Tim pa Jomoor 5
5
Anania kodi Safira
1To onwaŋo nitie nyatoro m'ilwoŋo ni Anania, gi cege ma nyinge Safira, ma jotana lowo pajo moro. 2To go okano pesa moro ma konyirok, aka cege oŋeyo gime, to m'odoŋ ama go otero ri jomoor. 3Petero owaco rigo ni, “Anania, raŋo m'iyeyo Sitan odonjo i cunyin to miyin itwodo ri Cuny Maleŋ to ikano adec ma pesa m'ilimo i lowo perin? 4Mafodi ikitana lowo no, onwaŋo k'obedo aperin? Aka munyo itieko kitana, pesa mere oyido k'obedo aperin? To raŋo ma iridho i cunyin nike itimi gima pameno? Ikiwondo ji to iwondo Were won!” 5Tekin Anania winjo gime, ogore piny to tho, aka dhano je m'owinjo gime, lworo opoŋ kwoŋe. 6Yac moro jodonjo, jotweyo go gi suka to jotero go to joyiko go.
7Munyo hongo okadho ma romo sawa adek, cege bende odonjo ma k'oŋeyo gim'oyido nende otimere. 8Petero openjo go ni, “Waci ran, me oyido a gima in gi cworin wilimo gipi i gimewin?” Go odwoko ni, “Ey, meno won a welo mere.” 9Gikenyo Petero owaco rigo ni, “Raŋo ma in kodi cworin wiyiko paro ma temo Cuny Maleŋ? Neni! Joma jowok yiko cworin eno jokonjere dhiot, aka jobino tiŋin jowoterin woko bende!” 10Gikenyo won to dheno podho piny dho ka tiendi Petero to tho. Yac ca jodwoko, aka munyo jonwaŋo go otho, jotiŋo go bende to jokidho yiko go kabuti cwore. 11Kitipa pa jom'oyeyo gibe gi joman ma jowinjo gino lworo madwoŋ opoŋ kwoŋ jo.
Gidhier gi ranyuth ma gir'aura
12Jomoor jotimo ranyuth ma gir'aura madit i dier ji. Jom'oyeyo bin joromo i kalikondi pa Solomon. 13Ongoye ŋatimoro man ma k'obedo jakweth pajo m'otemo riwirok gi jo, kada ji oyido jomiyo jo dwoŋ. 14Kad'ameno welo pa cwo kodi mon ma jomedo yeyo Rwoth oidho malo mayot. 15Ranyuth m'omore kodi gir'aura otim i waŋ ji gi cingi Jomoor ma kiri jotwo bin itero jo i royo m'okare ma tindi to jobedo kenyo i kanindo kodi i par pajo munyo jogeno ni kada nyaka tipo pa Petero wogey jomegi kwoŋ jo ka go kadho kenyo. 16Ji bende jowok i tindi m'othoko Yerusalem to jocokere kenyo munyo jokelo jotwo kodi joma cuny m'ocido cando jo, aka joboth joje.
Lweny gi jomoor
17Gikenyo jadwoŋ pa jocway ri Were i wi migam kodi wadi je, ma kweth pa Josadukayo, jobedo gi nyeko madwoŋ ri jomoor. 18Jomako jomoor to joketho jo i od twec man kenyo. 19To i wor no, malaika pa Rwoth oyawo waŋkac ma od twec, to wodho woko jomoor, to waco rijo ni, 20“Kidhi win wicungi i Ot pa Were, aka wiwaci ri ji je kwoŋ kwo manyen me.” 21Munyo ŋamba oriedo, jomoor jodonjo i Ot pa Were to jocako fonji paka owaci rijo. Munyo jadwoŋ pa jocway ri Were i wi migam kodi wadi jotundo, jolwoŋo jotel pa Joyuda kanyacel bedo i romo m'opoŋ i kapido. Gikenyo odhiro wac i od twec nike wokel jomoor bongi jo. 22To munyo josirikale jotundo, jok'onwaŋo jomoor; gikenyo jogik to jodwoko wac ri jopido ni, 23“Munyo watundo i od twec wanwaŋo ocegi aka jokur je oyido jocungo kenyo; to munyo wayawo wakinwaŋo moro kad'acel iye.” 24Munyo jasirikale ma telo jokur ma Ot pa Were kodi jotel pa jocway ri Were i wi migam jowinjo gime, jodhier swa, kareno joparo kwoŋ gim'obedi ro wac no. 25Gikenyo dhano moro odonjo to waco rijo ni, “Neni win ji ma wirwako i od twec icade jocungo i Ot pa Were jofonjo ji.” 26Gikenyo jasirikale okadho gi ji pere to dwoko gi jomoor. Jok'oro meni, rupiri jolworo ni ji jonyalo goyo jo gi telin.
