John 8
8
Chapter 8.
1JESUS tlou Olives tldāwe gwī kulthaian.
2Waigien sing-ai-hun housen temple-gai ai il kudsaian, waigien haadgai wautliwon la un istlagan, waigien il kou-on gien, gin tla il shkotadaian.
3Waigien tukālung-lēalung isgien Pharisee haade ishin nung jada nuog kulat alth tīdaian ai tl isdaian; waigien tla yakosīa la tl giadaiandlu,
4Nung itlagadas, anung jadas nung kulat alth tīdagundān tl gitsgilthdagun.
5Hin nung etsdlu, kwau alth la talung kukōtulai lang king-gogung-ai ā Moses itil king-gogang-an; Gushinu da tl la ā kilthilth-shang? waigien hin Jesus tl shudaian.
6Waigien il ede kilkang-gai un adshi tl shudaian, la hanltha gin unsta shougai un tl dāēle una. Hing-an Jesus hēt gūjālan gien, stlang alth tligai il kālang-an.
7Waigien tlistleuon la alth tl kianung-hunsgadandlu, il giāatlagan gien, Dalung shu dāung-a ādan nung isdlu, la ū kwau alth il kut-tlagang-ai lāgung, hin tla il shudaian.
8Waigien housen hēt il gūjālan gien, stlang alth tligai il kālang-an.
9Waigien tlistleuon tl gudang-andlu, gū-dlā agung tl tudling-āwēidan, ga kēasgai istlagang-an gien, waudla ga dlailas ishin ijan; waigien Jesus swonan tla silia ijan gien, nung jadas tla ya-kosia ijan ishin.
10Waigien Jesus giāatlagan gien, Nung jadas, gitlānū tl ijung? gum gu dung nung gingkilisalung-ung-ūja? hin la il shudaian.
11Gāanū, Shalana, waigien hin il shouon. Ltha ishin gum clung ging-kilisalung-ung-ashang; kaidltha; gum lth housen adshi sta gin dāung-a isdā-ang-ung, waigien hin Jesus shouon.
12Waigien Jesus housen tla ā gushouon, Hēt-tligai otgagai ū di ijung; di dla nung kas ū gum alga ai kā-ung-ashang, hēnung-a otgagai tlou il dāashang, waigien hin il shouon.
13Da kodan agung shudang; gin unsta dung shus gum yenki edang-gung, waigien hin Pharisee haade il shudaian.
14Jesus hin hanglthang tl shudaian, Ltha kodan agung shudas-kianan, gin unsta lth shūs yenki ēdung; tlījī sta lth ijun isgien, tlījan ga lth isangkasas ishin un di ūnshits altha; dalung tlou tlīji sta lth is isgien, tlījan ga lth isangkasas ishin gum un ūnshidang-gung.
15Tl lthū swonan dalung kens gien dalung ging-kilisalung-gung-gung; ltha tl gum nung ging-kilisa-lung-gung-ung-gung.
16Waigien lth tuging-kilisalunsdlu, ging-kilisalung-ai yenki dīna ēdung; gum ltha swonan isans altha, ltha isgien di Aung di kilkaidun ishin ijūng.
17Waigien tl haada stung gin unsta shusdlu, yenki edung dalung gia king-gogung-ai ā ishin kālung-āgung.
18Ltha unsta-gang shūs gien, di Aung di kilkaidun ishin di unsta shugung, hin Jesus shouon.
19Gitlanu dung Aung ijung? waigien hin la tl shudaian. Di isgien di Aung ishin gum un dalung ūnshidang-gung; di un dalung ūnshidasdlu, di Aung un ishin dalung ūnshitlthing-āgung, hin Jesus hanglthang shouon.
20Temple-gai a gin tla il shkotadaiandlu, giā dāla isis ā ashgai gushue il shudaian; waigien gum la nung gitsgīlthdāang-an, gushgut gum hawun waudlu lang-a ēlthang-an altha.
