ᓗᒃ 8
8
ᐊᓐᒡ ᐃᔎᐅᒡ ᒋᓴᓴ ᑲᒋ ᐱᐸᐎᒐᐛᒡ
1ᐃᔅᐱ ᒪᒃ ᑲᒋ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ᐅᑎᒋᐱᔨᒡ᙮ ᒋ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮ 2ᐃᔎᐅᒡ ᑭᔭ ᒋ ᐱᐸᐎᒐᐛᐅᒡ, ᐊᓐᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᒡ ᐅᒡ᙮ ᑭᔭ ᐊᓐᒡ ᐊᒋ ᒥᓏᒋᐊᑭᓄᐎᒡ ᓂᓇᐧᑯᐤ ᐃᑕᔅᐱᓇᐅᓇ᙮ ᐊᐅᒄ ᐸᐃᒄ ᒪᕆ ᒪᒃᑕᓕᓐ, ᐊᓐ ᐃᔎᐤ ᓂᔄᐅᑕᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᑦ ᐅᒡ᙮ 3ᑭᔭ ᒍᐛᓇ ᒋ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ᐃᓯᓂᐧᑲᓱᔪᐛ ᐅᓇᐸᒪ, ᒋ ᑎᐸᔨᒪᐤ ᑲ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ᐊᐱᒋᑕᐅᒡ ᐅᒡ ᐃᔎᐅᒡ ᐊ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮
ᓇᐸᐤ ᑲᓂᑕᐅᒋᑕᑭᓂᒐᑦ
ᒪᑎᔪᐤ 13.1-9; ᒪᕐᒃ 4.1-9
4ᐊᑯ ᒋᓴᔅ ᒂ ᐎᑎᒪᒐᑦ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒐᑦ ᒪᒃ ᐊᐛᔪᐛ ᓂᓇᐧᑯᐤ ᐅᑕᓇᒡ ᐊᒋ ᐅᑐᑕᔨᒋ ᒋ ᐸᒋ ᓂᔅᑎᐎᔪᐛ ᒐᒋ ᓂᑐᑕᑯᑦ᙮ ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ᙮ 5“ᐸᐃᒂᐤ ᒋ ᑕᐤ ᑲᓂᑕᐅᒋᑕᑭᓂᒐᑦ ᐊ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ᙮ ᐱᔅᒐ ᒪᒃ ᐊᓐᑕ ᒪᔅᑭᓇᒡ ᒋ ᐸᐸᒋᑎᓂᔪᐛ ᐊ ᐊᑎ ᑕᑕᐧᑯᔅᑲᑕᑭᓄᔨᒋ ᑭᔭ ᐱᔭᓯᓴ ᐊ ᐊᑎ ᒥᒋᔨᒋ ᐊᓂᔭ ᓂᑕᐅᒋᑕᑭᓇ ᑲ ᐅᔄᐛᐱᓇᐧᒃ᙮”
6“ᐊᑯ ᐱᔅᒐ ᑲ ᐸᐸᒋᑎᓂᒡ ᐊᓐᑕ ᐊ ᐊᓯᓂᐅᔨᒋ᙮ ᐃᔅᐱ ᒪᒃ ᓇᓇᒐ ᑲ ᓂᑕᐅᒋᒋ ᒐᒃ ᒋ ᐊᑎ ᐸᔅᑕᐛ ᐛᔅ ᓇᒪ ᓱᒃ ᐅᒋ ᓂᐱᐅᔅᑭᒥᑲᐤ ᐊᓐᑕ ᑲ ᐸᒋᑎᒋ᙮ 7ᐊᑯ ᐊᓂᔭ ᓂᑕᐅᒋᑕᑭᓇ ᑲ ᐸᐸᒋᑎᒋ ᐊᓐᑕ ᑲ ᑲᓱᑕᐛᔅᑯᑲᒡ ᓂᐱᓯᔭᑎᒂ ᐊ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ᓂᑕᐅᒋᓇ ᐊᓂᔭ ᑲ ᓂᑕᐅᒋᑕᑭᓄᐅᒋ ᐊᒋ ᒋᐱᔅᑲᑐᒥᑲᒋ ᐊᓂᔭ ᑲ ᑲᓱᑲᐛᔅᑯᒂᒋ ᓂᐱᓯᔭᑎᒂ᙮ 8ᐱᔅᒐ ᐊᓐᑕ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐸᐸᒋᑎᓂᔨᒋ, ᐅᔭ ᒪᒃ ᓇᔅᒡ ᒋ ᒥᔪ ᓂᑕᐅᒋᓂᔪᐛ, ᑭᔭ ᒥᔅᑎ ᒥᒋᒥᔪᐤ ᑲ ᓂᑕᐅᒋᓂᔨᒡ ᐊᓐᑕ ᓱᒥᓂᒡ ᐅᒋ, ᑕᓐ ᐊᓂᔭᔪᐛ ᑲ ᐎ ᐃᔅᐱᔅ ᓂᑕᐅᒋᑕᑦ᙮ ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ᓂᔅᑐᑎᒻ᙮”
ᐊ ᐃᑎᑕᒂᒡ ᒋᔅᑯᑎᒪᒐᐤ ᑎᐸᒋᒧᐅᓐ
ᒪᑎᔪᐤ 13.10-17; ᒪᕐᒃ 4.10-12
9ᐊᑯ ᒋᓴᔅ ᐅᒋᔅᒋᓄᐊᒧᐛᑭᓇ ᒂ ᑯᒂᒋᒥᑯᑦ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐅᔭ ᑎᐸᒋᒧᐅᓂᔪᐤ᙮ 10ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”
ᐊ ᐃᓯ ᐎᑎᒪᒐᒥᑲᒡ ᐅ ᑎᐸᒋᒧᐅᓐ
ᒪᑎᔪᐤ 13.18-23; ᒪᕐᒃ 4.13-20
11“ᒋᑭ ᐎᑎᒪᑎᓇᐛᐤ ᑕᓐ ᐊ ᐃᓯ ᐎᑎᒪᒐᒥᑲᒡ ᐅ ᑎᐸᒋᒧᐅᓐ ᑲ ᐎᑎᒪᑎᑯᒡ᙮ ᒧᔭᒻ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᐊ ᐃᑕᔨᑕᑯᓯᑦ ᐊᓐ ᓂᑕᐅᒋᑕᑭᓐ᙮ 12ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒋᒥᓂᑐᐛ ᑕᑯᓯᓂᔨᒋ ᒪᔅᑭᒥᑯᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑕᓐ ᐊᓂᔭᔪᐛ ᑲ ᐃᓯ ᐸᑕᒡ ᐊ ᐃᑕᔨᒥᑯᒡ ᒐ ᐊᑲ ᒋ ᑕᑈᑕᒡ ᑭᔭ ᒐ ᐊᑲ ᒋ ᐱᒪᒋᐅᒡ᙮ 13ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮ 14ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑲᓱᑕᐛᔨᒋ ᒥᔅᑯᓯᔭ ᐊ ᑎᑯᓂᔨᒋ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᓂᑐᑎᒧᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒄ ᒪᒃ ᐊᓂᔭ ᐅᑕᑈᑎᒧᐅᓄᐛᐤ ᒐᒃ ᓂᓱᐅᓇᒋᑕᑭᓄᐅᔪᐤ ᐛᓴ ᐊ ᐊᔨᒪᔨᑎᒥᐃᑯᒡ ᐊ ᐃᔅᐱᔨᒡ ᐅᐱᒪᑎᓯᐅᓄᐛᒡ ᑭᔭ ᐛᔪᑎᓯᐅᓂᔪᐤ ᐊ ᒪᒥᑐᓇᔨᑎᒥᐃᑯᒡ, ᑭᔭ ᒥᒄ ᐊᔅᒋᔪᐤ ᒐᒂᔪᐛ ᐊ ᒪᒥᑐᓇᔨᑎᒥᐃᑯᒡ ᒐᒋ ᐅᒋ ᒥᔽᔨᑕᒡ᙮ ᐊᑯ ᒪᒃ ᓇᒪ ᒋ ᐃᓯ ᓂᑕᐅᒍᐅᒡ ᑕᓐ ᐊᓂᔭᔪᐤ ᒋᐸ ᐃᓯ ᓂᑕᐅᒍᐅᒡ᙮ 15ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”
