Populära bibelverser från Байбихьи 9

Dela

Аллагьас абуна: «Дица нужергун ва кинабго чӀагоябщиналъулгун гьабулеб бугеб наслабазухъа наслабазухъе кьолеб абадияб къотӀиялъул гӀаламат гьале: Дица накӀкӀазда гьоркьоб нур чӀезабуна. Гьеб букӀине буго Дида ва гьаб дунялалда гьоркьоб гьабураб къотӀиялъул гӀаламат.

НакӀкӀазда гьоркьоб нур лъугьина ва, гьеб бихьарабго, Дида ракӀалде щвела дунялалда кинабго чӀагоябщиналъулгун гьабураб Дирго абадияб къотӀи».

Лъицаниги пуланав чиясул би гӀодобе тӀуни, цогидас гьев бидуласул биги гӀодобе тӀела. Инсан вижун вугелъулха Аллагьасул сураталда!

НухӀидаги гьесул васаздаги баракат лъун, Аллагьас абуна: «ГӀемерал лъимал гьаре, нужерго къадар цӀикӀкӀинабе ва гьаб ракь цӀезабе.

Кинабниги рухӀчӀаголъи нужее квание кьолеб буго Дица; цебе нужее квание ракьул нигӀмат кьун букӀараб гӀадин, гьеб кинабгоги кьолеб буго нужее кваназе.

Киналго ракьалда ругел жанаваралги, зобалаздасан роржанхъулел хӀанчӀиги, ракьалдасан шурулел жалги, ралъадазулъ ругел ччугӀбиги нужедаса хӀинкъизе риччанте: гьел нужер ихтияралде кьун руго.

Нужеца гӀемерал лъимал гьаре, нужерго къадар цӀикӀкӀинабе ва гьаб ракь цӀезабе».