Populära bibelverser från ᤕᤢᤜᤢᤴᤏᤠ 11

Dela

ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤀᤡᤱᤃᤠ᤹ᤃ ᤁᤧᤛᤡᤒᤠᤜᤠ᤹ ᤕᤠᤶᤔᤥ ᤜᤡᤱᤔᤴ ᤁᤧᤒᤡᤒᤠ ᤏᤢ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠᤀᤠᤖᤥ॥ ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤏᤛᤠᤴ ᤆᤥᤰᤁᤠ ᤂᤧᤱᤃ ᤛᤡ ᤛᤠᤱ ᤕᤠᤶᤔᤥ ᤜᤡᤱᤗᤥ॥ ᤜᤧᤰᤁᤩᤠᤱ ᤀᤡᤱᤃᤠ᤹ᤀᤥ ᤏᤛᤠᤴ ᤁᤧᤈᤥ᤺ᤰᤐᤠᤀᤠᤱ ᤁᤧᤜᤡᤱᤒᤠᤱᤃ ᤀᤠᤵᤑᤠᤸᤗᤧᤀᤠᤱ ᤔᤧᤛᤡᤏᤧᤴᤗᤥ॥ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤁᤴ ᤀᤠᤒᤠ᤺ᤴᤏᤡᤴ ᤏᤛᤠᤴ ᤁᤧᤈᤥᤃᤢᤒᤡ᥅”

ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤔᤧᤳᤋᤢ. “ᤏᤛᤠᤴ ᤁᤧᤈᤥᤃᤢᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤕᤶ ᤕᤶᤒᤠ ᤁᤢᤔᤢᤰᤛᤠᤶᤔᤡᤴ ᤁᤧᤏᤡᤛᤢ᤹ ᤑᤠ᤹ᤀᤠᤱ ᤋᤃᤡᤛᤠ ᤔᤧᤳᤏᤧᤀᤠᤱ ᤘᤕᤧᤖᤥ॥”

ᤕᤧᤛᤢᤴ ᤜᤠᤒᤧ॥

ᤕᤧᤛᤢᤖᤧ ᤁᤴ ᤀᤡᤱᤄᤱᤅᤡᤴ ᤂᤧᤵᤛᤢᤀᤠᤱ ᤀᤰᤂᤣ ᤐᤠ᤺ᤳᤋᤢ. “ᤂᤢᤏᤧ᤹ᤃ ᤁᤴ ᤋᤢᤰᤔᤠᤸᤗᤧ ᤔᤧᤛᤡ᤺ᤏᤧᤴᤗᤥ॥ ᤁᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤗᤧ ᤗᤠᤃᤡ ᤐᤥ᤺ᤰᤂᤧᤒᤠᤖᤥ॥ ᤁᤴᤗᤠᤶᤒᤠ ᤏᤡᤱᤘᤠ᤹ᤑᤢᤛᤠ᤺ᤸᤗᤧ ᤁᤢᤔᤡᤱᤛᤥ ᤁᤢᤎᤠ᤺ᤱᤛᤥ ᤐᤥᤱᤗᤥ॥”

ᤕᤧᤛᤢᤖᤧ ᤀᤰᤂᤣ ᤐᤠ᤺ᤳᤋᤢᤖ ᤕᤶᤒᤠ ᤀᤡᤰᤗᤠᤀᤥ ᤀᤢ᤺ᤳᤋᤢ. “ᤗᤠᤈᤖᤛ᤻ᤛᤣ. ᤗᤠ᤺ᤰᤁᤠᤳ ᤗ᤺ᤴᤍᤧ᤹ᤀᤥ᥄” ᤁᤧᤛᤡᤒᤠ ᤗᤠᤈᤖᤛᤧᤴ ᤗᤠ᤺ᤰᤁᤠᤳ ᤗ᤺ᤴᤍᤧ. ᤂᤢᤏᤧ᤹ ᤁᤢᤗᤠᤱ ᤏᤢ ᤁᤢᤜᤢᤰᤜᤠ᤹ ᤆᤣᤍᤣ᤺ᤳᤋᤡᤸᤗᤧ ᤁᤢᤓᤠᤰ ᤁᤢᤓᤠᤰ ᤔᤧᤃᤡᤳᤋᤢᤀᤠᤱ ᤐᤳᤇᤧ ᤜᤧᤰᤁᤩᤠᤱ ᤁᤢᤏᤠᤖᤠᤴᤏᤠᤱ ᤆᤡᤖᤡᤰᤁᤡᤸᤗᤧ ᤔᤧᤍᤧᤵᤋᤢᤀᤠᤱ ᤐᤳᤇᤧᤖᤥ॥ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤆᤣᤍᤣ᤺ᤳᤋᤡᤴ ᤑᤠ᤺ᤰᤂᤧᤶ ᤐᤡᤖᤧᤶᤔᤧ᤹ᤀᤠᤱ ᤐᤣ᤺ᤰᤗ ᤕᤠ᤺ᤴᤍᤧᤶᤔᤧ᤹॥”

ᤕᤠᤶᤔᤥᤀᤠᤱ ᤕᤧᤛᤢᤴ ᤛᤠ᤹ᤖᤡᤰ ᤁᤢᤕᤥᤶ ᤐᤢ᤹ᤖᤧᤀᤠᤱ ᤀᤡ᤺ᤵᤐᤢᤱᤅᤡᤸᤗᤧ ᤁᤢᤒᤣᤛᤠᤱ ᤐᤣ॥ ᤂᤧᤴ ᤀᤡ᤺ᤵᤐᤢᤱᤅᤡᤸᤗᤧ ᤁᤢᤔᤢᤖᤠᤀᤥ ᤕᤶᤒᤠ ᤗᤢᤱᤅᤡᤴ ᤔᤧᤕᤧᤵᤛᤢᤒᤠ ᤑᤢᤰᤁᤢ ᤘᤕᤧᤖᤥ॥

ᤀᤰᤂᤣ ᤐᤠ᤺ᤳᤋᤢ ᤛᤢᤖᤢᤀᤠᤱ ᤕᤧᤛᤢᤖᤧ ᤕᤠᤶᤔᤥ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤏᤡ᤹ ᤆᤢᤶ ᤗᤠᤈᤖᤛᤧᤴ ᤔᤢᤖᤢᤰᤂᤢᤖᤢᤰ ᤀᤡᤵᤛᤧᤀᤠᤱ ᤏᤧᤖᤥ. ᤁᤖ ᤂᤢᤏᤧ᤹ ᤁᤢᤓᤥ᤺ᤱᤛᤧ ᤐᤣ᤺ᤰᤁᤠᤖᤥ॥”