ᐛᔅᑕᐤ ᑎᐸᒋᒧᐅᓐ
ᒪᕐᒃ 4.21-25
16“ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ᓯᔅᑲᐊᐧᒃ ᒪᒃ ᓯᐸ ᓂᐸᐅᓂᒡ ᒐᒋ ᐊᔅᑕᑦ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᑭᔭ ᒥᓯᐛ ᐊᐛᓐ ᐊ ᐸᒋ ᐱᒐᑦ ᐛᐸᑕᑎᒻ ᐊᓂᔭ ᐊ ᐛᔅᑕᔨᒡ᙮ 17ᒥᓯᐛ ᒐᒂᓐ ᐊᑲ ᓄᑯᑕᑭᓄᐅᒡ ᒋᑭ ᓄᑯᑕᑭᓄᐤ, ᐊᑯ ᐊᓐ ᑲ ᐊᑯᓇᐃᑭᓄᐅᒡ ᒋᑭ ᒧᓴᔅᑕᐤ᙮ ᐊᓂᔭᔪᐛ ᒐᒂᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑭᓄᐅᒋ ᐊᔅᒄ ᒋᑭ ᒋᔅᒐᔨᑕᑭᓄᐛ᙮ 18ᐃᔭᒂᒥ ᒪᒃ ᑕᓐ ᐊ ᐃᓯ ᓂᑐᑎᒥᓐ, ᐛᔅ ᐊᓐ ᐊᐛᓐ ᐃᔭᒂ ᑲ ᐸᑕᐧᒃ ᐊᑐᐎᔅ ᒋᑭ ᓂᔅᑐᑎᒻ᙮ ᐊᑯ ᐊᓐ ᐊᐛᓐ ᐊᑲ ᐃᔭᒂ ᑲ ᐸᑕᐧᒃ ᒋᑭ ᐅᓂᒋᔅᒋᓱᐤ ᐃᔭᐱᒡ ᑕᓐ ᐊᓂᔭᔪᐛ ᑲ ᐃᑕᔨᑕᐧᒃ ᐊ ᓂᔅᑐᑕᐧᒃ᙮”
ᒋᓴᔅ ᐅᑐᑕᒪ
ᒪᑎᔪᐤ 12.46-50; ᒪᕐᒃ 3.31-35
19ᐸᐃᒂᐤ ᒋᓴᔅ ᐅᑲᐎᔭ ᑭᔭ ᐎᐧᑲᓂᓴ ᒋ ᐎ ᐛᐱᒥᑯᐤ, ᓇᒪ ᒪᒃ ᐅᒋ ᓇᑎᑯᐤ, ᐛᓴ ᐊᓐᑕ ᐊᒋ ᒥᒐᑎᓇᓄᐎᒡ᙮ 20ᒐᒃ ᒪᒃ ᒂ ᐃᑎᑯᑦ ᐊᐛᔪᐛ ᒋᓴᔅ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ᐛᐱᒥᔅᒡ᙮”
21ᒋᓴᔅ ᒪᒃ ᒋ ᐃᑕᐤ, “ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᑲ ᐃᑐᑎᒺᒡ᙮”
ᒋᓴᔅ ᑲ ᒋᑕᐊᒧᐛᑦ ᔪᑎᓂᓱᐛ ᑭᔭ ᑭᔅᑭᓇ
ᒪᑎᔪᐤ 8.23-27; ᒪᕐᒃ 4.35-41
22ᐸᐃᒂᐤ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᓇᑕ ᒪ ᐃᓯ ᐊᓱᐊᑕᐤ ᐊᑲᒥᒡ᙮” ᐊᑯ ᒂ ᒧᓴᐛᐊᒡ᙮ 23ᓇᓇᒐ ᒪᒃ ᑲ ᒧᓴᐛᔭᓯᒡ ᐊᑯ ᒂ ᓂᐸᑦ ᒋᓴᔅ᙮ ᒐᒃ ᓯᔅᒋᑯᒡ ᒂ ᔪᑎᓂᔨᒡ ᐊᓐᑕ ᓴᑲᐃᑭᓂᒡ᙮ ᐊ ᒪᒥᓯᑎᔨᒋ ᑭᔅᑭᓇ ᒋ ᐳᓯᐸᔨᑐᔪᐛ ᐅᑦ ᐅᐤᑐᐛᒡ᙮ ᒐᒃ ᓇᔅᒡ ᒂ ᑯᔅᑕᑎᑯᓂᔨᒡ ᐊᓐᑕ ᐊ ᑕᒡ᙮
24ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐸᑯᓇᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ᐅᓂᐤ, ᒂ ᐃᔅᒋᔄᑦ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐃᔽᔅᑎᓂᔪᐤ᙮ 25ᐊᑯ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᓐᑕ ᒋᑕᑈᑎᒧᐅᓄᐛᐤ ?” ᒋ ᑯᔅᑕᒍᐅᒡ ᒪᒃ ᐊᔪᐤ ᒋ ᒥᔅᑲᑕᔨᑎᒧᒡ ᐊ ᐃᔅᒋᔄᒡ, “ᐊᐛᓐ ᐅ ᐛᐛᒡ ᔪᑎᓂᓱᐛ ᑭᔭ ᑭᔅᑭᓇ ᐊ ᐱᓯᒋᐃᑯᑦ ᐊ ᒋᑕᐊᒧᐛᑦ ?”
ᒋᓴᔅ ᑲ ᒥᓏᒋᐊᑦ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ
ᒪᑎᔪᐤ 8.28-34; ᒪᕐᒃ 5.1-20
Luke 8.26-39 (Proper-7 Year C)
26ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ᐊᓱᐊᒧᒡ ᐊᓐᑕ ᐃᔅ ᑲᕋᓯᓐ ᐃᔪᐛ ᐅᑦ ᐊᔅᒋᔨᒡ, ᑲᑕᕆᓐ ᐊᔅᒋᒡ ᑲ ᐃᓯᓂᐧᑲᑕᔨᒡ᙮ ᒂᔅᑕᒐᑲᒻ ᑲᓕᓕ ᐊᔅᒋᒡ ᑎᑯᓐ ᐅ ᐊᔅᒋᔾ᙮ 27ᐃᔅᐱ ᒪᒃ ᑲ ᑭᐸᑦ ᒋᓴᔅ ᒋ ᓂᒋᔅᑯᐛᐤ ᓇᐸᐛ ᐊᓐᑕ ᐅᑕᓇᒡ ᐊ ᐅᒋᔨᒋ, ᐊ ᐱᒋᔅᑲᑯᔨᒋ ᒥᒋ ᐊᒐᒂ᙮ ᓴᔅ ᒪᒃ ᐛᔅᑭᒡ ᐊᓐᑕ ᓇᒪ ᐅᒋ ᒋᔅᑭᒻ ᐅᑦ ᐊᐱᒋᑕᐅᓇ ᐅ ᓇᐸᐤ᙮ ᓇᒪ ᒥᒋᐛᐱᒡ ᐅᒋ ᑕᐤ ᒥᒄ ᐊᓐᑕ ᒋᐱ ᐊᔅᒋᒡ ᒧᔅ ᒋ ᑕᐤ᙮ 28ᐅ ᒪᒃ ᓇᐸᐤ ᐃᔅᐱ ᐎᔭᐱᒪᑦ ᐊᓂᔭ ᒋᓴᓴ, ᒋ ᐊᔭᓯᒂᐤ ᒂ ᐊᑎ ᐸᒋᓯᐧᒃ ᐅᑎᔅᑯᐤ ᐊᓐᑕ ᐊ ᑕᔨᒋ᙮ ᐊᑯ ᑲ ᑕᑈᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᐊᑲᐎᔾ ᐸᒋ ᓂᓇᐧᑲᑕᔨᒧᐃ ᒋ ᐎ ᐃᑎᑎᓐ᙮” 29ᐊᔪᐅᒄ ᐅᔭ ᑲ ᐃᓯ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ᐃᔅᒋᔄᑯᐱᓇ ᐊᓂᔭ ᒥᒋ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ᑎᐸᔨᒥᑯᑯᐱᓇ ᐊᓂᔭ ᒥᒋ ᐊᒐᒂ᙮ ᒧᔅ ᒪᒃ ᒋ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ᐱᔅᒋᐱᑎᒻ ᒪᓐ ᐊᓂᔭ ᐊᒋ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ᐃᑐᑕᑯᐤ ᒪᒃ ᐊᓂᔭ ᒥᒋ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮
30ᒋᓴᔅ ᒪᒃ ᒋ ᑯᒂᒋᒪᐤ, “ᑕᓐ ᐊ ᐃᓯᓂᐧᑲᓱᔨᓐ ?” ᒂ ᐃᑎᑯᑦ, “ᑲ ᒥᒐᑎᒡ᙮” ᐛᔅ ᒋ ᒥᒐᑎᔪᐛ ᒥᒋ ᐊᒐᒂ ᐊ ᐱᒋᔅᑲᑯᑦ ᐊᓐ ᓇᐸᐤ᙮ 31ᐊᑯ ᒪᒃ ᒂ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ᐃᔅᑯᑕᒡ᙮
32ᒋ ᑕᐅᒡ ᒪᒃ ᑯᐧᑯᓯᒡ ᐊ ᒥᒋᓱᒡ ᐊᓐᑕ ᐊ ᐱᔅᑯᑕᐅᐧᑲᔨᒡ᙮ ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᑯᒂᒋᒪᐅᒡ ᒋᓴᓴ ᒐᒋ ᐃᑎᓴᐅᑯᒡ ᐊᓐᑕ ᒐᒋ ᐱᒋᔅᑯᐛᒡ ᐊᓂᔭᔪᐛ ᑯᐧᑯᓴ᙮ ᐊᐅᑯᓐ ᒪᒃ ᑲ ᐃᓯ ᐃᑐᑐᐛᑦ ᒋᓴᔅ᙮ 33ᐊᓐᒡ ᒪᒃ ᒥᒋ ᐊᒐᐧᑯᒡ, ᐃᔅᐱ ᑲ ᐎᐎᔅᑯᐛᒡ ᐊᓂᔭ ᓇᐸᐛ ᐊᑯ ᐊᓂᔭ ᑯᐧᑯᓴ ᑲ ᐊᓱᐱᒋᔅᑯᐛᒡ᙮ ᐊᑯ ᐊᓐᒡ ᑯᐧᑯᓯᒡ ᑲ ᔭᒥᑕᐅᒋᐸᔨᑐᒡ ᐊᓐᑕ ᐃᔅ ᓴᑲᐃᑭᓂᒡ, ᒂ ᓂᔅᑕᐸᐛᒡ᙮
34ᐃᔅᐱ ᒪᒃ ᐊᓐᒡ ᑲ ᓂᓇᑭᑐᐛᔨᒪᒡ ᑯᐧᑯᓴ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒋᑎᓯᒧᐅᒡ, ᒂ ᐎᑕᒡ ᐊᓐᑕ ᐅᑕᓇᒡ ᑭᔭ ᐊᓐᑕ ᐛᔅᑲ ᐎᐎᑎᒥᒡ ᐊᓂᔭ ᐅᑕᓇᔪᐤ᙮ 35ᒋ ᑎᑯᓯᓄᐅᒡ ᒪᒃ ᐃᔪᒡ ᐊᒋ ᐸᒋ ᓇᒋ ᐛᐸᑕᒡ ᑕᓐ ᑲ ᐃᔅᐱᔨᒡ᙮ ᐃᔅᐱ ᐛᑎᑕᒡ ᒋᓴᓴ ᒋ ᐛᐱᒪᐅᒡ ᐊᓂᔭ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᐊ ᐊᐱᔨᒋ ᒥᒋᒪ ᐊᓐᑕ ᒋᓴᓴ ᐅᓯᑎᔨᒡ᙮ ᐊᒋ ᐛᑕᐱᓱᐎᒂᓂ ᑭᔭ ᐊ ᒋᔭᒪᔨᑕᑯᓯᔨᒋ᙮ ᒋ ᑯᔅᑕᒍᐅᒡ ᒪᒃ ᐎᔭᐱᒪᒡ ᐅᔭ ᓇᐸᐛ᙮ 36ᐊᓐᒡ ᒪᒃ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᑎᐸᒋᒧᔅᑐᐛᐅᒡ ᐃᔪᐛ ᐊ ᑎᑯᓯᓂᔨᒋ ᑕᓐᑕ ᑲ ᐅᒋ ᒥᓏᑎᓯᔨᒋ ᐅᔭ ᓇᐸᐛ ᒥᒋ ᐊᒐᒂ ᑲᒋ ᐱᒋᔅᑲᑯᔨᒋ᙮ 37ᐊᓐᒡ ᒪᒃ ᐃᔪᒡ ᐊᓐᑕ ᑲᕋᓯᓐ ᐊᔅᒋᒡ ᑲ ᐅᒋᒡ ᒋ ᓴᒋᓱᐅᒡ ᐅᔭᔪᐤ ᐅᒋ ᑲ ᐃᔅᐱᔨᒡ ᐊᑯ ᒂ ᑯᒂᒋᒪᒡ ᒋᓴᓴ ᒐᒋ ᓂᑭᑎᑯᒡ᙮ ᐊᑯ ᒋᓴᔅ ᒂ ᐳᓯᑦ ᐅᑦ ᐅᐤᑐᐛᐤ ᐊᑯ ᒂ ᐊᑎ ᒋᐛᐅᑦ᙮
38ᐊᓐ ᒪᒃ ᓇᐸᐤ ᑲᒋ ᐱᒋᔅᑲᑯᑦ ᒥᒋ ᐊᒐᒂ ᓇᔅᒡ ᒋ ᐎ ᐎᒐᐛᐤ ᒋᓴᓴ᙮ ᒋᓴᔅ ᒪᒃ ᒋ ᒋᑎᓴᐛᐤ ᐊᒋ ᐃᑕᑦ, 39“ᒪᒋ, ᒋᐛ᙮ ᒐ ᓄᑯᑕᔨᓐ ᑕᓐ ᑲ ᐃᓯ ᐃᑐᑎᒪᔅᒃ ᒋᓴᒪᓂᑐᐤ᙮” ᐊᐅᒄ ᒪᒃ ᑲ ᐃᑎᑦ ᐊᓐ ᓇᐸᐤ᙮ ᒥᓯᐛ ᐊᓐᑕ ᐅᑕᓇᒡ ᒋ ᑎᑎᐸᒋᒧᐤ ᑕᓐ ᑲ ᐃᑐᑎᒪᑯᑦ ᒋᓴᓴ᙮
ᒐᐃᕋᔅ ᐅᑕᓂᓴ ᑭᔭ ᐊᓐ ᐃᔎᐤ ᒋᓴᓴ ᐅᑦ ᐊᑯᐱᔪᐤ ᑲ ᑕᒋᓂᒺᑦ
ᒪᑎᔪᐤ 9.18-26; ᒪᕐᒃ 5.21-43
40ᐃᔅᐱ ᒥᓐ ᑲᐤ ᑲ ᒥᓯᑲᑦ ᒋᓴᔅ ᐊᓐᑕ ᒂᔅᑕᒐᑲᒻ ᓴᑲᐃᑭᓂᒡ ᒋ ᒥᔽᔨᑎᒥᔪᐛ ᒥᒐᑦ ᐊᐛᔪᐛ, ᐛᔅ ᒥᓯᐛ ᒋ ᐊᓱᐛᐱᒥᑯᐤ᙮ 41ᐊᑯ ᑲ ᑎᑯᓯᐧᒃ ᓇᐸᐤ ᒐᐃᕋᔅ ᐊ ᐃᓯᓂᐧᑲᓱᑦ, ᐊ ᐅᒋᒪᐧᑲᑕᐧᒃ ᒍᐤ ᐊᔭᒥᐊᐅᒋᐛᐱᔪᐤ, ᑲ ᐸᒋ ᐅᒋᒋᐧᑯᓂᐱᔪᐅᑦ ᒥᒋᒪ ᒋᓴᓴ ᐅᓯᑎᔨᒡ ᓇᔅᒡ ᐊ ᓂᑐᐛᔨᒪᑦ ᒐᒋ ᑎᑯᓯᓂᔨᒋ ᐊᓐᑕ ᐎᒋᒡ, 42ᐛᔅ ᐊᓂᔭ ᑲ ᐸᐃᑯᓯᔨᒋ ᐅᑕᓂᓴ ᑲ ᓂᓱᓴᐳᓇᓯᔨᒋ, ᒐᑲᑦ ᒋ ᐳᓂᐱᒪᑎᓯᔪᐛ᙮
ᒪᒂᒡ ᒪᒃ ᐊᓂᔭ ᐊ ᐊᑎ ᐱᒧᑕᑦ ᒋᓴᔅ ᒥᒐᑦ ᐊᐛᔪᐛ ᒋ ᓯᑎᔅᑲᑯᐤ᙮ 43ᒋ ᑕᐤ ᒪᒃ ᑭᔭ ᐊᓐᑕ ᐃᔎᐤ ᓂᓱᓴᐳᓇ ᐊᒋ ᐅᓂᑕᑦ ᐅᒥᐧᒄ᙮ ᒥᓯᐛ ᒐᒂᔪᐤ ᑕᓐ ᑲ ᐃᓯ ᐊᔭᑦ ᒋ ᒥᔭᓯᐱᓐ ᓂᑐᐧᑯᐃᔨᓴ ᐊ ᒋᓯᐧᑯᐛᑦ ᒐᒋ ᐎᒋᐃᑯᑦ, ᓇᒪ ᒪᒃ ᐛᐛᒡ ᐸᐃᒂᐤ ᐅᒋ ᐎᒋᐃᑯᐤ᙮ 44ᐅᔅᐱᔅᑯᓂᔨᒡ ᒂ ᐅᒋ ᐸᒋ ᓇᑕᑦ ᒋᓴᓴ, ᒂ ᑕᒋᓂᒺᑦ ᐊᓐᑕ ᐊ ᐎᓂᔎᑭᓂᔨᒡ ᐊᓂᔭ ᐅᑦ ᐊᑯᐱᔪᐤ᙮ ᑎᐛᒡ ᒪᒃ ᒋ ᒋᒋᒥᑯᔪᐤ ᐅᒥᐧᒄ᙮
45ᐊᑯ ᒋᓴᔅ ᒂ ᐃᔅᒋᔄᑦ, ᐊᐛᓐ ᑲ ᐸᒋ ᑕᒋᓂᑦ ? ᓇᒪ ᒪᒃ ᐊᐛᓐ ᐅᒋ ᒋᔅᑐᐤ ᐊᑯ ᐱᑕᕐ ᒂ ᐃᑕᑦ, “ᒋᔅᑯᑎᒪᒐᓱᐤ, ᒥᒐᑐᐅᒡ ᐊᐛᓐᒋ ᐊ ᓯᑎᔅᑲᔅᒡ᙮ ᐃᔭᐱᒡ ᒪᒃ ᐊ ᐃᔅᒋᔄᔨᓐ ᐊᐛᓐ ᑲ ᐸᒋ ᑕᒋᓂᑦ ?”
