Populära bibelverser från Utumbuli 27

Dela

Sapanga jugujakaninya ulumi ukunani kwa maundi jugupekiya luhombi lwa sapi, ilebi na divai jingipi. Bandu ba makabila goti gagutumakiya, na bandu boti biitenda kugujinami kwi isima. Gubiya gukilongosi waka alongu baku na bana bingi akanalomi waka nyongo baku bagujinamiya kwi isima. Kila jojwalapila yaambamba andapila jombi, kila jojagupengaliya na jipengaliwa.”

Esau japwaaga, “Ndi mana ankema Yakobu! Jujukwi napwasi jangu mala pabeli. Jatumbuliya oti kujuku haki ju utumbuli ukubelakeka, henu jujukwi kabee na mbengale yangu.” Boo ngasejibii mbengale jengi jegumekile?

Ndi Isaka atati baki bumpwaagila, “Kutama kwaku kwibiya kutali nu luhombi lwa sapi, nu kutali nu ulumi ukunani kumaundi. Wiitumia makili ili kupata hindu yaku, na wantumakiya nndongu waku. Lakini pagwiwesa kulikombola, walibopuliya mu ulongosi waki.”

Esau jaapwagila atati baki, “Atati mmbii na mbengale jimu pena? Mbengaliya hata na nenga atati!” Papuje Esau jalela kwa sauti ngolongu.