Populära bibelverser från Matalikilo 1

Dela

Ono Lesa wakaamba ayi, “Atulenge muntu mucikoshanyo cesu, anooboneka anga ndiswe. Bakanokweendelesha nswi sha mumaanshi, bayuni bauluka, banyama bafubwa, banyama bamuluundu ashilongolo shinene atuniini sheenda panshi shoonse.” Aboobo Lesa wakalenga muntu, kumulenga mucikoshanyo cakwe mwiine. Wakalenga musankwa amwanakashi.

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Kumatalikilo Lesa wakalenga liculu acishi ca panshi.

Ono cishi taaku mbocakalingaawo ceebo temwakalinga shintu. Kwakalingabo munshinshe peculu lya maanshi aanji. Mushimu wakwe Lesa wakalinga kweendeendabo peculu lya maanshi.

Mpeeke Lesa wakaamba ayi, “Akube mumuni.” Lyalo mumuni wakabaako.

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Lesa wakabona kwaamba ayi mumuni ngubotu, lyalo wakapansaanya mumuni amunshinshe.

Mpeeke Lesa wakaamba ayi, “Ndakupa shoonse shishango shicite nseke isho shili pacishi ca panshi coonse, ashisamu shoonse shicata shisepo shicite mikoli kwaamba ayi shikabe cakulya cako.

Mpeeke Lesa wakatumba mumuni ayi, “Malumwi,” awalo munshinshe ayi, “Mashiku.” Lyalo kwakaba macolesha amacuunsa, ubu bwakaba mbushiku butaanshi.

Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.”

Ono banyama boonse bamuluundu, bayuni bauluka, shilongolo shinene atuniini sheenda panshi shoonse ashimwi shoonse shiyoya, ndashipa matewu abwiisu ayi shinoolya.” Mpeeke kwakaba bweenka ubo.

Kuswawaawo Lesa wakaamba ayi, “Akube mimuni mumusena ufongomene kwiculu ayi ipansaanye malumwi amashiku, alimwi akwaamba ayi shibe shitondesho sha shiindi, inshiku amyaaka.

Kuswawaawo Lesa wakaamba ayi, “Inshi aimene shishango isho shicata nseke, ashisamu shicata shisepo shicite mikoli kweelana amushobo wa comwi acomwi.” Mpeeke kwakaba bweenka ubo.

Aboobo Lesa wakalenga musena ufongomene uyo akupansaanya maanshi ayo apanshi lya nguwo alimwi aayo ali peculu lya nguwo. Mpeeke kwakaba bweenka ubo.

Aboobo inshi yakamena shishango isho shicata nseke, ashisamu shicata shisepo shicite mikoli kweelana amushobo wa comwi acomwi. Ono Lesa wakabona kwaamba ayi shintu ishi nshibotu.

Lesa wakalenga mimuni inene yobilo, lisuba kwaamba ayi linokweendelesha malumwi, amweenshi ayi unokweendelesha mashiku. Alimwi wakalenga anyenyeenshi.

Kuswawaawo Lesa wakaamba ayi, “Maanshi ali panshi lya musena ufongomene uyo abungane mumusena womwi kwaamba ayi bulongo buyumu buboneke.” Mpeeke kwakaba bweenka ubo. Lesa wakatumba bulongo buyumu ubo ayi, “Inshi,” aalo maanshi akabunganishikwa pantu pomwi ayi, “Lweenge.” Mpeeke Lesa wakabona kwaamba ayi shintu ishi nshibotu.

Lyalo Lesa wakashipa coolwe akwaamba ayi, “Amushalane, mufule alimwi musushe maanshi a mulweenge, abalo bayuni bafule mucishi ca panshi.”

Kuswawaawo Lesa wakaamba ayi, “Painshi apabe shintu shuumi comwi acomwi kweelana amushobo wa ncico. Apabe banyama bafubwa, shilongolo shinene atuniini sheenda panshi abanyama bamuluundu, womwi awomwi kweelana amushobo wakwe.” Mpeeke kwakaba bweenka ubo.

Kuswawaawo Lesa wakaamba ayi, “Mumaanshi amube shintu shuumi shipusenepusene, alimwi abayuni bauluka mwiculu.”

Lesa wakalenga banyama bamuluundu, womwi awomwi kweelana amushobo wakwe, banyama bafubwa kweelana amishobo yabo ashilongolo shinene atuniini sheenda panshi kweelana amishobo ya nshisho. Mpeeke Lesa wakabona kwaamba ayi shintu ishi nshibotu.