46ᒋᓴᔅ ᒪᒃ ᒋ ᐃᔅᒋᔄᐤ, “ᓂ ᒋᔅᒐᔨᑕᓐ ᐊᐛᓐ ᐊᒋ ᐸᒋ ᑕᒋᓂᑦ᙮ ᐛᔅ ᓂᒋ ᒧᓯᑕᓐ ᒥᔅᑯᓯᐅᓐ ᐊ ᐎᐎᐱᔨᒡ ᐅᑕ ᐊ ᑕᔭᓐ᙮”
47ᐃᔅᐱ ᒪᒃ ᑲ ᒋᔅᒐᔨᑕᐧᒃ ᐊᓐ ᐃᔎᐤ ᐊ ᒋᔅᒐᔨᒪᑭᓄᐅᑦ ᑕᓐ ᑲ ᐃᑎᑦ ᐊᑯ ᑲ ᐸᒋ ᐃᑐᑕᑦ ᐊᓐᑕ ᓂᑲᓄᒡ᙮ ᒂ ᐊᑎ ᐅᒋᒋᐧᑯᓂᐱᔪᐅᑦ ᐅᑎᔅᑯᐤ ᐊᓐᑕ ᒋᓴᓴ ᐊ ᑕᔨᒋ ᐊ ᓂᓇᒥᐱᔨᑦ ᐊ ᐃᔅᐱᔅ ᓴᒋᓯᑦ᙮ ᐊᑯᑕ ᒪᒃ ᐊᓐᑕ ᐅᑎᔅᑯᐤ ᒥᓯᐛ ᐊᐛᔪᐛ ᐊ ᑕᔨᒋ ᑲ ᐎᑕᐧᒃ ᒐᒂᔪᐤ ᐛᒋ ᑕᒋᓇᑦ ᑭᔭ ᑎᐛᒡ ᐊᒋ ᒥᓏᒋᐊᑭᓄᐅᑦ᙮ 48ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔎᐛ, “ᐃᔎᐤ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮ ᒪᒋ ᒋᔭᒪᔨᑎᒧᐅᓂᒡ ᐃᔅ᙮”
49ᒪᒂᒡ ᒪᒃ ᐊ ᐃᔨᒥᑦ ᒋᓴᔅ, ᒋ ᑎᑯᓯᓄᐤ ᓇᐸᐤ ᒐᐃᕋᔅ ᐊ ᑕᔨᒋ ᐊ ᐅᑐᑕᑦ ᒐᒋ ᐸᒋ ᐃᑕᑦ ᐊᓂᔭ ᒐᐃᕋᓴ, “ᓴᔅ ᓇᒪ ᐱᒪᑎᓯᐤ ᒋᑕᓂᔅ᙮ ᐊᑲᐎᔾ ᒪᒃ ᐊᑯᔅ ᐅᑎᒥᐃ ᒋᔅᑯᑎᒪᒐᓱᐤ᙮”
50ᐃᔅᐱ ᒪᒃ ᐱᔭᑕᐧᒃ ᐅᔭ ᒋᓴᔅ ᒋ ᐃᑕᐤ ᐊᓂᔭ ᒐᐃᕋᓴ, “ᐊᑲᐎᔾ ᐊᔨᒪᔨᑕ᙮ ᒥᒄ ᑕᑈᑕ, ᐛᔅ ᒋᑭ ᒥᔪ ᐱᒪᑎᓯᐤ ᒋᑕᓂᔅ᙮”
51ᐊᑯ ᒂ ᐃᑐᑕᒡ ᒐᐃᕋᓴ ᐎᒋᔨᒡ᙮ ᐃᔅᐱ ᑲ ᐅᑎᑕᒡ ᐊᓂᔭ ᒥᒋᐛᐱᔪᐤ, ᓇᒪ ᑯᑎᑲ ᐊᐛᔪᐛ ᐅᒋ ᐱᔅᑎᓇᐤ ᒋᓴᔅ ᒐᒋ ᐎᒐᐅᑯᑦ ᐊ ᐱᒐᑦ, ᒥᒄ ᐱᑕᕋ, ᒠᓇ, ᒋᒥᓴ ᑭᔭ ᐊᓂᔭ ᐅᓂᒋᐃᑯᔪᐛ ᐊᓂᔭ ᐃᔎᓴ᙮ 52ᒥᓯᐛ ᐊᐛᓐᒋ ᐊᓐᑕ ᑲ ᑕᒡ ᒋ ᒪᐅᒡ ᐊ ᒥᑕᑕᒡ ᐊᓂᔭ ᐃᔎᓴ᙮ ᐊᑯ ᒋᓴᓴ ᒂ ᐃᑎᑯᒡ, “ᒋᒺᒄ ᐊ ᒪᔭᒄ᙮ ᑕᐸ ᐛᔅ ᐊᓐ ᓂᐳᐤ, ᒥᒄ ᓂᐸᐤ᙮”
53ᐊᑯ ᒂ ᐅᓯᓄᐛᒡ ᐛᔅ ᒋ ᒋᔅᒐᔨᒪᐅᒡ ᑕᑈ ᐊ ᓂᐱᔨᒋ ᐊᓂᔭ ᐃᔎᓴ᙮
54ᒂ ᐱᒐᒡ ᒋᓴᔅ ᐊᓐᑕ ᒥᒋᐛᐱᒡ, ᒂ ᓂᑐᐛᐱᒪᑦ ᐊᓂᔭ ᐃᔎᓴ, ᒂ ᐅᑎᓂᒺᑦ ᐅᑎᒋᔪᐤ ᐊ ᐃᑕᑦ, “ᐃᔎᔅ ᐅᓂᔾ᙮” 55ᐊᑯ ᒪᒃ ᑲᐤ ᒂ ᐱᒋᔅᑲᑯᑦ ᐅᑦ ᐊᒐᒂ ᐊᓐ ᐃᔎᔅ, ᒂ ᐅᒋ ᐅᓂᑦ᙮ ᐊᑯ ᒋᓴᔅ ᒂ ᐃᑎᓱᐛᑦ ᒐᒋ ᐊᓯᒪᑭᓄᔨᒋ᙮ 56ᐊᓂᔭ ᒪᒃ ᐅᓂᒋᐃᑯᔪᐛ ᓇᔅᒡ ᒋ ᑯᔅᑯᐱᔪᐛ᙮ ᐊᑯ ᒂ ᐃᑎᑯᒡ ᒋᓴᓴ ᒐ ᐊᑲ ᒋ ᐎᑎᒧᐛᒡ ᐊᐛᔪᐛ ᑕᓐ ᑲ ᐃᔅᐱᔨᒡ᙮
Nu markerat:
ᓗᒃ 8: ᓇᔅᑲᐱ
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᓗᒃ 8
8
ᐊᓐᒡ ᐃᔎᐅᒡ ᒋᓴᓴ ᑲᒋ ᐱᐸᐎᒐᐛᒡ
1ᐃᔅᐱ ᒪᒃ ᑲᒋ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ᐅᑎᒋᐱᔨᒡ᙮ ᒋ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮ 2ᐃᔎᐅᒡ ᑭᔭ ᒋ ᐱᐸᐎᒐᐛᐅᒡ, ᐊᓐᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᒡ ᐅᒡ᙮ ᑭᔭ ᐊᓐᒡ ᐊᒋ ᒥᓏᒋᐊᑭᓄᐎᒡ ᓂᓇᐧᑯᐤ ᐃᑕᔅᐱᓇᐅᓇ᙮ ᐊᐅᒄ ᐸᐃᒄ ᒪᕆ ᒪᒃᑕᓕᓐ, ᐊᓐ ᐃᔎᐤ ᓂᔄᐅᑕᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᑦ ᐅᒡ᙮ 3ᑭᔭ ᒍᐛᓇ ᒋ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ᐃᓯᓂᐧᑲᓱᔪᐛ ᐅᓇᐸᒪ, ᒋ ᑎᐸᔨᒪᐤ ᑲ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ᐊᐱᒋᑕᐅᒡ ᐅᒡ ᐃᔎᐅᒡ ᐊ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮
ᓇᐸᐤ ᑲᓂᑕᐅᒋᑕᑭᓂᒐᑦ
ᒪᑎᔪᐤ 13.1-9; ᒪᕐᒃ 4.1-9
