Populära bibelverser från Utumbuli 6

Dela

Bambu Sapanga jasikatiki ngamaa, ndaba jukummbomba mundu. Bambu Sapanga jugubona usungu mmwoju jaki

Bambu Sapanga pajabona bandu ahenga mahakau gingi ngani pani punndema, na kila sejuholale mundu mmwoju jaki ndi mahakau masoba goti

Lakini Noa, japatiki upali nkolongu palongi jaka Bambu Sapanga.

Ganga majambu gaguhusu Noa jojabii jojujetakeka kajika jaki palongi jaka Sapanga na jojuwe ngasejabii na lawama ipindi yake. Jabii jutama sukunndengane Sapanga.

henu, japwaaga, “Namputa nzwe punndema mundu jo nu mmbombiki, nambengila kutali kabee naaputa nzwe inyama ya mwikioli ni iumbi yeikwaba ni ijuni yu kunani. Nhyomiki ndaba naabomba punndema.”

Bandu ebajonzukika nu kuenee punndema nu kubeleka aka kamwali, bana akakombu baka Sapanga bangi baabona aka kamwali ba bandu atei kunyamba, baajukua ba baapai na kuba aka ahanu babu. Hapa ndi Bambu Sapanga japwaaga, “Mbomu jangu ngajiitami nkati jaka mundu masoba goa ganga na mwisu, ndaba jombi ndi wa kuwa pena. Kutumbuli sajenu nu kuendalee ngabiitami kupeta yaka mia jimu ni ishilini.” Mumasoba ge haga hata ga monikatai, kwabii ni mimundu gagabiya gatama pani punndema. Mamundu gehaga bagakemika Anepili babii kibeleku sa bana akanalomi baka Sapanga na akakamwali babelikwi na bandu. Haba ndi bandu bababii baawesa ngondu na baabii nu ulumbi kipindi se hesi.

Noa jahenga yoti ngati Sapanga eanndagalakiya.

Sapanga ampwagila Noa, “Amwi kwaakoma bandu boti ndaba atweli bandu banga ni ikia. Naakoma pamu nu nndema.

Henu, ujilenganakiya Sapina kwi imbau yu nkongu wu mpengu. Bagula yumba nkati je homu na gupakia lami kunza nu nkati.

Sapanga hejugulingalia nndema, jabona guhalabiki ngamaa, ndaba kila mundu japwata indela jaki ja mahakau.

Nawehapa wiijingisa mu sapina iumbi ibeli ibeli, sammbomba na sanalomi, ili kwiitunza ibiya yomi pamu na wehapa.