MATIYU 6
6
1Ka Yisa daa laa n‑yɛli, ni, “Ya mira ka ya di tumni ya wungyeeŋŋu tuma paalu ni, ni niriba ti nya yan ŋɔn tumni seem. Ya yi niŋni a lala paalu ni, ya ku nya bunseelli Naawunni saani - Naawunni ŋɔn nyɛ ya Ba m‑bɛ arizana ni.
2I yi ti suŋŋi ŋɔn ka seelli ka susira, n‑tiri u bunni, nyin di ŋmɛ luŋŋa m‑mooli di yɛla, hoo birikɔnsi dima ŋɔn niŋni seem maa; ba niŋni lala ba la'aŋŋu duri maa ni, ni daasi ni; ba boori niriba nya ka pɛ'ai ba. Yɛlimaŋni ka n yɛtti ya, lala niriba pun nya ba laara zaa n‑naai. 3Nyin muna, i yi ya suŋŋi ŋɔn susira, di kyɛ ka ba baŋŋi di yɛla, halli ni i nuzaa di baŋŋi i nudirigu ŋɔn tumni seem. 4I yi sɔ'ai n‑tumni tunsuma, i Ba ŋɔn nyari yɛlisɔ'ara zaa nin yɔ i.
5I yi ya puusi Naawunni, di niŋi hoo birikɔnsi dima: ba boori ba zɛ saazugu m‑puusiri gyeeŋŋu duri ni, ni sɔkyira ni, ni niriba ti nya ba. Yɛlimaŋni ka n yɛtti ya wa, ba pun deaai ba laara zaa n‑naai. 6Nyin muna, i yi ya puusi Naawunni, nyin kpeem i duu puuni n‑yɔ kyɛburu la ka sɔ'ai m‑puusi n‑ti i Ba. Ka i Ba ŋɔn nyari yɛlisɔ'ara zaa nin yɔ i. 7Tɔ: ya yi ya m‑puusiri Naawunni, di mari yɛttɔ'ayɔna pam hoo ban pa Izraɛli dima ŋɔn niŋni seem. Dama ba teesi, ni, ba yi ti tɔ'asi n‑yuui, ni, Naawunni nin wum n‑ti ba dizugu. 8Yarima muna, yan di ŋmanni bana. Dama ya Ba pun mi yan boori seelli pɔi, ka ya naayi susi.
9Dinŋɔ ka ya nin puusi, ni#:-
‘Ti Ba, nyin bɛ la arizana ni,
Kyɛ ka i yuuri du.
10Kyɛ ka i naam kyɛ na;
Kyɛ ka ba tumni i yuubu yɛla
N‑niŋi duniya wa ni,
Hoo ban niŋni arizana ni seem.
11Tim ti zuna ti beoo kam bundirigu;
12Ka kyɛri ti taalli m‑pɛŋŋi ti,
Hoo tin kyɛ seeba ban niŋi ti taalli la.
13Ka di kyɛ ka ti nya zamsigu din nin nyaŋŋi ti.
Amaa yiisima ti Yɛlibeeri Daana nuusi ni.’
14Dama ya yi kyɛ ya taaba tumbeeri taalli m‑pɛŋŋi ba, ya Ba ŋɔn bɛ arizana la gba nin kyɛ ya mammansi taalli m‑pɛŋŋi. 15Amaa ya yi bu kyɛ ya taaba taalli m‑pɛŋŋi, dinŋɔna ya Ba maa gba ku kyɛ ya mammansi taalli m‑pɛŋŋi.”
16Ni, “Ya yi ti gbaai noori loobu sahanseaa, yan di miisi ya nindaa hoo birikɔnsi dima wa ŋɔn niŋni seem la. Ba yi kyɛ ka ba nini n da'ai ni sɔkam ti nya ka baŋŋi, ni, ba loori la noori. Yɛlimaŋni ka n yɛtti ya wa, ba pun deaai ba laara zaa n‑naai. 17Nyin muna, i yi ya gbaai la noori loobu, see ka i peaai i nini ka saasi i zugu, 18ka lala ka ninsaalidima ku baŋŋi i noori loobu yɛla, see ka i Ba ŋɔn bɛ la zisɔ'arli maa ni nin baŋŋi. Di saha ka i Ba ŋɔn nyari yɛlisɔ'ara nin yɔ i.”