4ᐊᑯ ᒋᓴᔅ ᒂ ᐎᑎᒪᒐᑦ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒐᑦ ᒪᒃ ᐊᐛᔪᐛ ᓂᓇᐧᑯᐤ ᐅᑕᓇᒡ ᐊᒋ ᐅᑐᑕᔨᒋ ᒋ ᐸᒋ ᓂᔅᑎᐎᔪᐛ ᒐᒋ ᓂᑐᑕᑯᑦ᙮ ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ᙮ 5“ᐸᐃᒂᐤ ᒋ ᑕᐤ ᑲᓂᑕᐅᒋᑕᑭᓂᒐᑦ ᐊ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ᙮ ᐱᔅᒐ ᒪᒃ ᐊᓐᑕ ᒪᔅᑭᓇᒡ ᒋ ᐸᐸᒋᑎᓂᔪᐛ ᐊ ᐊᑎ ᑕᑕᐧᑯᔅᑲᑕᑭᓄᔨᒋ ᑭᔭ ᐱᔭᓯᓴ ᐊ ᐊᑎ ᒥᒋᔨᒋ ᐊᓂᔭ ᓂᑕᐅᒋᑕᑭᓇ ᑲ ᐅᔄᐛᐱᓇᐧᒃ᙮”
6“ᐊᑯ ᐱᔅᒐ ᑲ ᐸᐸᒋᑎᓂᒡ ᐊᓐᑕ ᐊ ᐊᓯᓂᐅᔨᒋ᙮ ᐃᔅᐱ ᒪᒃ ᓇᓇᒐ ᑲ ᓂᑕᐅᒋᒋ ᒐᒃ ᒋ ᐊᑎ ᐸᔅᑕᐛ ᐛᔅ ᓇᒪ ᓱᒃ ᐅᒋ ᓂᐱᐅᔅᑭᒥᑲᐤ ᐊᓐᑕ ᑲ ᐸᒋᑎᒋ᙮ 7ᐊᑯ ᐊᓂᔭ ᓂᑕᐅᒋᑕᑭᓇ ᑲ ᐸᐸᒋᑎᒋ ᐊᓐᑕ ᑲ ᑲᓱᑕᐛᔅᑯᑲᒡ ᓂᐱᓯᔭᑎᒂ ᐊ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ᓂᑕᐅᒋᓇ ᐊᓂᔭ ᑲ ᓂᑕᐅᒋᑕᑭᓄᐅᒋ ᐊᒋ ᒋᐱᔅᑲᑐᒥᑲᒋ ᐊᓂᔭ ᑲ ᑲᓱᑲᐛᔅᑯᒂᒋ ᓂᐱᓯᔭᑎᒂ᙮ 8ᐱᔅᒐ ᐊᓐᑕ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐸᐸᒋᑎᓂᔨᒋ, ᐅᔭ ᒪᒃ ᓇᔅᒡ ᒋ ᒥᔪ ᓂᑕᐅᒋᓂᔪᐛ, ᑭᔭ ᒥᔅᑎ ᒥᒋᒥᔪᐤ ᑲ ᓂᑕᐅᒋᓂᔨᒡ ᐊᓐᑕ ᓱᒥᓂᒡ ᐅᒋ, ᑕᓐ ᐊᓂᔭᔪᐛ ᑲ ᐎ ᐃᔅᐱᔅ ᓂᑕᐅᒋᑕᑦ᙮ ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ᓂᔅᑐᑎᒻ᙮”
ᐊ ᐃᑎᑕᒂᒡ ᒋᔅᑯᑎᒪᒐᐤ ᑎᐸᒋᒧᐅᓐ
ᒪᑎᔪᐤ 13.10-17; ᒪᕐᒃ 4.10-12
9ᐊᑯ ᒋᓴᔅ ᐅᒋᔅᒋᓄᐊᒧᐛᑭᓇ ᒂ ᑯᒂᒋᒥᑯᑦ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐅᔭ ᑎᐸᒋᒧᐅᓂᔪᐤ᙮ 10ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”
ᐊ ᐃᓯ ᐎᑎᒪᒐᒥᑲᒡ ᐅ ᑎᐸᒋᒧᐅᓐ
ᒪᑎᔪᐤ 13.18-23; ᒪᕐᒃ 4.13-20
11“ᒋᑭ ᐎᑎᒪᑎᓇᐛᐤ ᑕᓐ ᐊ ᐃᓯ ᐎᑎᒪᒐᒥᑲᒡ ᐅ ᑎᐸᒋᒧᐅᓐ ᑲ ᐎᑎᒪᑎᑯᒡ᙮ ᒧᔭᒻ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᐊ ᐃᑕᔨᑕᑯᓯᑦ ᐊᓐ ᓂᑕᐅᒋᑕᑭᓐ᙮ 12ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒋᒥᓂᑐᐛ ᑕᑯᓯᓂᔨᒋ ᒪᔅᑭᒥᑯᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑕᓐ ᐊᓂᔭᔪᐛ ᑲ ᐃᓯ ᐸᑕᒡ ᐊ ᐃᑕᔨᒥᑯᒡ ᒐ ᐊᑲ ᒋ ᑕᑈᑕᒡ ᑭᔭ ᒐ ᐊᑲ ᒋ ᐱᒪᒋᐅᒡ᙮ 13ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮ 14ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑲᓱᑕᐛᔨᒋ ᒥᔅᑯᓯᔭ ᐊ ᑎᑯᓂᔨᒋ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᓂᑐᑎᒧᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒄ ᒪᒃ ᐊᓂᔭ ᐅᑕᑈᑎᒧᐅᓄᐛᐤ ᒐᒃ ᓂᓱᐅᓇᒋᑕᑭᓄᐅᔪᐤ ᐛᓴ ᐊ ᐊᔨᒪᔨᑎᒥᐃᑯᒡ ᐊ ᐃᔅᐱᔨᒡ ᐅᐱᒪᑎᓯᐅᓄᐛᒡ ᑭᔭ ᐛᔪᑎᓯᐅᓂᔪᐤ ᐊ ᒪᒥᑐᓇᔨᑎᒥᐃᑯᒡ, ᑭᔭ ᒥᒄ ᐊᔅᒋᔪᐤ ᒐᒂᔪᐛ ᐊ ᒪᒥᑐᓇᔨᑎᒥᐃᑯᒡ ᒐᒋ ᐅᒋ ᒥᔽᔨᑕᒡ᙮ ᐊᑯ ᒪᒃ ᓇᒪ ᒋ ᐃᓯ ᓂᑕᐅᒍᐅᒡ ᑕᓐ ᐊᓂᔭᔪᐤ ᒋᐸ ᐃᓯ ᓂᑕᐅᒍᐅᒡ᙮ 15ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”
ᐛᔅᑕᐤ ᑎᐸᒋᒧᐅᓐ
ᒪᕐᒃ 4.21-25
16“ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ᓯᔅᑲᐊᐧᒃ ᒪᒃ ᓯᐸ ᓂᐸᐅᓂᒡ ᒐᒋ ᐊᔅᑕᑦ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᑭᔭ ᒥᓯᐛ ᐊᐛᓐ ᐊ ᐸᒋ ᐱᒐᑦ ᐛᐸᑕᑎᒻ ᐊᓂᔭ ᐊ ᐛᔅᑕᔨᒡ᙮ 17ᒥᓯᐛ ᒐᒂᓐ ᐊᑲ ᓄᑯᑕᑭᓄᐅᒡ ᒋᑭ ᓄᑯᑕᑭᓄᐤ, ᐊᑯ ᐊᓐ ᑲ ᐊᑯᓇᐃᑭᓄᐅᒡ ᒋᑭ ᒧᓴᔅᑕᐤ᙮ ᐊᓂᔭᔪᐛ ᒐᒂᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑭᓄᐅᒋ ᐊᔅᒄ ᒋᑭ ᒋᔅᒐᔨᑕᑭᓄᐛ᙮ 18ᐃᔭᒂᒥ ᒪᒃ ᑕᓐ ᐊ ᐃᓯ ᓂᑐᑎᒥᓐ, ᐛᔅ ᐊᓐ ᐊᐛᓐ ᐃᔭᒂ ᑲ ᐸᑕᐧᒃ ᐊᑐᐎᔅ ᒋᑭ ᓂᔅᑐᑎᒻ᙮ ᐊᑯ ᐊᓐ ᐊᐛᓐ ᐊᑲ ᐃᔭᒂ ᑲ ᐸᑕᐧᒃ ᒋᑭ ᐅᓂᒋᔅᒋᓱᐤ ᐃᔭᐱᒡ ᑕᓐ ᐊᓂᔭᔪᐛ ᑲ ᐃᑕᔨᑕᐧᒃ ᐊ ᓂᔅᑐᑕᐧᒃ᙮”
