John 11
11
Chapter 11.
1NUNG īlthing-a Lazarus hin kyā Bethany ilnagai gu stigan, Mary isgien Martha il kwai ishin gyā gu ijan gu-a.
2Mary ū Shalana tō alth tōdaian gien, il stai ishin kutsung alth il gīshouon, althunis dā Lazarus ū stigan.
3Waigien il jasalung la ā tukilkaidan, Shalana, nung dung kwōyādas stigung, waigien hin il shū-āwon.
4Waigien tlistleūon Jesus gudang-andlu, Adshi stigai gum kotal un isang-gung, Shanuug-itlagadas un yāgūdung-gai un tlou ijung, Shanung-itlagadas Git un alth yāgūdung-gai una, hin il shouon.
5Waigien Jesus Martha isgien, il dōn ishin, Lazarus ishin kwōyādaian.
6Waigien il stigan il gudang-andlu gyāgu il ijan gu shin stung hawun il ijan.
7Waigien althji dlā, Housen Judæa ā talung istīidsun, hin gyang disciplesgai il shudaian.
8Rabbi, Jews haade itan kwau alth dung kunlthūe da gudung-gun; waigien gu housen ā dung kaidshā-ūsh? hin lagia disciplesgai il shudaian.
9Gum gu shin shoshgu gushgīt tlāalth waugu stung-gung-ung-ūsh? Otgasdlu nung kāsdlu, gum il dl-dulthdagung-ung-gung, adshi hēt-tligai otgagai il kensi altha.
10Algwau nung kāsdlu tlou, il dl-dulthda-gung-gung, gum otgagai la ā isans altha, hin Jesus hanglthang shouon.
11Ashgai il shudaian; waigien waudlā, Itil tou-i Lazarus kotīgan; waigen la lth tla-shkinie un la ā lth kaidung, hin la il shudāwon.
12Shalana, il kotīsdlu il ligulthshang, waigien hin ga disciplesgasgai il shudaian.
13Waigien il kotulths ū Jesus shudaian; hing-an il kotīs ū il shudang il gudung-āwon.
14Waudlu hin Jesus duman la ga shudāwon, Lazarus kotulgung;
15Waigien dalung agunan gum gu lth isang-gun alth di guduug-ai lāgung, di dalung yetdie una; hīkwon la ā talung istiidsun, hin la il shudāwon;
16Waigien Thomas, Didymus hin kyāgan, Talung ishin isdsun, la alth itil kotulthgie una, hin la alth ga disciplesgasgai il shudaian.
17Althji alth tlistleuon Jesus katlagandlu, shin stunshung shalthung-nagai ā il ijan il kang-an.
18Waigien Bethany Jerusalem un āanā-gan, furlong tlāath waugu tlēlth dlu wau sta jīng-āgan;
19Waigien Jews haade kwon Martha un isgien Mary un ishin istlagan, dā-ung ā il gu-danung-wos il gudung-ai wau tl esāateshgāawe una.
20Waigien Jesus kas Martha gudang-andlu, la ā il kaidan; Mary tlou hawun anā kou-aian.
21Shalana, adlun dung ijasdlu, di dā gum kotulthsga-ung-ahung-gung.
22Waigien wēt-hun tliku Shanung-itlagadas alth gin da dung kiānuns ging-an Shanung-itlagadas dung ga isdāases un di ūnshidung, waigien hin Martha Jesus shudaian.
23Dung dā housen kalthūashang, hin Jesus il shudaian.
24Shantlan ōstlasdlu tl kalthougadunsdlu housen il kalthū-ases un di ūnshidung, hin Martha il shudaian.
25Di ū kotal sta tlakālthūe isgien henung-gai ishin ijung; di nung yetdasdlu, il kotulthskianan, il hēnung-āashang;
26Waigien nung hēnung-as gien, ishin di il yetdasdlu, gum il kotulth-swonung-ungashang. Adshi gu dung yetdi? hin Jesus il shudaian.
27Āng, Shalana, Shanung-itlagadas Git, nung Christgas dung isis, hēt-tligai gu katlas, lth yetdagun, hin la il shudaian.
28Waigien tlistleuon hin il shugīgandlu il kaidan gien, tla hung īlā Mary dōn-ung un il ai-ang-an, Nung Itlagadas adlun ijung, waigien dung un il ai-ing-gung, waigien hin il shouon.
29Waigien tlistleuon il gudang-andlu, hawīdan il giāagan gien, la ā il kaidan.
30(Gum hawun Jesus iluagai gu katla-ang-an, waigien gyāgu Martha la un katlagan gu hawun il ijan).
31Waudlu Jews haade anā la alth ījan il gudung-ai wau tl esatajan, tlistleuon Mary hawīdan giāgan gien il kagōlthāgankang-andlu, la dlā tl istīidan, sailthie un shalthung-nagai ā il kaidung tl gudang-an altha.
