Populära bibelverser från Genesis 9

Dela

Bilang tanda kaining daing kataposan na tipan na sakong ginigibo saindo asin sa gabos na may buhay, ibinubugtak ko an bulalangaw sa mga panganoron. Iyan an magigin tanda kan pakikipagtipan ko sa kinaban.

Paglataw kan bulalangaw sa mga panganoron, mahihiling ko iyan asin magigiromdoman ko an daing kataposan na tipan ko sa gabos na may buhay sa kinaban.

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Itatao ko saindo bilang kakanon an lambang linalang na may buhay kaiba an mga berdeng tinanom. Itinatao ko saindo an gabos.

An gabos na hayop, gamgam asin sira mabubuhay na igwa nin pagkatakot saindo. Gabos sinda mapapasairarom kan saindong kapangyarihan.

“Kaipuhan na magkaigwa kamo nin dakul na aki tanganing an saindang kapagarakian makalakop sa bilog na daga.”