ᒋᓴᔅ ᐅᑐᑕᒪ
ᒪᑎᔪᐤ 12.46-50; ᒪᕐᒃ 3.31-35
19ᐸᐃᒂᐤ ᒋᓴᔅ ᐅᑲᐎᔭ ᑭᔭ ᐎᐧᑲᓂᓴ ᒋ ᐎ ᐛᐱᒥᑯᐤ, ᓇᒪ ᒪᒃ ᐅᒋ ᓇᑎᑯᐤ, ᐛᓴ ᐊᓐᑕ ᐊᒋ ᒥᒐᑎᓇᓄᐎᒡ᙮ 20ᒐᒃ ᒪᒃ ᒂ ᐃᑎᑯᑦ ᐊᐛᔪᐛ ᒋᓴᔅ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ᐛᐱᒥᔅᒡ᙮”
21ᒋᓴᔅ ᒪᒃ ᒋ ᐃᑕᐤ, “ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᑲ ᐃᑐᑎᒺᒡ᙮”
ᒋᓴᔅ ᑲ ᒋᑕᐊᒧᐛᑦ ᔪᑎᓂᓱᐛ ᑭᔭ ᑭᔅᑭᓇ
ᒪᑎᔪᐤ 8.23-27; ᒪᕐᒃ 4.35-41
22ᐸᐃᒂᐤ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᓇᑕ ᒪ ᐃᓯ ᐊᓱᐊᑕᐤ ᐊᑲᒥᒡ᙮” ᐊᑯ ᒂ ᒧᓴᐛᐊᒡ᙮ 23ᓇᓇᒐ ᒪᒃ ᑲ ᒧᓴᐛᔭᓯᒡ ᐊᑯ ᒂ ᓂᐸᑦ ᒋᓴᔅ᙮ ᒐᒃ ᓯᔅᒋᑯᒡ ᒂ ᔪᑎᓂᔨᒡ ᐊᓐᑕ ᓴᑲᐃᑭᓂᒡ᙮ ᐊ ᒪᒥᓯᑎᔨᒋ ᑭᔅᑭᓇ ᒋ ᐳᓯᐸᔨᑐᔪᐛ ᐅᑦ ᐅᐤᑐᐛᒡ᙮ ᒐᒃ ᓇᔅᒡ ᒂ ᑯᔅᑕᑎᑯᓂᔨᒡ ᐊᓐᑕ ᐊ ᑕᒡ᙮
24ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐸᑯᓇᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ᐅᓂᐤ, ᒂ ᐃᔅᒋᔄᑦ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐃᔽᔅᑎᓂᔪᐤ᙮ 25ᐊᑯ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᓐᑕ ᒋᑕᑈᑎᒧᐅᓄᐛᐤ ?” ᒋ ᑯᔅᑕᒍᐅᒡ ᒪᒃ ᐊᔪᐤ ᒋ ᒥᔅᑲᑕᔨᑎᒧᒡ ᐊ ᐃᔅᒋᔄᒡ, “ᐊᐛᓐ ᐅ ᐛᐛᒡ ᔪᑎᓂᓱᐛ ᑭᔭ ᑭᔅᑭᓇ ᐊ ᐱᓯᒋᐃᑯᑦ ᐊ ᒋᑕᐊᒧᐛᑦ ?”
ᒋᓴᔅ ᑲ ᒥᓏᒋᐊᑦ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ
ᒪᑎᔪᐤ 8.28-34; ᒪᕐᒃ 5.1-20
Luke 8.26-39 (Proper-7 Year C)
26ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ᐊᓱᐊᒧᒡ ᐊᓐᑕ ᐃᔅ ᑲᕋᓯᓐ ᐃᔪᐛ ᐅᑦ ᐊᔅᒋᔨᒡ, ᑲᑕᕆᓐ ᐊᔅᒋᒡ ᑲ ᐃᓯᓂᐧᑲᑕᔨᒡ᙮ ᒂᔅᑕᒐᑲᒻ ᑲᓕᓕ ᐊᔅᒋᒡ ᑎᑯᓐ ᐅ ᐊᔅᒋᔾ᙮ 27ᐃᔅᐱ ᒪᒃ ᑲ ᑭᐸᑦ ᒋᓴᔅ ᒋ ᓂᒋᔅᑯᐛᐤ ᓇᐸᐛ ᐊᓐᑕ ᐅᑕᓇᒡ ᐊ ᐅᒋᔨᒋ, ᐊ ᐱᒋᔅᑲᑯᔨᒋ ᒥᒋ ᐊᒐᒂ᙮ ᓴᔅ ᒪᒃ ᐛᔅᑭᒡ ᐊᓐᑕ ᓇᒪ ᐅᒋ ᒋᔅᑭᒻ ᐅᑦ ᐊᐱᒋᑕᐅᓇ ᐅ ᓇᐸᐤ᙮ ᓇᒪ ᒥᒋᐛᐱᒡ ᐅᒋ ᑕᐤ ᒥᒄ ᐊᓐᑕ ᒋᐱ ᐊᔅᒋᒡ ᒧᔅ ᒋ ᑕᐤ᙮ 28ᐅ ᒪᒃ ᓇᐸᐤ ᐃᔅᐱ ᐎᔭᐱᒪᑦ ᐊᓂᔭ ᒋᓴᓴ, ᒋ ᐊᔭᓯᒂᐤ ᒂ ᐊᑎ ᐸᒋᓯᐧᒃ ᐅᑎᔅᑯᐤ ᐊᓐᑕ ᐊ ᑕᔨᒋ᙮ ᐊᑯ ᑲ ᑕᑈᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᐊᑲᐎᔾ ᐸᒋ ᓂᓇᐧᑲᑕᔨᒧᐃ ᒋ ᐎ ᐃᑎᑎᓐ᙮” 29ᐊᔪᐅᒄ ᐅᔭ ᑲ ᐃᓯ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ᐃᔅᒋᔄᑯᐱᓇ ᐊᓂᔭ ᒥᒋ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ᑎᐸᔨᒥᑯᑯᐱᓇ ᐊᓂᔭ ᒥᒋ ᐊᒐᒂ᙮ ᒧᔅ ᒪᒃ ᒋ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ᐱᔅᒋᐱᑎᒻ ᒪᓐ ᐊᓂᔭ ᐊᒋ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ᐃᑐᑕᑯᐤ ᒪᒃ ᐊᓂᔭ ᒥᒋ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮
30ᒋᓴᔅ ᒪᒃ ᒋ ᑯᒂᒋᒪᐤ, “ᑕᓐ ᐊ ᐃᓯᓂᐧᑲᓱᔨᓐ ?” ᒂ ᐃᑎᑯᑦ, “ᑲ ᒥᒐᑎᒡ᙮” ᐛᔅ ᒋ ᒥᒐᑎᔪᐛ ᒥᒋ ᐊᒐᒂ ᐊ ᐱᒋᔅᑲᑯᑦ ᐊᓐ ᓇᐸᐤ᙮ 31ᐊᑯ ᒪᒃ ᒂ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ᐃᔅᑯᑕᒡ᙮
32ᒋ ᑕᐅᒡ ᒪᒃ ᑯᐧᑯᓯᒡ ᐊ ᒥᒋᓱᒡ ᐊᓐᑕ ᐊ ᐱᔅᑯᑕᐅᐧᑲᔨᒡ᙮ ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᑯᒂᒋᒪᐅᒡ ᒋᓴᓴ ᒐᒋ ᐃᑎᓴᐅᑯᒡ ᐊᓐᑕ ᒐᒋ ᐱᒋᔅᑯᐛᒡ ᐊᓂᔭᔪᐛ ᑯᐧᑯᓴ᙮ ᐊᐅᑯᓐ ᒪᒃ ᑲ ᐃᓯ ᐃᑐᑐᐛᑦ ᒋᓴᔅ᙮ 33ᐊᓐᒡ ᒪᒃ ᒥᒋ ᐊᒐᐧᑯᒡ, ᐃᔅᐱ ᑲ ᐎᐎᔅᑯᐛᒡ ᐊᓂᔭ ᓇᐸᐛ ᐊᑯ ᐊᓂᔭ ᑯᐧᑯᓴ ᑲ ᐊᓱᐱᒋᔅᑯᐛᒡ᙮ ᐊᑯ ᐊᓐᒡ ᑯᐧᑯᓯᒡ ᑲ ᔭᒥᑕᐅᒋᐸᔨᑐᒡ ᐊᓐᑕ ᐃᔅ ᓴᑲᐃᑭᓂᒡ, ᒂ ᓂᔅᑕᐸᐛᒡ᙮
34ᐃᔅᐱ ᒪᒃ ᐊᓐᒡ ᑲ ᓂᓇᑭᑐᐛᔨᒪᒡ ᑯᐧᑯᓴ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒋᑎᓯᒧᐅᒡ, ᒂ ᐎᑕᒡ ᐊᓐᑕ ᐅᑕᓇᒡ ᑭᔭ ᐊᓐᑕ ᐛᔅᑲ ᐎᐎᑎᒥᒡ ᐊᓂᔭ ᐅᑕᓇᔪᐤ᙮ 35ᒋ ᑎᑯᓯᓄᐅᒡ ᒪᒃ ᐃᔪᒡ ᐊᒋ ᐸᒋ ᓇᒋ ᐛᐸᑕᒡ ᑕᓐ ᑲ ᐃᔅᐱᔨᒡ᙮ ᐃᔅᐱ ᐛᑎᑕᒡ ᒋᓴᓴ ᒋ ᐛᐱᒪᐅᒡ ᐊᓂᔭ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᐊ ᐊᐱᔨᒋ ᒥᒋᒪ ᐊᓐᑕ ᒋᓴᓴ ᐅᓯᑎᔨᒡ᙮ ᐊᒋ ᐛᑕᐱᓱᐎᒂᓂ ᑭᔭ ᐊ ᒋᔭᒪᔨᑕᑯᓯᔨᒋ᙮ ᒋ ᑯᔅᑕᒍᐅᒡ ᒪᒃ ᐎᔭᐱᒪᒡ ᐅᔭ ᓇᐸᐛ᙮ 36ᐊᓐᒡ ᒪᒃ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᑎᐸᒋᒧᔅᑐᐛᐅᒡ ᐃᔪᐛ ᐊ ᑎᑯᓯᓂᔨᒋ ᑕᓐᑕ ᑲ ᐅᒋ ᒥᓏᑎᓯᔨᒋ ᐅᔭ ᓇᐸᐛ ᒥᒋ ᐊᒐᒂ ᑲᒋ ᐱᒋᔅᑲᑯᔨᒋ᙮ 37ᐊᓐᒡ ᒪᒃ ᐃᔪᒡ ᐊᓐᑕ ᑲᕋᓯᓐ ᐊᔅᒋᒡ ᑲ ᐅᒋᒡ ᒋ ᓴᒋᓱᐅᒡ ᐅᔭᔪᐤ ᐅᒋ ᑲ ᐃᔅᐱᔨᒡ ᐊᑯ ᒂ ᑯᒂᒋᒪᒡ ᒋᓴᓴ ᒐᒋ ᓂᑭᑎᑯᒡ᙮ ᐊᑯ ᒋᓴᔅ ᒂ ᐳᓯᑦ ᐅᑦ ᐅᐤᑐᐛᐤ ᐊᑯ ᒂ ᐊᑎ ᒋᐛᐅᑦ᙮
38ᐊᓐ ᒪᒃ ᓇᐸᐤ ᑲᒋ ᐱᒋᔅᑲᑯᑦ ᒥᒋ ᐊᒐᒂ ᓇᔅᒡ ᒋ ᐎ ᐎᒐᐛᐤ ᒋᓴᓴ᙮ ᒋᓴᔅ ᒪᒃ ᒋ ᒋᑎᓴᐛᐤ ᐊᒋ ᐃᑕᑦ, 39“ᒪᒋ, ᒋᐛ᙮ ᒐ ᓄᑯᑕᔨᓐ ᑕᓐ ᑲ ᐃᓯ ᐃᑐᑎᒪᔅᒃ ᒋᓴᒪᓂᑐᐤ᙮” ᐊᐅᒄ ᒪᒃ ᑲ ᐃᑎᑦ ᐊᓐ ᓇᐸᐤ᙮ ᒥᓯᐛ ᐊᓐᑕ ᐅᑕᓇᒡ ᒋ ᑎᑎᐸᒋᒧᐤ ᑕᓐ ᑲ ᐃᑐᑎᒪᑯᑦ ᒋᓴᓴ᙮
ᒐᐃᕋᔅ ᐅᑕᓂᓴ ᑭᔭ ᐊᓐ ᐃᔎᐤ ᒋᓴᓴ ᐅᑦ ᐊᑯᐱᔪᐤ ᑲ ᑕᒋᓂᒺᑦ
ᒪᑎᔪᐤ 9.18-26; ᒪᕐᒃ 5.21-43
40ᐃᔅᐱ ᒥᓐ ᑲᐤ ᑲ ᒥᓯᑲᑦ ᒋᓴᔅ ᐊᓐᑕ ᒂᔅᑕᒐᑲᒻ ᓴᑲᐃᑭᓂᒡ ᒋ ᒥᔽᔨᑎᒥᔪᐛ ᒥᒐᑦ ᐊᐛᔪᐛ, ᐛᔅ ᒥᓯᐛ ᒋ ᐊᓱᐛᐱᒥᑯᐤ᙮ 41ᐊᑯ ᑲ ᑎᑯᓯᐧᒃ ᓇᐸᐤ ᒐᐃᕋᔅ ᐊ ᐃᓯᓂᐧᑲᓱᑦ, ᐊ ᐅᒋᒪᐧᑲᑕᐧᒃ ᒍᐤ ᐊᔭᒥᐊᐅᒋᐛᐱᔪᐤ, ᑲ ᐸᒋ ᐅᒋᒋᐧᑯᓂᐱᔪᐅᑦ ᒥᒋᒪ ᒋᓴᓴ ᐅᓯᑎᔨᒡ ᓇᔅᒡ ᐊ ᓂᑐᐛᔨᒪᑦ ᒐᒋ ᑎᑯᓯᓂᔨᒋ ᐊᓐᑕ ᐎᒋᒡ, 42ᐛᔅ ᐊᓂᔭ ᑲ ᐸᐃᑯᓯᔨᒋ ᐅᑕᓂᓴ ᑲ ᓂᓱᓴᐳᓇᓯᔨᒋ, ᒐᑲᑦ ᒋ ᐳᓂᐱᒪᑎᓯᔪᐛ᙮
ᒪᒂᒡ ᒪᒃ ᐊᓂᔭ ᐊ ᐊᑎ ᐱᒧᑕᑦ ᒋᓴᔅ ᒥᒐᑦ ᐊᐛᔪᐛ ᒋ ᓯᑎᔅᑲᑯᐤ᙮ 43ᒋ ᑕᐤ ᒪᒃ ᑭᔭ ᐊᓐᑕ ᐃᔎᐤ ᓂᓱᓴᐳᓇ ᐊᒋ ᐅᓂᑕᑦ ᐅᒥᐧᒄ᙮ ᒥᓯᐛ ᒐᒂᔪᐤ ᑕᓐ ᑲ ᐃᓯ ᐊᔭᑦ ᒋ ᒥᔭᓯᐱᓐ ᓂᑐᐧᑯᐃᔨᓴ ᐊ ᒋᓯᐧᑯᐛᑦ ᒐᒋ ᐎᒋᐃᑯᑦ, ᓇᒪ ᒪᒃ ᐛᐛᒡ ᐸᐃᒂᐤ ᐅᒋ ᐎᒋᐃᑯᐤ᙮ 44ᐅᔅᐱᔅᑯᓂᔨᒡ ᒂ ᐅᒋ ᐸᒋ ᓇᑕᑦ ᒋᓴᓴ, ᒂ ᑕᒋᓂᒺᑦ ᐊᓐᑕ ᐊ ᐎᓂᔎᑭᓂᔨᒡ ᐊᓂᔭ ᐅᑦ ᐊᑯᐱᔪᐤ᙮ ᑎᐛᒡ ᒪᒃ ᒋ ᒋᒋᒥᑯᔪᐤ ᐅᒥᐧᒄ᙮
45ᐊᑯ ᒋᓴᔅ ᒂ ᐃᔅᒋᔄᑦ, ᐊᐛᓐ ᑲ ᐸᒋ ᑕᒋᓂᑦ ? ᓇᒪ ᒪᒃ ᐊᐛᓐ ᐅᒋ ᒋᔅᑐᐤ ᐊᑯ ᐱᑕᕐ ᒂ ᐃᑕᑦ, “ᒋᔅᑯᑎᒪᒐᓱᐤ, ᒥᒐᑐᐅᒡ ᐊᐛᓐᒋ ᐊ ᓯᑎᔅᑲᔅᒡ᙮ ᐃᔭᐱᒡ ᒪᒃ ᐊ ᐃᔅᒋᔄᔨᓐ ᐊᐛᓐ ᑲ ᐸᒋ ᑕᒋᓂᑦ ?”
