ᓗᒃ 4
4
ᒋᓴᔅ ᑲ ᑯᒂᒋᐊᑭᓄᐅᑦ
ᒪᑎᔪᐤ 4.1-11; ᒪᕐᒃ 1.12,13
Luke 4.1-13 (Lent-1 Year C)
1ᐊᓐᑕ ᒪᒃ ᒋᓴᔅ ᑲ ᐅᑐᑕᑦ ᒠᕐᑕᓐ ᓯᐱᒡ, ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᐊᑯ ᒂ ᐃᑐᑕᐃᑯᑦ ᐊᓐᑕ ᐸᐧᑯᑎᔅᑭᒥᑲᒡ᙮ 2ᐊᑯᑕ ᒪᒃ ᓇᐎᔪᐛᒋᓯᑲᐛ ᑲ ᑯᒂᒋᐃᑯᑦ ᒥᒋᒥᓂᑐᐛ᙮ ᐊᓂᔭ ᒪᒃ ᒪᒂᒡ ᑲ ᐃᔅᐱᔅ ᑕᑦ ᐊᓐᑕ ᓇᒪ ᐅᒋ ᒥᒍᐤ ᒐᒂᔪᐤ ᒋᓴᔅ᙮ ᒋ ᓯᐛᔪᐤ ᒪᒃ ᐃᔅᐱᔅ ᓇᐎᔪᐛᒋᓯᑲᐛ ᑲ ᑕᑦ ᐊᓐᑕ᙮
3ᒥᒋᒥᓂᑐᐛ ᒋ ᐃᑎᑯᐤ, “ᑕᑈ ᐊᓐ ᐊ ᐊᐎᓇ ᒋᓴᒪᓂᑐᐤ ᐅᑯᓴ, ᐃᑎᓱᐛ ᐅ ᐊᓯᓂᔾ ᒐᒋ ᐸᒂᓯᑭᓄᐅᑦ᙮”
4ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ,
ᓇᒪ ᒥᒄ ᐸᒂᓯᑭᓂᒡ ᒋᑭ ᒋ ᐅᒋ ᐱᒪᑎᓯᐤ ᐊᐛᓐ᙮”
5ᐊᑯ ᒥᒋᒥᓂᑐᐤ ᒂ ᐃᑐᑕᐊᑦ ᒋᓴᓴ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ, ᓯᔅᒋᑯᒡ ᒥᓯᐛ ᐅᒋᓴᐅᒋᒪᐅᓇ ᐊ ᐃᑕᑎᓂᔨᒋ ᒂ ᐛᐸᑎᔭᑦ ᐅᑕ ᐊᔅᒋᒡ ᐊ ᐃᓯ ᑎᑯᓂᔨᒋ᙮ 6ᐊᑯ ᒂ ᐃᑕᑦ, “ᒥᓯᐛ ᒋᑭ ᐱᔅᑎᓂᒪᑎᓐ ᒐᒋ ᑎᐸᔨᒋᒐᔨᓐ ᐅᑕ ᐅᔭ ᒋᓴᐅᒋᒪᐅᓇ ᑭᔭ ᒥᓯᐛ ᐊᓐ ᐛᔪᑎᓯᐅᓐ ᒐᒋ ᑎᐸᔨᑎᒥᓐ᙮ ᓂᔾ ᒥᓯᐛ ᓂᒋ ᐱᔅᑎᓂᒪᑯᐅᓐ, ᑭᔭ ᒥᒄ ᐊᐛᓐ ᐛ ᒥᔨᒃ ᓂᑭ ᒋ ᒥᔭᐤ᙮ 7ᐊᐅᒄ ᒪᒃ ᐅ ᒥᓯᐛ ᒐ ᐃᓯ ᑎᐱᔨᐛᐅᓯᔨᓐ ᐸᒋ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”
8ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”
9ᐊᑯ ᒪᒃ ᒥᒋᒥᓂᑐᐤ ᒂ ᐃᑐᑕᐊᑦ ᒋᓴᓴ ᒋᕈᓯᓕᒥᒡ ᐊᑯ ᒂ ᐊᑯᓯᑕᐊᑦ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐊᑐᑕᐊᑦ᙮ ᐊᑯ ᐊᑕᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐊᒥᒂᔅᑯᑎ, 10ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋᓴᒪᓂᑐᐤ ᒋᑭ ᐃᑎᓱᐛᑕᐤ ᐅᑦ ᐊᓐᒋᓇᒪ ᒐᒋ ᒥᔪ ᑭᓄᐛᔨᒥᔅᒋᔨᔅᒋ᙮
11ᐊᓐᒋᓐᒡ ᒋᑭ ᑕᐧᑯᓂᑯᒡ ᐊᑲ ᐛᐛᒡ ᒐ ᐊᑲ ᒋ ᐅᓯᑯᑕᔨᓐ ᒋᓯᑦ᙮”
ᐊᔪᐅᒄ ᐅᔭ ᑲ ᐃᑕᑦ ᒥᒋᒥᓂᑐᐤ ᐊᓂᔭ ᒋᓴᓴ᙮
12ᒋᓴᔅ ᒪᒃ ᒋ ᐃᓯ ᐎᑎᒧᐛᐤ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓇᒪ ᒋᐸ ᐅᒋ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”