27Jorwako jomoor i ot to jomiyo jo cungo ruwaŋ kitipa pa jopido, to jadwoŋ pa jocway ri Were i wi migam osa jo ka waco ni, 28#Mat 27:25 “Nyoro waciko win ni wiŋuti ro meno, wikiri widok wifonji i nyingi ŋato, to kole onyo wipoŋo Yerusalem gibe gi fonji mewin, aka wimito ridho ni tho pa jame obedo gimarac mawan.” 29Petero gi jomoor man jodwoko ni, “Waripo winjo or pa Were makiweno apa ji. 30Were pa bacere wan ama ocerino Yesu ma wiguro kwoŋ yath to wineko. 31Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo. 32Kendo wan wabedo jokony i gigipiny me. Wa jokony kanyacel gi Cuny Maleŋ mic pa Were ri joma winjo or pere.”
33Munyo jokweth ma pido jowinjo gime jolimo nge mathoth to joridho nike woneki jomoor. 34To ŋat'acel kwoŋ jo m'ilwoŋo ni Gamaliel ma Jafarisayo, odoko jafonji ma Cik ma jomiyo dwoŋ swa, ocungo i pido, to oro jo wodho woko jomoor, ma hongo mathin, 35to waco ri jopido ni, “Joisiraili, gwokere win kwoŋ gima wiyenyo timo ri jome. 36I hongo m'okadho Thiodas okethere munyo ŋoyo ni go ŋatimoro madwoŋ; ji ma romo miya aŋwen joluwo go. To kole oneki go, to jom'oyido joluwo go jokedhere woko, to kitula pere rere woko. 37Rumacen, Yuda ma Jagalili bende owok kamaler i hongo ma kwano ji; go oywayo ji megi bonge to kole oneki go bende, to jom'oyido joluwo go jokedhere woko. 38Am'omiyo i wac pa jome, wikiri witim gimoro kwoŋ jo. Weyi win jo, rupiri ka atoŋa kodi tim pajo obedo yiko pa dhano, meno won bino rumo woko, 39to ka wok bongi Were wikibino nyalo geŋo jome. Winyalo poyo ni wilwenyo gi Were won.”
Jopido jowinjo rieko ma Gamaliel omiyo jo. 40Jolwoŋo jomoor no i ot, to jomiyo or ni wocwadi jo, aka jopiro jo ni kiri jowomedi luwo i nyingi Yesu, nyaka to jogonyo jo. 41Jomoor joeye i kapido gi kisangala madwoŋ ni Were oparo kwoŋ jo ni joripo limo acanda ma kite no i nyingi Yesu. 42Aka piny m'oyawere je jomedere gi fonjo ji Wac Manyen Maber ma Kwoŋ Yesu Kristo, i Ot pa Were kodi i pecin pa ji.
Nu markerat:
Tim pa Jomoor 5: DHOPE
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Dhopadhola DC Bible © Bible Society of Uganda, 2018.
Tim pa Jomoor 5
5
Anania kodi Safira
1To onwaŋo nitie nyatoro m'ilwoŋo ni Anania, gi cege ma nyinge Safira, ma jotana lowo pajo moro. 2To go okano pesa moro ma konyirok, aka cege oŋeyo gime, to m'odoŋ ama go otero ri jomoor. 3Petero owaco rigo ni, “Anania, raŋo m'iyeyo Sitan odonjo i cunyin to miyin itwodo ri Cuny Maleŋ to ikano adec ma pesa m'ilimo i lowo perin? 4Mafodi ikitana lowo no, onwaŋo k'obedo aperin? Aka munyo itieko kitana, pesa mere oyido k'obedo aperin? To raŋo ma iridho i cunyin nike itimi gima pameno? Ikiwondo ji to iwondo Were won!” 5Tekin Anania winjo gime, ogore piny to tho, aka dhano je m'owinjo gime, lworo opoŋ kwoŋe. 6Yac moro jodonjo, jotweyo go gi suka to jotero go to joyiko go.
7Munyo hongo okadho ma romo sawa adek, cege bende odonjo ma k'oŋeyo gim'oyido nende otimere. 8Petero openjo go ni, “Waci ran, me oyido a gima in gi cworin wilimo gipi i gimewin?” Go odwoko ni, “Ey, meno won a welo mere.” 9Gikenyo Petero owaco rigo ni, “Raŋo ma in kodi cworin wiyiko paro ma temo Cuny Maleŋ? Neni! Joma jowok yiko cworin eno jokonjere dhiot, aka jobino tiŋin jowoterin woko bende!” 10Gikenyo won to dheno podho piny dho ka tiendi Petero to tho. Yac ca jodwoko, aka munyo jonwaŋo go otho, jotiŋo go bende to jokidho yiko go kabuti cwore. 11Kitipa pa jom'oyeyo gibe gi joman ma jowinjo gino lworo madwoŋ opoŋ kwoŋ jo.
Gidhier gi ranyuth ma gir'aura
12Jomoor jotimo ranyuth ma gir'aura madit i dier ji. Jom'oyeyo bin joromo i kalikondi pa Solomon. 13Ongoye ŋatimoro man ma k'obedo jakweth pajo m'otemo riwirok gi jo, kada ji oyido jomiyo jo dwoŋ. 14Kad'ameno welo pa cwo kodi mon ma jomedo yeyo Rwoth oidho malo mayot. 15Ranyuth m'omore kodi gir'aura otim i waŋ ji gi cingi Jomoor ma kiri jotwo bin itero jo i royo m'okare ma tindi to jobedo kenyo i kanindo kodi i par pajo munyo jogeno ni kada nyaka tipo pa Petero wogey jomegi kwoŋ jo ka go kadho kenyo. 16Ji bende jowok i tindi m'othoko Yerusalem to jocokere kenyo munyo jokelo jotwo kodi joma cuny m'ocido cando jo, aka joboth joje.