19Ka Yisa daa laa n‑yɛli, “Ya di la'asi ya neema n‑tiri ya mansi n‑niŋi ya arizikki duniya wa ni, dama bɛni ka leelisi nin ŋɔbri a ni, bee, a nin nyaamna, ka naayi sa'am, halli ka na'ayigsi kabri n‑kpeeri na n‑zuuri gba. 20Amaa ya la'asim neenseesi an nin zaali arizana ni n‑niŋi ya arizikki maa; bɛni ka leelisi ku ŋɔbi a, bee, a ku nyaamna, ka na'ayigsi mun gba ku toaai n‑kabri n‑zuuri a. 21Dama i sufu kur ya bɛ la i arizikki ŋɔn bɛ seela.”
22Ni, “I nini n niŋi hoo i ningbina firila: i nini yi neaai suŋŋa, i ningbina zaa mari la neesim, nyain! 23Amaa i nini yi sa'amna, i ningbina zaa bɛ la zibsim ni. Tɔ - ka neesim din bɛ i ni maa yi nyɛ la zibsim, di nin zibgi halli nti laa n‑ya'ai.”
24Ni, “Ninvugyinni ku toaai n‑leebi daabri n‑ti dugmadima ayi: see ka u za'asi yinni yɛla ka wuri yinni la, bee u tibgi yinni la, ka laa n‑zeem ŋɔnla. Ya ku toaai n‑kyɛ ka Naawunni su ya yɛla ka kyɛ ka ligri gba su ya.”
25Ni, “Dizugu ka n ya yɛli ya, ni, yan di zaŋŋi yɛla m‑mugsi ya mansi zaŋŋi n‑kyaŋŋi ya nin niŋi seem n‑nya bundirigu n‑di, bee n‑nya situra n‑yɛa - yan di fabli anŋɔ zaa yɛla; dama nyɔvuri gaari bundirigu, ka ningbina gaari bunyeerigu, bee m ma'ari ni? 26Ya gɔsim niinsi ban bɛ saazugu la; ba bu butta, ba mun bu la'asiri bundirigu n‑niŋni napaari ni, amaa ya Ba ŋɔn bɛ arizana ni la diisiri ba ni: ka yan mun mari bukaata n‑gaari ba, bee m ma'ari ni? 27Ya sɔ nin toaai n‑zaŋŋi u nyɔvuri yɛla m‑mugsi u maŋŋa halli nti yakki u nyɔvuri tariga m‑paasi dabsiri yinni gba? 28Ka wula zugu ka ya zaŋŋi bunyeera yɛla m‑mugsiri ya mansi? Ya baŋŋma pɔ'a-veelli-ku-siisi-koom la yɛla: gɔsim n‑nya kan zoaari seem moo ni, ka bu tumni n‑waanni gumni. 29Amaa n yɛtti ya wa, ni, halli NaaSulɛmaana ni u naam gyirima zaasa gba daa na zi m‑bɔbi suturiveela kaman mɔpuuma wa yinni veelim ŋɔn nyɛ seem. 30Ka Naawunni yi zaŋŋi veelim wa tataabu n‑niŋi mɔseesi an bɛ ni zuna ka beoo ka a sa nin nyɔ bugum m‑basi maa, wula zugu ka u ku yeeli yarima sutura? - Ya yɛdda kɔŋŋniba wa! 31Dinzugu yan di fabinna, bee n‑teesiri, ni, ‘Bɔ ka ti ya di?’, bee, ‘Bɔ ka ti ya nyu?’, bee, ‘Bɔ ka ti ya yɛa?’ 32Ninvugseeba ban bu mi Naawunni la bɛ la anŋɔ zaa nɔba karibu ni. Amaa yarima mari ya Ba ŋɔn bɛ arizana ni maa, ka u mi halli, ni, ya boori la anŋɔ zaa. 33Ay, see ka ya daŋŋi n‑zaŋŋi ya Ba naam yɛttɔ'a, ni u yɛla zaa, m‑mugsi ya mansi pɔi, ka ŋɔn nin naayi zaŋŋi bunseelli din kpalim zaasa m‑paasi ya. 34Di fabinni beoo yɛla zuna, see ka i kyɛ ka beoo maa sa ya fabli ka maŋtoori yɛla. Zuna mun mari la ka toori yɛlimugsa ka a sakki.”
Nu markerat:
MATIYU 6: maw
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2002, Wycliffe Bible Translators, Inc. All rights reserved.