46ᒋᓴᔅ ᒪᒃ ᒋ ᐃᔅᒋᔄᐤ, “ᓂ ᒋᔅᒐᔨᑕᓐ ᐊᐛᓐ ᐊᒋ ᐸᒋ ᑕᒋᓂᑦ᙮ ᐛᔅ ᓂᒋ ᒧᓯᑕᓐ ᒥᔅᑯᓯᐅᓐ ᐊ ᐎᐎᐱᔨᒡ ᐅᑕ ᐊ ᑕᔭᓐ᙮”
47ᐃᔅᐱ ᒪᒃ ᑲ ᒋᔅᒐᔨᑕᐧᒃ ᐊᓐ ᐃᔎᐤ ᐊ ᒋᔅᒐᔨᒪᑭᓄᐅᑦ ᑕᓐ ᑲ ᐃᑎᑦ ᐊᑯ ᑲ ᐸᒋ ᐃᑐᑕᑦ ᐊᓐᑕ ᓂᑲᓄᒡ᙮ ᒂ ᐊᑎ ᐅᒋᒋᐧᑯᓂᐱᔪᐅᑦ ᐅᑎᔅᑯᐤ ᐊᓐᑕ ᒋᓴᓴ ᐊ ᑕᔨᒋ ᐊ ᓂᓇᒥᐱᔨᑦ ᐊ ᐃᔅᐱᔅ ᓴᒋᓯᑦ᙮ ᐊᑯᑕ ᒪᒃ ᐊᓐᑕ ᐅᑎᔅᑯᐤ ᒥᓯᐛ ᐊᐛᔪᐛ ᐊ ᑕᔨᒋ ᑲ ᐎᑕᐧᒃ ᒐᒂᔪᐤ ᐛᒋ ᑕᒋᓇᑦ ᑭᔭ ᑎᐛᒡ ᐊᒋ ᒥᓏᒋᐊᑭᓄᐅᑦ᙮ 48ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔎᐛ, “ᐃᔎᐤ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮ ᒪᒋ ᒋᔭᒪᔨᑎᒧᐅᓂᒡ ᐃᔅ᙮”
49ᒪᒂᒡ ᒪᒃ ᐊ ᐃᔨᒥᑦ ᒋᓴᔅ, ᒋ ᑎᑯᓯᓄᐤ ᓇᐸᐤ ᒐᐃᕋᔅ ᐊ ᑕᔨᒋ ᐊ ᐅᑐᑕᑦ ᒐᒋ ᐸᒋ ᐃᑕᑦ ᐊᓂᔭ ᒐᐃᕋᓴ, “ᓴᔅ ᓇᒪ ᐱᒪᑎᓯᐤ ᒋᑕᓂᔅ᙮ ᐊᑲᐎᔾ ᒪᒃ ᐊᑯᔅ ᐅᑎᒥᐃ ᒋᔅᑯᑎᒪᒐᓱᐤ᙮”
50ᐃᔅᐱ ᒪᒃ ᐱᔭᑕᐧᒃ ᐅᔭ ᒋᓴᔅ ᒋ ᐃᑕᐤ ᐊᓂᔭ ᒐᐃᕋᓴ, “ᐊᑲᐎᔾ ᐊᔨᒪᔨᑕ᙮ ᒥᒄ ᑕᑈᑕ, ᐛᔅ ᒋᑭ ᒥᔪ ᐱᒪᑎᓯᐤ ᒋᑕᓂᔅ᙮”
51ᐊᑯ ᒂ ᐃᑐᑕᒡ ᒐᐃᕋᓴ ᐎᒋᔨᒡ᙮ ᐃᔅᐱ ᑲ ᐅᑎᑕᒡ ᐊᓂᔭ ᒥᒋᐛᐱᔪᐤ, ᓇᒪ ᑯᑎᑲ ᐊᐛᔪᐛ ᐅᒋ ᐱᔅᑎᓇᐤ ᒋᓴᔅ ᒐᒋ ᐎᒐᐅᑯᑦ ᐊ ᐱᒐᑦ, ᒥᒄ ᐱᑕᕋ, ᒠᓇ, ᒋᒥᓴ ᑭᔭ ᐊᓂᔭ ᐅᓂᒋᐃᑯᔪᐛ ᐊᓂᔭ ᐃᔎᓴ᙮ 52ᒥᓯᐛ ᐊᐛᓐᒋ ᐊᓐᑕ ᑲ ᑕᒡ ᒋ ᒪᐅᒡ ᐊ ᒥᑕᑕᒡ ᐊᓂᔭ ᐃᔎᓴ᙮ ᐊᑯ ᒋᓴᓴ ᒂ ᐃᑎᑯᒡ, “ᒋᒺᒄ ᐊ ᒪᔭᒄ᙮ ᑕᐸ ᐛᔅ ᐊᓐ ᓂᐳᐤ, ᒥᒄ ᓂᐸᐤ᙮”
53ᐊᑯ ᒂ ᐅᓯᓄᐛᒡ ᐛᔅ ᒋ ᒋᔅᒐᔨᒪᐅᒡ ᑕᑈ ᐊ ᓂᐱᔨᒋ ᐊᓂᔭ ᐃᔎᓴ᙮
54ᒂ ᐱᒐᒡ ᒋᓴᔅ ᐊᓐᑕ ᒥᒋᐛᐱᒡ, ᒂ ᓂᑐᐛᐱᒪᑦ ᐊᓂᔭ ᐃᔎᓴ, ᒂ ᐅᑎᓂᒺᑦ ᐅᑎᒋᔪᐤ ᐊ ᐃᑕᑦ, “ᐃᔎᔅ ᐅᓂᔾ᙮” 55ᐊᑯ ᒪᒃ ᑲᐤ ᒂ ᐱᒋᔅᑲᑯᑦ ᐅᑦ ᐊᒐᒂ ᐊᓐ ᐃᔎᔅ, ᒂ ᐅᒋ ᐅᓂᑦ᙮ ᐊᑯ ᒋᓴᔅ ᒂ ᐃᑎᓱᐛᑦ ᒐᒋ ᐊᓯᒪᑭᓄᔨᒋ᙮ 56ᐊᓂᔭ ᒪᒃ ᐅᓂᒋᐃᑯᔪᐛ ᓇᔅᒡ ᒋ ᑯᔅᑯᐱᔪᐛ᙮ ᐊᑯ ᒂ ᐃᑎᑯᒡ ᒋᓴᓴ ᒐ ᐊᑲ ᒋ ᐎᑎᒧᐛᒡ ᐊᐛᔪᐛ ᑕᓐ ᑲ ᐃᔅᐱᔨᒡ᙮
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada