତାନାଏ, ହାର୍ ଇନିଃ ସବେନ୍ ଜିନିଷ୍‍କୋକେ ଇନିଜାଃ ତିଈ ରେ ଏମ୍ କାଦାଏ।