21Waigien hin housen tla il shudaian, Lth kaidung-kashang, waigien di da dalung keng-ashang, waigien hawun gin dā-ung-a dalung isdagundān dalung kōtulthgāashang; tlījan ga lth kaids gu gum dalung istlalthing-āng-gung, hin tla il shudaian.
22La gu agung tīāash, Tlījan ga lth kaids gu gum dalung istlalthing-āng-gung hin il shūs altha? waigien hin Jews haade shouon.
23Hēt sta dalung ijung; ltha tlou sha sta ijung; adshi hēt-tligai sta dalung ijung; ltha tlou gum hēt-tligai sta isang-gung.
24Althji alth hawun gin dā-ung-a dalung isdagundān dalung kōtulthgāashang dalung lth shudagun; ltha isis dalung yetdie gūsdlu, hawun gin dā-ung-a dalung isdagundān dalung kōtulthgāases altha, waigien hin tla il shudaian.
25Gīshdū dung ijung? waigien hin la tl shudaian. Dalung ga nung-lth shudagīgīni ū lth ijung.
26Dalung edē gin kwon lth shudas gien, ishin ging-kilisalung-ai da di gudung-gung; waikian di nung kilkaidun yenki ēdung; waigien la sta gin lth gudung-gun hēt-tligai gu unsta lth shugung-gung, hin Jesus shouon.
27Aung-ung edē tla ā il shudas gum un tl ūnshidang-an.
28Waigien Jesus hin shouon, Tlistleuon nung haada Git shi ga dalung isdagīsdlu, ltha is isgien, gum gūstgang-an ishin gin lth isdāans gien, nung Aung-as gin di shkotadagun ging-an tl ashgai lth shudas waudlu un dalung ūnshidulthshang.
29Waigien di nung kilkaidun di alth ijung; gum di swonan il tutlisdla-ang-gun; la gwudākw gin ets lth isdagīs altha, hin Jesus shouon.
30Hawun ashgai il shudagundān tl kwon il yetdēilan.
31Di kilth ging-an dalung etgīsdlu giagun disciplesgai yikī dalung isīlgung-gung;
32Waigien yenki gin ets un dalung ūnshidulths gien, yenki gin ets dalung ging-akāanēlthshang, Jews haade il yetdēilan hin Jesus shudaian.
33Abraham gitalung itil ijung, waigien gum hawun nung haada swonshung-un-hun itil haldansidāang-gun; Dalung akāanelthshang gushintlou hin dung shugung? hin hanglthang la tl shudaian.
34Jesus hin hanglthang tl shudaian, Yenkien, yenkien dalung lth shudang, Tl wautliwon-hun gin dā-ung-a isdas gin dā-ung-a un haldansidāgung.
35Waigien nung haldung-a gum nai ā isswonung-gung-ung-gung; nung gitas tlou ā is-swonung-gung.
36Althji alth nung Gitas dalung akāanēlth-dasdlu, yenki dalung akāanēlthshang.
37Abraham gitalung dalung is un di ūnshidung; waikian di tīie da dalung gudung-gung, di kil gum dalung gudung-ai ai islthing-ans altha.
38Aung-ung kwulth gin lth keng-gun ū lth shudang; waigien aung-ung sta gin dalung gudang-an dalung ishin isdagung-gung, hin Jesus hanglthang tl shudaian.
39Abraham ū itil āung ijung, waigien hin hanglthang la tl shudaian. Abraham gitalung dalung isisdlu, Abraham ging-an dalung ēt-lthing-āgung.
40Wēt tlou di tīie da dalung gudung-gung, yenki gin et Shanung-itlagadas sta lth gudung-gun dalung ga lth shudagun-kianan-a. Gum hin Abrabam ēdang-an.
41Aung-ung ging-an dalung ēdung, hin Jesus tl shudaian. Gum tligwonan itil kai-wiang-gung; itil Aung swonshung-gung, Shanung-itlagadas-a, hin la tl shudaian.
42Jesus hin tl shudaian, Shanung-itlagadas dalung Aung isdlu, di dalung kwoyād-althing-āgung, sta lth katlagun gien, Shanung-itlagadas sta lth katlagun altha; gum gūstgang-an lth katla-ang-gun altba; la ū di kilijun.
43Gushintlou gum di kil un dalung ūnshidang-gung? gum di kil dalung gudanlthing-ans altha.
44Hetgwaulana dalung aung is sta dalung ijung, waigien dalung aung gin dā-ung-a ga stalthas isdie da dalung gudung-gung. Kwūnstie sta-hun il ladialēgagan, waigien gum yenki gin et ā il giang-ang-an, gum yenki gin et la ā isans altha. Il kilthgadunsdlu, la ū gyang shudagung-gung; il kilthgadang-lēgas gien, ishin un il aung-as altha.
45Ltha tl yenki gin et shudas alth, gum di kil dalung yetdang-gung.
46Dalung swon gu di dā-ung-as kenda-lthing-a? yenki gin et lth shudasdlu, gushintlou gum di kil dalung yetdang-gung?
47Shanung-itlagadas gia nung isis Shanung-itlagadas kil gudung-gung-gung; althji alth ū gum dalung gudung-gung-ung-gung, gum Shanung-itlagadas gia dalung isans altha, hin Jesus tl shudaian.
48Dung Samaria haadas gien, hants dā-ung-a dung ā ising gu gum yenki talung shūgung-ung-ūsh? hin Jews haade waigien hang-lthang il shudaian.
49Jesus hin hanglthang shouon, Gum hants dā-ung-a di ā isang-gung; Aung-ung ga tlou lth gūtgīdung-gung, dalung tlou di un nung-āgung-gung.
50Gyang un-yāgūdung-gai da tlou gum lth keng-gung-ung-gung; nung swonshung da kens gien, ishin tla il ging-kilisalung-gung-gung.
51Yenkien, yenkien dalung ga lth shu-gung, Nung haada di kilth ging-an etsdlu, gum kotal il keng-swonūng-ung-ashang, hin Jesus hanglthang shouon.
52Jews haade hin il shudaian, Wēt hants dā-ung-a dung ā is un itil ūnshidulgung. Abraham kōtalan; ga prophetgasgai ishin; waigien, Nung haada di kilth ging-an etsdlu, gum kotal il kōkōdung-swonung-ung-ashang, hin dung shugung.
53Abraham itil Aung kōtalan telg gu dung etūsh? ga prōphetgasgai kōtulthgaian ishin; gīshdū agung dung isīlthdang? hin Jews haade il shudaian.
54Jesus hin hanglthang shouon, Ltha kodan kenung yāgūdung-ādasdlu, un-yāgūdung-gai ging-gang-an dīna ēdlthing-āgung; di Aung ū di un-yāgūdung-ādang; la ū dalung Itlagida ising dalung shugung;
55Waigien gum la un dalung ūnshidang-gung; di tlou la un ūnshidung; waigien gum la un di ūnshidang-ung lth shusdlu, dalung ging-an di kilthgadang-lēgalthing-āgung; di tlou la un ūnshits gien, il kilth ging-an ishin lth ēdung-gung.
56Giagun shantlanai dalung aung Abraham kang-andlu, tlika il gwūlāgan; waigien il kang-an gien, il gudung-ai lāgan, hin Jesus hanglthang shouon.
57Gum hawun dung da tuda tlāale tlē-lthang-gung, waigien gu Abraham dung kanga? hin Jews haade il shudaian.
58Yenkien, yenkien dalung ga lth shugung, Abraham ijan kōnast-hun di ijun, hin Jesus tl shudaian.
59Itan il kunlthūe un kwau tl isdaian; waigien Jesus agung dudl-lthaian gien, templegai sta il kāgwaulan.
Nu markerat:
John 8: HAIDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society 1891-1899.