Lweny gi jomoor
17Gikenyo jadwoŋ pa jocway ri Were i wi migam kodi wadi je, ma kweth pa Josadukayo, jobedo gi nyeko madwoŋ ri jomoor. 18Jomako jomoor to joketho jo i od twec man kenyo. 19To i wor no, malaika pa Rwoth oyawo waŋkac ma od twec, to wodho woko jomoor, to waco rijo ni, 20“Kidhi win wicungi i Ot pa Were, aka wiwaci ri ji je kwoŋ kwo manyen me.” 21Munyo ŋamba oriedo, jomoor jodonjo i Ot pa Were to jocako fonji paka owaci rijo. Munyo jadwoŋ pa jocway ri Were i wi migam kodi wadi jotundo, jolwoŋo jotel pa Joyuda kanyacel bedo i romo m'opoŋ i kapido. Gikenyo odhiro wac i od twec nike wokel jomoor bongi jo. 22To munyo josirikale jotundo, jok'onwaŋo jomoor; gikenyo jogik to jodwoko wac ri jopido ni, 23“Munyo watundo i od twec wanwaŋo ocegi aka jokur je oyido jocungo kenyo; to munyo wayawo wakinwaŋo moro kad'acel iye.” 24Munyo jasirikale ma telo jokur ma Ot pa Were kodi jotel pa jocway ri Were i wi migam jowinjo gime, jodhier swa, kareno joparo kwoŋ gim'obedi ro wac no. 25Gikenyo dhano moro odonjo to waco rijo ni, “Neni win ji ma wirwako i od twec icade jocungo i Ot pa Were jofonjo ji.” 26Gikenyo jasirikale okadho gi ji pere to dwoko gi jomoor. Jok'oro meni, rupiri jolworo ni ji jonyalo goyo jo gi telin.
27Jorwako jomoor i ot to jomiyo jo cungo ruwaŋ kitipa pa jopido, to jadwoŋ pa jocway ri Were i wi migam osa jo ka waco ni, 28#Mat 27:25 “Nyoro waciko win ni wiŋuti ro meno, wikiri widok wifonji i nyingi ŋato, to kole onyo wipoŋo Yerusalem gibe gi fonji mewin, aka wimito ridho ni tho pa jame obedo gimarac mawan.” 29Petero gi jomoor man jodwoko ni, “Waripo winjo or pa Were makiweno apa ji. 30Were pa bacere wan ama ocerino Yesu ma wiguro kwoŋ yath to wineko. 31Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo. 32Kendo wan wabedo jokony i gigipiny me. Wa jokony kanyacel gi Cuny Maleŋ mic pa Were ri joma winjo or pere.”
33Munyo jokweth ma pido jowinjo gime jolimo nge mathoth to joridho nike woneki jomoor. 34To ŋat'acel kwoŋ jo m'ilwoŋo ni Gamaliel ma Jafarisayo, odoko jafonji ma Cik ma jomiyo dwoŋ swa, ocungo i pido, to oro jo wodho woko jomoor, ma hongo mathin, 35to waco ri jopido ni, “Joisiraili, gwokere win kwoŋ gima wiyenyo timo ri jome. 36I hongo m'okadho Thiodas okethere munyo ŋoyo ni go ŋatimoro madwoŋ; ji ma romo miya aŋwen joluwo go. To kole oneki go, to jom'oyido joluwo go jokedhere woko, to kitula pere rere woko. 37Rumacen, Yuda ma Jagalili bende owok kamaler i hongo ma kwano ji; go oywayo ji megi bonge to kole oneki go bende, to jom'oyido joluwo go jokedhere woko. 38Am'omiyo i wac pa jome, wikiri witim gimoro kwoŋ jo. Weyi win jo, rupiri ka atoŋa kodi tim pajo obedo yiko pa dhano, meno won bino rumo woko, 39to ka wok bongi Were wikibino nyalo geŋo jome. Winyalo poyo ni wilwenyo gi Were won.”
Jopido jowinjo rieko ma Gamaliel omiyo jo. 40Jolwoŋo jomoor no i ot, to jomiyo or ni wocwadi jo, aka jopiro jo ni kiri jowomedi luwo i nyingi Yesu, nyaka to jogonyo jo. 41Jomoor joeye i kapido gi kisangala madwoŋ ni Were oparo kwoŋ jo ni joripo limo acanda ma kite no i nyingi Yesu. 42Aka piny m'oyawere je jomedere gi fonjo ji Wac Manyen Maber ma Kwoŋ Yesu Kristo, i Ot pa Were kodi i pecin pa ji.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Dhopadhola DC Bible © Bible Society of Uganda, 2018.