MATIYU 6
6
1Ka Yisa daa laa n‑yɛli, ni, “Ya mira ka ya di tumni ya wungyeeŋŋu tuma paalu ni, ni niriba ti nya yan ŋɔn tumni seem. Ya yi niŋni a lala paalu ni, ya ku nya bunseelli Naawunni saani - Naawunni ŋɔn nyɛ ya Ba m‑bɛ arizana ni.
2I yi ti suŋŋi ŋɔn ka seelli ka susira, n‑tiri u bunni, nyin di ŋmɛ luŋŋa m‑mooli di yɛla, hoo birikɔnsi dima ŋɔn niŋni seem maa; ba niŋni lala ba la'aŋŋu duri maa ni, ni daasi ni; ba boori niriba nya ka pɛ'ai ba. Yɛlimaŋni ka n yɛtti ya, lala niriba pun nya ba laara zaa n‑naai. 3Nyin muna, i yi ya suŋŋi ŋɔn susira, di kyɛ ka ba baŋŋi di yɛla, halli ni i nuzaa di baŋŋi i nudirigu ŋɔn tumni seem. 4I yi sɔ'ai n‑tumni tunsuma, i Ba ŋɔn nyari yɛlisɔ'ara zaa nin yɔ i.
5I yi ya puusi Naawunni, di niŋi hoo birikɔnsi dima: ba boori ba zɛ saazugu m‑puusiri gyeeŋŋu duri ni, ni sɔkyira ni, ni niriba ti nya ba. Yɛlimaŋni ka n yɛtti ya wa, ba pun deaai ba laara zaa n‑naai. 6Nyin muna, i yi ya puusi Naawunni, nyin kpeem i duu puuni n‑yɔ kyɛburu la ka sɔ'ai m‑puusi n‑ti i Ba. Ka i Ba ŋɔn nyari yɛlisɔ'ara zaa nin yɔ i. 7Tɔ: ya yi ya m‑puusiri Naawunni, di mari yɛttɔ'ayɔna pam hoo ban pa Izraɛli dima ŋɔn niŋni seem. Dama ba teesi, ni, ba yi ti tɔ'asi n‑yuui, ni, Naawunni nin wum n‑ti ba dizugu. 8Yarima muna, yan di ŋmanni bana. Dama ya Ba pun mi yan boori seelli pɔi, ka ya naayi susi.
9Dinŋɔ ka ya nin puusi, ni#:-
‘Ti Ba, nyin bɛ la arizana ni,
Kyɛ ka i yuuri du.
10Kyɛ ka i naam kyɛ na;
Kyɛ ka ba tumni i yuubu yɛla
N‑niŋi duniya wa ni,
Hoo ban niŋni arizana ni seem.
11Tim ti zuna ti beoo kam bundirigu;
12Ka kyɛri ti taalli m‑pɛŋŋi ti,
Hoo tin kyɛ seeba ban niŋi ti taalli la.
13Ka di kyɛ ka ti nya zamsigu din nin nyaŋŋi ti.
Amaa yiisima ti Yɛlibeeri Daana nuusi ni.’
14Dama ya yi kyɛ ya taaba tumbeeri taalli m‑pɛŋŋi ba, ya Ba ŋɔn bɛ arizana la gba nin kyɛ ya mammansi taalli m‑pɛŋŋi. 15Amaa ya yi bu kyɛ ya taaba taalli m‑pɛŋŋi, dinŋɔna ya Ba maa gba ku kyɛ ya mammansi taalli m‑pɛŋŋi.”
16Ni, “Ya yi ti gbaai noori loobu sahanseaa, yan di miisi ya nindaa hoo birikɔnsi dima wa ŋɔn niŋni seem la. Ba yi kyɛ ka ba nini n da'ai ni sɔkam ti nya ka baŋŋi, ni, ba loori la noori. Yɛlimaŋni ka n yɛtti ya wa, ba pun deaai ba laara zaa n‑naai. 17Nyin muna, i yi ya gbaai la noori loobu, see ka i peaai i nini ka saasi i zugu, 18ka lala ka ninsaalidima ku baŋŋi i noori loobu yɛla, see ka i Ba ŋɔn bɛ la zisɔ'arli maa ni nin baŋŋi. Di saha ka i Ba ŋɔn nyari yɛlisɔ'ara nin yɔ i.”
19Ka Yisa daa laa n‑yɛli, “Ya di la'asi ya neema n‑tiri ya mansi n‑niŋi ya arizikki duniya wa ni, dama bɛni ka leelisi nin ŋɔbri a ni, bee, a nin nyaamna, ka naayi sa'am, halli ka na'ayigsi kabri n‑kpeeri na n‑zuuri gba. 20Amaa ya la'asim neenseesi an nin zaali arizana ni n‑niŋi ya arizikki maa; bɛni ka leelisi ku ŋɔbi a, bee, a ku nyaamna, ka na'ayigsi mun gba ku toaai n‑kabri n‑zuuri a. 21Dama i sufu kur ya bɛ la i arizikki ŋɔn bɛ seela.”
22Ni, “I nini n niŋi hoo i ningbina firila: i nini yi neaai suŋŋa, i ningbina zaa mari la neesim, nyain! 23Amaa i nini yi sa'amna, i ningbina zaa bɛ la zibsim ni. Tɔ - ka neesim din bɛ i ni maa yi nyɛ la zibsim, di nin zibgi halli nti laa n‑ya'ai.”
24Ni, “Ninvugyinni ku toaai n‑leebi daabri n‑ti dugmadima ayi: see ka u za'asi yinni yɛla ka wuri yinni la, bee u tibgi yinni la, ka laa n‑zeem ŋɔnla. Ya ku toaai n‑kyɛ ka Naawunni su ya yɛla ka kyɛ ka ligri gba su ya.”
25Ni, “Dizugu ka n ya yɛli ya, ni, yan di zaŋŋi yɛla m‑mugsi ya mansi zaŋŋi n‑kyaŋŋi ya nin niŋi seem n‑nya bundirigu n‑di, bee n‑nya situra n‑yɛa - yan di fabli anŋɔ zaa yɛla; dama nyɔvuri gaari bundirigu, ka ningbina gaari bunyeerigu, bee m ma'ari ni? 26Ya gɔsim niinsi ban bɛ saazugu la; ba bu butta, ba mun bu la'asiri bundirigu n‑niŋni napaari ni, amaa ya Ba ŋɔn bɛ arizana ni la diisiri ba ni: ka yan mun mari bukaata n‑gaari ba, bee m ma'ari ni? 27Ya sɔ nin toaai n‑zaŋŋi u nyɔvuri yɛla m‑mugsi u maŋŋa halli nti yakki u nyɔvuri tariga m‑paasi dabsiri yinni gba? 28Ka wula zugu ka ya zaŋŋi bunyeera yɛla m‑mugsiri ya mansi? Ya baŋŋma pɔ'a-veelli-ku-siisi-koom la yɛla: gɔsim n‑nya kan zoaari seem moo ni, ka bu tumni n‑waanni gumni. 29Amaa n yɛtti ya wa, ni, halli NaaSulɛmaana ni u naam gyirima zaasa gba daa na zi m‑bɔbi suturiveela kaman mɔpuuma wa yinni veelim ŋɔn nyɛ seem. 30Ka Naawunni yi zaŋŋi veelim wa tataabu n‑niŋi mɔseesi an bɛ ni zuna ka beoo ka a sa nin nyɔ bugum m‑basi maa, wula zugu ka u ku yeeli yarima sutura? - Ya yɛdda kɔŋŋniba wa! 31Dinzugu yan di fabinna, bee n‑teesiri, ni, ‘Bɔ ka ti ya di?’, bee, ‘Bɔ ka ti ya nyu?’, bee, ‘Bɔ ka ti ya yɛa?’ 32Ninvugseeba ban bu mi Naawunni la bɛ la anŋɔ zaa nɔba karibu ni. Amaa yarima mari ya Ba ŋɔn bɛ arizana ni maa, ka u mi halli, ni, ya boori la anŋɔ zaa. 33Ay, see ka ya daŋŋi n‑zaŋŋi ya Ba naam yɛttɔ'a, ni u yɛla zaa, m‑mugsi ya mansi pɔi, ka ŋɔn nin naayi zaŋŋi bunseelli din kpalim zaasa m‑paasi ya. 34Di fabinni beoo yɛla zuna, see ka i kyɛ ka beoo maa sa ya fabli ka maŋtoori yɛla. Zuna mun mari la ka toori yɛlimugsa ka a sakki.”
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2002, Wycliffe Bible Translators, Inc. All rights reserved.