32Tlistleuon Mary gyāgu Jesus ijan un katlagandlu, la il kang-an gien, la hetgu il tīgūstlūaian, Shalana, adlun dung ijasdlu, di dā gum kotulthsga-ung-ahung-gung, waigien hin la il shudaian.
33Waigien il sailthas isgien, Jews haade la alth ijan ishin saigas tlistleuon Jesus kang-andlu, gudung-ung il lthing-ang-an gien, il gudung-ai lthkwīdistlaian,
34Gitlānu la dalung dlisdlaiang? waigien hin il shouon. Utla, Shalana, keng-āltha, hin la tl shudaian.
35Jesus sailthaian.
36Yenki la il kwōyādaian! waigien hin Jews haade shouon.
37Anung īlthing-as nung hung-i-kaga tla-helth-ilthgagun gu anung īlthing-as ishin gum kotal ādan isdalthing-ang-ūja? tl tīch tlou hin shouon.
38Waigien Jesus housen agung lthing-ang-an gien, shalthung-nagai ā il kāgan. Dīn ū ijan gien, kwau keu-e ā dakētajagan.
39Kwau-e lth tligwi wau sta isdū, hin Jesus shouon. Shalana, wēt il shgūnēlgung, il kotulgun sta shin stunshuns altha, hin Martha, anung kotalan jas, il shudaian.
40Di dung yetdasdlu, Shanung-itlagadas gia un yāgūdung-gai dung keng-ashang, gum gu hin dung lth shudang-ūja? hin Jesus il shudaian.
41Althji alth kwau-e tligwi tl kēstlaian. Waigien Jesus shi ga kēilthaian gien, Aung-a, di kil dung gudung-gun sing dung ā lth kil-lāgung.
42Waigien di kil dung gudung-gīs un di ūnshidung; waigien ga shkūlas di odō tljūgians agunan lth shugung, di dung kilkaidun tl yetdie una, hin il shouon.
43Waigien hin il shugīgandlu, Lazarus, kātlāltha, kwūnan hin il shouon.
44Nung kōtulāgan kātlāgan, waigien il stlai isgien, il stai odō ishin kotal ginagai ijan; waigien il hung odō ishin giang-u ijan. La ai sta lth tlāadū, waigien il kaidū, hin Jesus tl shudaian.
45Waigien Jews haade kwon Mary un istlagan gin il isdas kang-andlu, la tl yetdēilan.
46Tl tīch tlou Pharisee haade ā istīidan gien, Jesus gin isdaian unsta tla ga tl shouon.
47Waigien liplēt un ga itlagadas isgien, Pharisee haade ishin, council haade gudā isdaian gien hin tl shouon, Gushintlou talung ēdung-ūjung? anung īlth-ing-as gin kang-ūdsada kwon isdas altha.
48Kwai la talung waudasdlu, tl haada wautliwon il yetdāashang; waigien Rome haade istlas gien, itil gia tligai isgien, gwaigang-ai ishin ītlang-a tl isdāashang, hin tl shouon.
49Waigien tl swon, Caiaphas hin kyāgan, althsgai tudie gut liplēt un ītlagadāgan, hin tl shudaian, Gum lthing-an gin un dalung ūnshidang-gung,
50Tl haada agunan nung swonshung kotulths gien, gwaigang-ai wautliwon gum gūung-ai ishin dalung un las gum ai dalung kēidang-gung, hin tla il shudaian.
51Gum la kodan adshi shudang-an; althsgai tudie gut liplēt un il ītlagadāgan alth ū, gwai-gang-ai agunan Jesus kotulthangkashagan unsta il shouon;
52Waigien gum althji gwaigang-ai agunan swonan il kotulthangkasha-ang-an, Shanung-itlagadas gitalung tligwonan kogūstlāwos tliga swonshung ā gudā il isdie un ishin il kotulthangkashagan.
53Ālthji alth ū althsgai shantlanai sta tliku la tl tīitljū-e ā tl kāūgagang-an.
54Waigien Jesus gum housen Jews haade hang-gu kāwong-ang-an, lana Ephraim hin kyā, tligun-lthang-an tligai un dōng-āgan ā tlou sta il kaidan; waigien gai-gu gyang disciplesgai dung-alth il ijan.
55Waigien Jews haade gia passover-gai dōng-ēlan; waigien passover-gai kōnast agung tl tla-shkwūnie un tl kwon tligai sta Jerusalem ā ijan.
56Waigien Jesus da tl kang-an, waigien templegai ā tl tljūgiang-andlu gudā tl gushouon, Gushinū dalung gudung-gung? gum gu lagunūng-ai ā il kāung-ash? waigien hin tl shouon.
57Nung haada tlījan il isis un ūnshidsdlu, unsta il shougai lāgung, hin liplēt un ga itlagadasgai isgien, Pharisee haade ishin tuking-gogang-an, la tl isdie una.
Nu markerat:
John 11: HAIDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society 1891-1899.