13ᐃᔅᐱ ᒪᒃ ᒥᒋᒥᓂᑐᐤ ᒥᓯᐛ ᑲ ᐃᓯ ᑯᒂᒋᐊᑦ ᒋᓴᓴ ᐛᐃᐱᔅᒋᔅ ᒋ ᓂᑭᑕᐤ᙮
ᒋᓴᔅ ᑲ ᒋᒋᐱᔨᑦ ᐊ ᑭᒐᔅᒋᒧᑦ ᑲᓕᓕᒡ
ᒪᑎᔪᐤ 4.12-17; ᒪᕐᒃ 1.14,15
Luke 4.14-21 (Epiphany-3 Year C)
14ᐊᑯ ᒋᓴᔅ ᑲᐤ ᒂ ᐃᓯ ᒋᐛᑦ ᐊᓐᑕ ᑲᓕᓕ ᐊᔅᒋᒡ ᐊᒐᐧᑯ ᓱᐧᑲᑎᓯᐅᓂᔪᐤ ᐊ ᓴᑭᔅᒋᓇᔅᑲᑯᑦ᙮ ᒋ ᑭᑎᐸᒋᒪᑭᓄᐤ ᒪᒃ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᓐᑕ ᐃᑕᒐ᙮ 15ᒋ ᒋᔅᑯᑎᒪᒐᐤ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᐛᔪᐛ ᒋ ᒋᔅᑕᒋᒥᑯᐤ᙮
ᒋᓴᔅ ᑲ ᐊᑐᐛᔨᒪᑭᓄᐅᑦ ᐊᓐᑕ ᓇᓴᕆᑎᒡ
ᒪᑎᔪᐤ 13.53-58; ᒪᕐᒃ 6.1-6
16ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮ 17ᐊᑯ ᑲ ᒥᔭᑭᓄᐅᑦ ᐊᓂᔭ ᒥᓯᓇᐃᑭᓂᔪᐤ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐅᓯᑕᒂ᙮ ᒋ ᐸᔅᒐᔪᒋᓂᒻ ᐊᑯ ᒂ ᐃᔨᒥᑕᑦ ᐊᓐᑕ ᐊᑎᔅᑕᔨᒡ,
18“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮
ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮
ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮
19ᑭᔭ ᓂᒋ ᐸᒋ ᐃᑎᓴᐅᑯᐅᓐ ᒐᒋ ᐎᑎᒪᓐ ᐊᓂᔭ ᐊ ᐱᐳᓂᔨᒡ ᐅᑎᐸᔨᒋᒐᐤ ᒐ ᐱᒪᒋᐊᑦ ᐅᑦ ᐃᔨᒪ᙮”
20ᐊᑯ ᒋᓴᔅ ᒂ ᐊᑎ ᒋᐸᐊᐧᒃ ᐊᓂᔭ ᒥᓯᓇᐃᑭᓂᔪᐤ, ᒂ ᒥᔭᑦ ᐊᓂᔭ ᐸᐃᒄ ᓇᐸᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᑲ ᐛᐎᒋᐃᐛᔨᒋ᙮ ᒂ ᐊᑎ ᓇᐊᐃᐱᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᐊᓐᑕ ᐊᔭᒥᐊᐅᒋᐛᐱᒡ ᑲ ᑕᒡ ᓇᔅᒡ ᒋ ᑭᓄᐛᐱᒪᐅᒡ ᐊᓂᔭ ᒋᓴᓴ᙮
Luke 4.21-30 (Epiphany-4 Year C)
21ᐊᑯ ᐊᑕᑦ, “ᐅ ᑲ ᐃᓯ ᐸᑎᒪᒄ ᐊ ᐃᔨᒥᑕᔭᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᒋᐱᔪᐤ ᐊᓄᒡ ᒐᓯᑲᒡ᙮” 22ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”
23ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”
24“ᒥᒄ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᑲ ᐅᒋᔅᒋᐛᐃᒐᓱᐅᑦ, ᓇᒪ ᐊᐱᑕᔨᒪᑭᓄᐤ ᐊᓐᑕ ᐊᓂᔭ ᐅᑕᓇᔪᐤ ᑲ ᓂᑕᐅᒋᑦ᙮ 25ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮ 26ᐊᓐᑕ ᒪᒃ ᓴᕆᐸᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓴᐃᑐᓐ ᐊᔅᒋᒡ ᑲ ᑎᒂᒡ, ᒋ ᑕᐤ ᐊᓐᑕ ᐃᔎᐤ ᐊ ᐸᐃᑯᓯᑦ᙮ ᐊᑯᑕ ᑲ ᐃᑎᓴᐛᑭᓄᐅᑦ ᐃᓚᐃᒐ ᐊᓂᔭ ᐃᔎᐛ ᒐᒋ ᐎᒋᐊᑦ᙮ 27ᑭᔭ ᒪᒂᒡ ᐊᔅᒄ ᐊᒋ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ᐃᓯᓂᐧᑲᓱᑦ ᒋ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ᐅᒋᑦ᙮”
ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ᓂᑐᑕᑯᑦ᙮
28ᐊᓐᒡ ᒪᒃ ᐃᔪᒡ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ ᑲ ᑕᒡ ᐃᔅᐱ ᐱᔭᑐᐛᒡ ᒋᓴᓴ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎ ᒋᔄᓱᐅᒡ᙮ 29ᐊᑯ ᒂ ᐱᓯᑯᒡ ᒂ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ᑎᑯᓂᔪᐤ ᐊ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ᐃᑐᑕᐊᒡ ᐊᒋ ᐎ ᐊᒧᐛᐱᓇᒡ᙮ 30ᒥᒄ ᒪᒃ ᒋᓴᔅ ᒋ ᔅᑐᑕᐤ ᐊ ᐊᑎ ᓴᐳᑐᐛᔅᑯᐛᑦ ᐊᓂᔭᔪᐛ ᐃᔪᐛ᙮
ᒋᓴᔅ ᑲ ᐎᐎᑎᓴᐛᑦ ᒥᒋ ᐊᒐᒂ
ᒪᕐᒃ 1.21-28
31ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᒂ ᒋᔅᑯᑎᒧᐛᑦ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ 32ᒥᓯᐛ ᒋ ᒥᔅᑲᓯᑎᒧᒡ ᐊᓐᒡ ᐃᔪᒡ ᐊᓂᔭ ᑲ ᐃᓯ ᒋᔅᑯᑎᒪᒐᔨᒋ ᑲ ᐃᔅᐱᔅ ᓱᒐᔨᑕᑯᓂᔨᒡ ᐅᑦ ᐃᔨᒧᐅᓂᔪᐤ᙮ 33ᒋ ᑕᐤ ᒪᒃ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐤ ᐊ ᐱᒋᔅᑲᑯᑦ ᒥᒋ ᐊᒐᒂ, ᒋ ᐃᓯ ᑕᑈᐤ ᒪᒃ, 34“ᑕᓐ ᐛ ᐃᓯᐧᑯᔭᒡ ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ ? ᒋ ᐎ ᓂᓱᐅᓇᒋᐃᓇᓐ ᐊ ᐛᒋ ᑎᑯᓯᓂᔨᓐ ? ᒋ ᒋᔅᒐᔨᒥᑎᓇᓐ ᐊᐛᓐ ᒋᔾ᙮ ᒋᔾ ᑲ ᑎᐸᓇᐃᔅᒃ ᒋᓴᒪᓂᑐᐤ ᒐᒋ ᐊᐱᒋᐃᔅᒃ᙮”
35ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮
36ᑕᑈ ᒪᒃ ᒋ ᒥᔅᑲᑕᔨᑎᒧᒡ ᒥᓯᐛ ᐊᓐᒡ ᑲ ᑭᓄᐛᐱᒡ ᐊ ᐃᔅᒋᔄᒡ, “ᒐᒄ ᐃᔨᒧᐅᓂᔪᐤ ᐅᔭᔪᐤ ᑲ ᐊᐱᒋᑕᑦ ? ᑕᑈ ᓱᒋᐱᔪᐤ ᐅᑦ ᐃᔨᒧᐅᓐ ᑭᔭ ᑕᑈ ᐊᔪᐛᒃ ᐅᒋᒪᐛᔨᑕᑯᓱᐤ ᒥᒄ ᐊ ᐃᓯ ᐎᐎᔨᒋ ᒥᒋ ᐊᒐᒂ ᐊ ᐎᐎᑎᓴᐛᑦ᙮” 37ᐊᑯ ᒪᒃ ᒂ ᐊᑎ ᑎᑎᐸᒋᒪᒡ ᒋᓴᓴ ᐊᓐᑕ ᐊᓂᔭ ᐊᔅᒋᔪᐤ᙮
ᒥᒐᑦ ᐃᔪᐛ ᑲ ᒥᓏᒋᐊᑦ ᒋᓴᔅ
ᒪᑎᔪᐤ 8.14-17; ᒪᕐᒃ 1.29-34
38ᒋᓴᔅ ᒂ ᐎᐎᑦ ᐊᓂᔭ ᐊᔭᒥᐊᐅᒋᐛᐱᔪᐤ, ᐊᑯ ᐊᓐᑕ ᓴᐃᒥᓐ ᐱᑕᕋ ᐎᒋᔨᒡ ᒂ ᐃᑐᑕᑦ᙮ ᓴᐃᒥᓐ ᐱᑕᕐ ᒪᒃ ᐅᓯᑯᓴ ᒋ ᐊᐧᑯᓯᔪᐛ ᑲ ᒋᓯᑕᐅᐱᐃᓇᓄᐎᒡ ᐊᒋ ᐊᔭᔨᒋ᙮ ᒋ ᓂᑐᑎᒧᐛᐅᒡ ᒋᓴᓴ ᒐᒋ ᒥᓏᒋᐊᔨᒋ᙮ 39ᒋᓴᔅ ᒪᒃ ᒋ ᓄᐛᑲᐳᐤ ᐊᓐᑕ ᐃᔅ ᐊ ᑕᔨᒋ ᐊᓂᔭ ᐃᔎᐛ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᒋᓯᑕᐅᐱᐃᓇᓄᐎᒡ ᒐᒋ ᓂᑭᑎᑯᔨᒋ᙮ ᑎᐛᒡ ᒪᒃ ᒋ ᓂᑭᑎᑯᔪᐛ, ᒂ ᐅᓂᑦ ᐊᓐ ᐃᔎᐤ ᒂ ᐊᑎ ᐱᐱᒥᓄᐅᑕᑦ ᐊᐛᔪᐛ᙮
40ᐃᔅᐱ ᒪᒃ ᑲ ᐸᒋᓯᒧᔨᒋ ᐱᓯᒺ, ᐊᐛᓐᒋ ᒋ ᐸᑐᐛᐅᒡ ᒋᓴᓴ ᒥᓯᐛ ᐊᐛᔪᐛ ᐊ ᐊᐧᑯᓯᔨᒋ, ᓂᓇᐧᑯᐤ ᐊ ᐃᑕᔅᐱᓇᔨᒋ᙮ ᒋᓴᔅ ᒪᒃ ᒋ ᓴᒥᓇᐤ ᒥᓯᐛ ᐊᓂᔭ ᑲ ᐊᐧᑯᓯᔨᒋ, ᒂ ᒥᓏᒋᐊᑦ᙮ 41ᒥᒐᑦ ᒪᒃ ᐃᔪᒡ ᒋ ᐎᐎᔅᑲᑯᐅᒡ ᒥᒋ ᐊᒐᒂ ᐊ ᐃᓯ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ᒋᔅᒐᔨᒥᑯᐤ ᐎᔾ ᐊ ᐊᐎᑦ ᙭᙮
ᒋᓴᔅ ᑲ ᑭᒐᔅᒋᒧᑦ ᒍᑎᔭᒡ
ᒪᕐᒃ 1.35-39
42ᐃᔅᐱ ᒪᒃ ᐱᔭᑕᐱᓂᔨᒡ ᒋᓴᔅ ᒋ ᐃᑐᑕᐤ ᐊᓐᑕ ᐊᑲ ᐃᑕᓄᐎᒡ᙮ ᒋ ᑕᐅᒡ ᒪᒃ ᐊᐛᓐᒋ ᐊ ᓇᓂᑐᐛᐱᒪᒡ ᒋᓴᓴ᙮ ᐃᔅᐱ ᒪᒃ ᑲ ᒥᔅᑯᐛᒡ ᒋ ᐎ ᓯᒋᒪᐅᒡ ᒐ ᐊᑲ ᒋ ᓂᑭᑎᑯᒡ᙮ 43ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐛᔅ ᐊᓐ ᓂᐸ ᑭᒐᔅᒋᒧᓐ ᑭᔭ ᐊᓐᑕ ᑯᑎᑲ ᐅᑕᓇᐛ ᐅ ᒥᔽᒋᒧᐅᓐ ᐊ ᐛᐎᑎᒪᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐛᔅ ᐊᔪᐅᒄ ᐅᔭ ᐛᒋ ᐸᒋ ᐃᑎᓴᐅᑦ ᒋᓴᒪᓂᑐᐤ᙮”
44ᒋ ᑭᒐᔅᒋᒧᐤ ᒪᒃ ᓂᓇᐧᑯᐤ ᐊᔭᒥᐊᐅᒋᐛᐱᒡ ᒥᓯᐛ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒋ᙮
Nu markerat:
ᓗᒃ 4: ᓇᔅᑲᐱ
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᓗᒃ 4
4
ᒋᓴᔅ ᑲ ᑯᒂᒋᐊᑭᓄᐅᑦ
ᒪᑎᔪᐤ 4.1-11; ᒪᕐᒃ 1.12,13
Luke 4.1-13 (Lent-1 Year C)
1ᐊᓐᑕ ᒪᒃ ᒋᓴᔅ ᑲ ᐅᑐᑕᑦ ᒠᕐᑕᓐ ᓯᐱᒡ, ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᐊᑯ ᒂ ᐃᑐᑕᐃᑯᑦ ᐊᓐᑕ ᐸᐧᑯᑎᔅᑭᒥᑲᒡ᙮ 2ᐊᑯᑕ ᒪᒃ ᓇᐎᔪᐛᒋᓯᑲᐛ ᑲ ᑯᒂᒋᐃᑯᑦ ᒥᒋᒥᓂᑐᐛ᙮ ᐊᓂᔭ ᒪᒃ ᒪᒂᒡ ᑲ ᐃᔅᐱᔅ ᑕᑦ ᐊᓐᑕ ᓇᒪ ᐅᒋ ᒥᒍᐤ ᒐᒂᔪᐤ ᒋᓴᔅ᙮ ᒋ ᓯᐛᔪᐤ ᒪᒃ ᐃᔅᐱᔅ ᓇᐎᔪᐛᒋᓯᑲᐛ ᑲ ᑕᑦ ᐊᓐᑕ᙮
3ᒥᒋᒥᓂᑐᐛ ᒋ ᐃᑎᑯᐤ, “ᑕᑈ ᐊᓐ ᐊ ᐊᐎᓇ ᒋᓴᒪᓂᑐᐤ ᐅᑯᓴ, ᐃᑎᓱᐛ ᐅ ᐊᓯᓂᔾ ᒐᒋ ᐸᒂᓯᑭᓄᐅᑦ᙮”
4ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ,
ᓇᒪ ᒥᒄ ᐸᒂᓯᑭᓂᒡ ᒋᑭ ᒋ ᐅᒋ ᐱᒪᑎᓯᐤ ᐊᐛᓐ᙮”
5ᐊᑯ ᒥᒋᒥᓂᑐᐤ ᒂ ᐃᑐᑕᐊᑦ ᒋᓴᓴ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ, ᓯᔅᒋᑯᒡ ᒥᓯᐛ ᐅᒋᓴᐅᒋᒪᐅᓇ ᐊ ᐃᑕᑎᓂᔨᒋ ᒂ ᐛᐸᑎᔭᑦ ᐅᑕ ᐊᔅᒋᒡ ᐊ ᐃᓯ ᑎᑯᓂᔨᒋ᙮ 6ᐊᑯ ᒂ ᐃᑕᑦ, “ᒥᓯᐛ ᒋᑭ ᐱᔅᑎᓂᒪᑎᓐ ᒐᒋ ᑎᐸᔨᒋᒐᔨᓐ ᐅᑕ ᐅᔭ ᒋᓴᐅᒋᒪᐅᓇ ᑭᔭ ᒥᓯᐛ ᐊᓐ ᐛᔪᑎᓯᐅᓐ ᒐᒋ ᑎᐸᔨᑎᒥᓐ᙮ ᓂᔾ ᒥᓯᐛ ᓂᒋ ᐱᔅᑎᓂᒪᑯᐅᓐ, ᑭᔭ ᒥᒄ ᐊᐛᓐ ᐛ ᒥᔨᒃ ᓂᑭ ᒋ ᒥᔭᐤ᙮ 7ᐊᐅᒄ ᒪᒃ ᐅ ᒥᓯᐛ ᒐ ᐃᓯ ᑎᐱᔨᐛᐅᓯᔨᓐ ᐸᒋ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”
8ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”
9ᐊᑯ ᒪᒃ ᒥᒋᒥᓂᑐᐤ ᒂ ᐃᑐᑕᐊᑦ ᒋᓴᓴ ᒋᕈᓯᓕᒥᒡ ᐊᑯ ᒂ ᐊᑯᓯᑕᐊᑦ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐊᑐᑕᐊᑦ᙮ ᐊᑯ ᐊᑕᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐊᒥᒂᔅᑯᑎ, 10ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋᓴᒪᓂᑐᐤ ᒋᑭ ᐃᑎᓱᐛᑕᐤ ᐅᑦ ᐊᓐᒋᓇᒪ ᒐᒋ ᒥᔪ ᑭᓄᐛᔨᒥᔅᒋᔨᔅᒋ᙮
11ᐊᓐᒋᓐᒡ ᒋᑭ ᑕᐧᑯᓂᑯᒡ ᐊᑲ ᐛᐛᒡ ᒐ ᐊᑲ ᒋ ᐅᓯᑯᑕᔨᓐ ᒋᓯᑦ᙮”
ᐊᔪᐅᒄ ᐅᔭ ᑲ ᐃᑕᑦ ᒥᒋᒥᓂᑐᐤ ᐊᓂᔭ ᒋᓴᓴ᙮
12ᒋᓴᔅ ᒪᒃ ᒋ ᐃᓯ ᐎᑎᒧᐛᐤ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓇᒪ ᒋᐸ ᐅᒋ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”
13ᐃᔅᐱ ᒪᒃ ᒥᒋᒥᓂᑐᐤ ᒥᓯᐛ ᑲ ᐃᓯ ᑯᒂᒋᐊᑦ ᒋᓴᓴ ᐛᐃᐱᔅᒋᔅ ᒋ ᓂᑭᑕᐤ᙮
ᒋᓴᔅ ᑲ ᒋᒋᐱᔨᑦ ᐊ ᑭᒐᔅᒋᒧᑦ ᑲᓕᓕᒡ
ᒪᑎᔪᐤ 4.12-17; ᒪᕐᒃ 1.14,15
Luke 4.14-21 (Epiphany-3 Year C)
14ᐊᑯ ᒋᓴᔅ ᑲᐤ ᒂ ᐃᓯ ᒋᐛᑦ ᐊᓐᑕ ᑲᓕᓕ ᐊᔅᒋᒡ ᐊᒐᐧᑯ ᓱᐧᑲᑎᓯᐅᓂᔪᐤ ᐊ ᓴᑭᔅᒋᓇᔅᑲᑯᑦ᙮ ᒋ ᑭᑎᐸᒋᒪᑭᓄᐤ ᒪᒃ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᓐᑕ ᐃᑕᒐ᙮ 15ᒋ ᒋᔅᑯᑎᒪᒐᐤ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᐛᔪᐛ ᒋ ᒋᔅᑕᒋᒥᑯᐤ᙮
ᒋᓴᔅ ᑲ ᐊᑐᐛᔨᒪᑭᓄᐅᑦ ᐊᓐᑕ ᓇᓴᕆᑎᒡ
ᒪᑎᔪᐤ 13.53-58; ᒪᕐᒃ 6.1-6
16ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮ 17ᐊᑯ ᑲ ᒥᔭᑭᓄᐅᑦ ᐊᓂᔭ ᒥᓯᓇᐃᑭᓂᔪᐤ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐅᓯᑕᒂ᙮ ᒋ ᐸᔅᒐᔪᒋᓂᒻ ᐊᑯ ᒂ ᐃᔨᒥᑕᑦ ᐊᓐᑕ ᐊᑎᔅᑕᔨᒡ,
18“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮
ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮
ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮
19ᑭᔭ ᓂᒋ ᐸᒋ ᐃᑎᓴᐅᑯᐅᓐ ᒐᒋ ᐎᑎᒪᓐ ᐊᓂᔭ ᐊ ᐱᐳᓂᔨᒡ ᐅᑎᐸᔨᒋᒐᐤ ᒐ ᐱᒪᒋᐊᑦ ᐅᑦ ᐃᔨᒪ᙮”
20ᐊᑯ ᒋᓴᔅ ᒂ ᐊᑎ ᒋᐸᐊᐧᒃ ᐊᓂᔭ ᒥᓯᓇᐃᑭᓂᔪᐤ, ᒂ ᒥᔭᑦ ᐊᓂᔭ ᐸᐃᒄ ᓇᐸᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᑲ ᐛᐎᒋᐃᐛᔨᒋ᙮ ᒂ ᐊᑎ ᓇᐊᐃᐱᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᐊᓐᑕ ᐊᔭᒥᐊᐅᒋᐛᐱᒡ ᑲ ᑕᒡ ᓇᔅᒡ ᒋ ᑭᓄᐛᐱᒪᐅᒡ ᐊᓂᔭ ᒋᓴᓴ᙮
Luke 4.21-30 (Epiphany-4 Year C)
21ᐊᑯ ᐊᑕᑦ, “ᐅ ᑲ ᐃᓯ ᐸᑎᒪᒄ ᐊ ᐃᔨᒥᑕᔭᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᒋᐱᔪᐤ ᐊᓄᒡ ᒐᓯᑲᒡ᙮” 22ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”
23ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”
24“ᒥᒄ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᑲ ᐅᒋᔅᒋᐛᐃᒐᓱᐅᑦ, ᓇᒪ ᐊᐱᑕᔨᒪᑭᓄᐤ ᐊᓐᑕ ᐊᓂᔭ ᐅᑕᓇᔪᐤ ᑲ ᓂᑕᐅᒋᑦ᙮ 25ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮ 26ᐊᓐᑕ ᒪᒃ ᓴᕆᐸᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓴᐃᑐᓐ ᐊᔅᒋᒡ ᑲ ᑎᒂᒡ, ᒋ ᑕᐤ ᐊᓐᑕ ᐃᔎᐤ ᐊ ᐸᐃᑯᓯᑦ᙮ ᐊᑯᑕ ᑲ ᐃᑎᓴᐛᑭᓄᐅᑦ ᐃᓚᐃᒐ ᐊᓂᔭ ᐃᔎᐛ ᒐᒋ ᐎᒋᐊᑦ᙮ 27ᑭᔭ ᒪᒂᒡ ᐊᔅᒄ ᐊᒋ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ᐃᓯᓂᐧᑲᓱᑦ ᒋ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ᐅᒋᑦ᙮”
ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ᓂᑐᑕᑯᑦ᙮
28ᐊᓐᒡ ᒪᒃ ᐃᔪᒡ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ ᑲ ᑕᒡ ᐃᔅᐱ ᐱᔭᑐᐛᒡ ᒋᓴᓴ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎ ᒋᔄᓱᐅᒡ᙮ 29ᐊᑯ ᒂ ᐱᓯᑯᒡ ᒂ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ᑎᑯᓂᔪᐤ ᐊ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ᐃᑐᑕᐊᒡ ᐊᒋ ᐎ ᐊᒧᐛᐱᓇᒡ᙮ 30ᒥᒄ ᒪᒃ ᒋᓴᔅ ᒋ ᔅᑐᑕᐤ ᐊ ᐊᑎ ᓴᐳᑐᐛᔅᑯᐛᑦ ᐊᓂᔭᔪᐛ ᐃᔪᐛ᙮
ᒋᓴᔅ ᑲ ᐎᐎᑎᓴᐛᑦ ᒥᒋ ᐊᒐᒂ
ᒪᕐᒃ 1.21-28
31ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᒂ ᒋᔅᑯᑎᒧᐛᑦ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ 32ᒥᓯᐛ ᒋ ᒥᔅᑲᓯᑎᒧᒡ ᐊᓐᒡ ᐃᔪᒡ ᐊᓂᔭ ᑲ ᐃᓯ ᒋᔅᑯᑎᒪᒐᔨᒋ ᑲ ᐃᔅᐱᔅ ᓱᒐᔨᑕᑯᓂᔨᒡ ᐅᑦ ᐃᔨᒧᐅᓂᔪᐤ᙮ 33ᒋ ᑕᐤ ᒪᒃ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐤ ᐊ ᐱᒋᔅᑲᑯᑦ ᒥᒋ ᐊᒐᒂ, ᒋ ᐃᓯ ᑕᑈᐤ ᒪᒃ, 34“ᑕᓐ ᐛ ᐃᓯᐧᑯᔭᒡ ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ ? ᒋ ᐎ ᓂᓱᐅᓇᒋᐃᓇᓐ ᐊ ᐛᒋ ᑎᑯᓯᓂᔨᓐ ? ᒋ ᒋᔅᒐᔨᒥᑎᓇᓐ ᐊᐛᓐ ᒋᔾ᙮ ᒋᔾ ᑲ ᑎᐸᓇᐃᔅᒃ ᒋᓴᒪᓂᑐᐤ ᒐᒋ ᐊᐱᒋᐃᔅᒃ᙮”
35ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮
36ᑕᑈ ᒪᒃ ᒋ ᒥᔅᑲᑕᔨᑎᒧᒡ ᒥᓯᐛ ᐊᓐᒡ ᑲ ᑭᓄᐛᐱᒡ ᐊ ᐃᔅᒋᔄᒡ, “ᒐᒄ ᐃᔨᒧᐅᓂᔪᐤ ᐅᔭᔪᐤ ᑲ ᐊᐱᒋᑕᑦ ? ᑕᑈ ᓱᒋᐱᔪᐤ ᐅᑦ ᐃᔨᒧᐅᓐ ᑭᔭ ᑕᑈ ᐊᔪᐛᒃ ᐅᒋᒪᐛᔨᑕᑯᓱᐤ ᒥᒄ ᐊ ᐃᓯ ᐎᐎᔨᒋ ᒥᒋ ᐊᒐᒂ ᐊ ᐎᐎᑎᓴᐛᑦ᙮” 37ᐊᑯ ᒪᒃ ᒂ ᐊᑎ ᑎᑎᐸᒋᒪᒡ ᒋᓴᓴ ᐊᓐᑕ ᐊᓂᔭ ᐊᔅᒋᔪᐤ᙮
ᒥᒐᑦ ᐃᔪᐛ ᑲ ᒥᓏᒋᐊᑦ ᒋᓴᔅ
ᒪᑎᔪᐤ 8.14-17; ᒪᕐᒃ 1.29-34
38ᒋᓴᔅ ᒂ ᐎᐎᑦ ᐊᓂᔭ ᐊᔭᒥᐊᐅᒋᐛᐱᔪᐤ, ᐊᑯ ᐊᓐᑕ ᓴᐃᒥᓐ ᐱᑕᕋ ᐎᒋᔨᒡ ᒂ ᐃᑐᑕᑦ᙮ ᓴᐃᒥᓐ ᐱᑕᕐ ᒪᒃ ᐅᓯᑯᓴ ᒋ ᐊᐧᑯᓯᔪᐛ ᑲ ᒋᓯᑕᐅᐱᐃᓇᓄᐎᒡ ᐊᒋ ᐊᔭᔨᒋ᙮ ᒋ ᓂᑐᑎᒧᐛᐅᒡ ᒋᓴᓴ ᒐᒋ ᒥᓏᒋᐊᔨᒋ᙮ 39ᒋᓴᔅ ᒪᒃ ᒋ ᓄᐛᑲᐳᐤ ᐊᓐᑕ ᐃᔅ ᐊ ᑕᔨᒋ ᐊᓂᔭ ᐃᔎᐛ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᒋᓯᑕᐅᐱᐃᓇᓄᐎᒡ ᒐᒋ ᓂᑭᑎᑯᔨᒋ᙮ ᑎᐛᒡ ᒪᒃ ᒋ ᓂᑭᑎᑯᔪᐛ, ᒂ ᐅᓂᑦ ᐊᓐ ᐃᔎᐤ ᒂ ᐊᑎ ᐱᐱᒥᓄᐅᑕᑦ ᐊᐛᔪᐛ᙮
40ᐃᔅᐱ ᒪᒃ ᑲ ᐸᒋᓯᒧᔨᒋ ᐱᓯᒺ, ᐊᐛᓐᒋ ᒋ ᐸᑐᐛᐅᒡ ᒋᓴᓴ ᒥᓯᐛ ᐊᐛᔪᐛ ᐊ ᐊᐧᑯᓯᔨᒋ, ᓂᓇᐧᑯᐤ ᐊ ᐃᑕᔅᐱᓇᔨᒋ᙮ ᒋᓴᔅ ᒪᒃ ᒋ ᓴᒥᓇᐤ ᒥᓯᐛ ᐊᓂᔭ ᑲ ᐊᐧᑯᓯᔨᒋ, ᒂ ᒥᓏᒋᐊᑦ᙮ 41ᒥᒐᑦ ᒪᒃ ᐃᔪᒡ ᒋ ᐎᐎᔅᑲᑯᐅᒡ ᒥᒋ ᐊᒐᒂ ᐊ ᐃᓯ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ᒋᔅᒐᔨᒥᑯᐤ ᐎᔾ ᐊ ᐊᐎᑦ ᙭᙮
ᒋᓴᔅ ᑲ ᑭᒐᔅᒋᒧᑦ ᒍᑎᔭᒡ
ᒪᕐᒃ 1.35-39
42ᐃᔅᐱ ᒪᒃ ᐱᔭᑕᐱᓂᔨᒡ ᒋᓴᔅ ᒋ ᐃᑐᑕᐤ ᐊᓐᑕ ᐊᑲ ᐃᑕᓄᐎᒡ᙮ ᒋ ᑕᐅᒡ ᒪᒃ ᐊᐛᓐᒋ ᐊ ᓇᓂᑐᐛᐱᒪᒡ ᒋᓴᓴ᙮ ᐃᔅᐱ ᒪᒃ ᑲ ᒥᔅᑯᐛᒡ ᒋ ᐎ ᓯᒋᒪᐅᒡ ᒐ ᐊᑲ ᒋ ᓂᑭᑎᑯᒡ᙮ 43ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐛᔅ ᐊᓐ ᓂᐸ ᑭᒐᔅᒋᒧᓐ ᑭᔭ ᐊᓐᑕ ᑯᑎᑲ ᐅᑕᓇᐛ ᐅ ᒥᔽᒋᒧᐅᓐ ᐊ ᐛᐎᑎᒪᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐛᔅ ᐊᔪᐅᒄ ᐅᔭ ᐛᒋ ᐸᒋ ᐃᑎᓴᐅᑦ ᒋᓴᒪᓂᑐᐤ᙮”
44ᒋ ᑭᒐᔅᒋᒧᐤ ᒪᒃ ᓂᓇᐧᑯᐤ ᐊᔭᒥᐊᐅᒋᐛᐱᒡ ᒥᓯᐛ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒋ᙮
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada