Populära bibelverser från UBWANDILO 1

Dela

Popapo Kyala alinkuti, “Oko, tumpelege umundu nkifwani kyitu, ayege bo yuyuswe; yo ayege gwakulagila paswi sya mu nyanja, na panjuni sya mumpalanga, pang'ombe kangi na pafinyamana fyosa ifya nkisu, na pa tundu tosa utu tukwendela ulwanda.” Momuno Kyala alinkumpelela umundu nkifwani kyake; nkifwani kyake yuyo Kyala mo alinkumpelela unyambala nunkikulu.

Kyala alinkubasaya, kangi alinkubabula alinkuti, “Molokege, mwisule nkisu, kangi mukilambikege, muyege balagili paswi sya mu nyanja, panjuni sya mu mpalanga, na pakandu kosa aka lukwendela ulwanda.”

Pabwandilo Kyala apelile ikisu ikya kumwanya nikya pasi.

Ikisu kya pasi kikali nububumbe nabumo kangi kikali nakandu nakamo, ingisi yali pamwanya pa misi amasolofu; mbepo gwa Kyala alinkwendenda pamwanya pa misi. Kyala alinkuti

“Luyeko ulumuli.” Popapo lulinkuyako ulumuli.

Kyala alinkufiketa fyosa ifi apelile, alinkwaga finunu itolo. Lulinkuya lubunju, galinkuya mayolo, ilisiku lya buhano nalimo.

Umwene Kyala alinkuluketa ulumuli alinkwaga lununu; popapo alinkupagulania ulumuli ningisi.

Kyala alinkuti, “Keta, mbapele umwe fyosa ifibyaligwa ifi fili nimbeyu nkati, ifi filimo nkisu, nimipiki gyosa igi gikupa iseke pakisu kyosa, igi gili nimbeyu mu seke syake; gyo gikuyaga fya kulya fyinu.

Alinkulupa ulumuli lula ingamu iya “Musi,” iyene ingisi yo alinkuyipa ingamu iya “Kilo.” Lulinkuya lubunju, kangi galinkuya mayolo, ilisiku lya kwanda.

Popapo Kyala alinkuti, “Guyepo umwela pakati pa misi, go gugatapulaniege amisi.”

Fyosa ifinyamana ifya nkisu, syosa ninjuni sya mu palanga, na fyosa ifi fikwendela ulwanda, fyosa itolo ifi gulimo umuyi gwa bumi, fyo mfipele ifyakumela fyosa ifibisi ukuya fya kulya fyabo.” Popapo silinkuya bo bunobuno.

Kyala alinkuti, “Siyemo imuli mmwela gwa kumwanya, isya kupagulania umusi nikilo; syo sipelege ukuya fimanyilo fya kumanyilamo utubalilo, namasiku, nifyinja.

Popapo Kyala alinkuti, “Ikisu kimesyege ifyakumela: fyo fibyaligwa ifi fili nimbeyu nkati; nimipiki igi gikupa iseke isi sili nimbeyu nkati, akabyaligwa kosa ukufwana nikikolo kyake.” Silinkuya bo bunobuno.

Alinkupela umwela, ukugatapulania amisi aga gali kumwela kusi namisi aga gali pamwela pamwanya.

Ikisu kilinkumesya ifyakumela, fyo fibyaligwa ifi fili nimbeyu nkati, ni mipiki igi gikupa iseke isi sili nimbeyu nkati: akabyaligwa kosa ukufwana nikikolo kyake. Kyala alinkusiketa silinkuya nnunu itolo.

Silinkuya bo bunobuno. Kyala alinkupela imuli ingulumba ibili, ulukulumbapo lulinkuya lwakugulagila umusi, ulunandipo lulinkuya lwakukilagila ikilo; kangi alinkupela nindondwa.

Popapo Kyala alinkuti, “Amisi ga kumwela kusi gabungane mbuyo bumobwene, ukuti ikisu ikyumu kibonekege.” Silinkuya bo bunobuno. Kyala alinkulapa ikisu ikyumu “Mfu,” amisi aga gabungene palikimo ingamu iya “Nyanja.” Kyala alinkuketa alinkwaga nnunu itolo.

Kyala alinkufiketa lilinkuya finunu itolo. Alinkunsaya alinkuti, “Molokege, mwisule mmisi ga mu nyanja, syope ninjuni sibale pakisu.”

Kyala alinkuti, “Ikisu kiye nifipeligwa ifya luko nu luko; ing'ombe kangi nakandu kosa aka kikwendela ulwanda, nifinyamana fyosa ifya ndisu, ifinywamu nifinandi ifya luko nuluko.” Silinkuya bo bunobuno.

Popapo Kyala alinkuti, “Mmisi fiyemo ifya bumi fi fingi itolo, ninjuni sipululukege pamwanya pakisu mumpalanga.”

Kyala alinkufipela ifinyamana pa kisu ukufwana nuluko lwabo, ing'ombe sya luko nuluko, na fyosa ifi fikwendela ulwanda ifya luko nuluko. Kyala alinkufiketa filinkuya finunu itolo.