Baɗitari 11
11
Mbwa Na Nal Ar Babila
1Akwa saka na ndaga shanga mjir duniya ni ka mnyar ɗa duku, tsuwa lakur gari arɗa shang duku. 2Apatə mji ni akwa ɗu ka mwari təbwar raghəi, antə da ku sə si akwa bəbal laga akwa Shinar ka ndzəndzi anda. 3Antə da pəla aka nvwa ɗa, “Asər giri ka mburu tsa birku ka mburu mbangkər u'u ka thləlɓəla ni ɓɗaku.” Antə da ku hara kəthlər ka birku ni ata vəya pela, ka kəthlər ka kwalta ata vəya həi. 4Antə da pəla, “Asər giri ka mburu həntə bərni aka kər mburu, ka mburu həntə hən na nal na ata tsəkwar hyel, kamnyar ka mburu hara thləm, kamnyar ta mburu asə titiləmtadzi ata kəra shanga duniya.”
5Antə MTHLAKU ku səghəi kamnyar ka tsa wutə bərni ka hən na nal tə mji akwa hənari ni. 6Antə MTHLAKU pəla abbər, “Nggədza shanga mji ngəni su duku, tsuwa shanga ɗa mnyar ɗa duku. Tsuwa ngəni an su tə da baɗitə harari ma daci. Ngəni ku ncanta abbər su aɗi tə da pəla da ata harari ka suari mula ala ɗa wa. 7Mbura ləghəi ka mburu shushwantə mnyar ɗa, tə da aɗi ata mzhi nggatə mnyar nvwa ɗa kəra wa.” 8Apani antə MTHLAKU ku titiləmta ɗa ciju ata kəra shanga duniya, antə da ku zhar hən bərni ni. 9Kamnyar ngəni antə mdə ku kəga thləma bərni ni Babila, kamnyar anda antə MTHLAKU ku shushwanta shanga mnyar mjir duniya. Anda antə MTHLAKU titiləmta ɗa akwa kəlara bwayeri na ata kəra duniya.
Kəkayeri Ar Shem
(1 Lab Wac 1:24-27)
10Nayeri ni an labar ar mjir nyarmbwar Shem. Sakatə Shem ku hara məva aru pal antə tsa yaɓəla ɓzərni ka vəta alari thləm abbər Arpakshad, məva suɗa aghəla yimər avava ni. 11Antə Shem ku jaktə hara məva aru ntəfu aghəla tə tsa yaɓəla Arpakshad, ka wutə maɗankyar damwa shili ka mwanki.
12Sakatə Arpakshad ka məvari makkumari ka ntəfu, antə tsa yaɓəla ɓzərni ka vəta alari thləm abbər Shela. 13Arpakshad ku jaktə hara məva aru nfwar ka makər aghəla tə tsa yaɓəla Shela, tsuwa tsa ku wutə maɗankyar damwa shili ka mwanki.
14Sakatə Shela ka məvari makkumari antə tsa yaɓəla ɓzərni ka vəta alari thləm abbər Eber 15Shela ku jaktə hara məva aru nfwar ka makər aghəla tə tsa yaɓəla Eber, tsuwa tsa ku wutə maɗankyar damwa shili ka mwanki.
16Sakatə Eber ka məvari makkumari ka nfwar antə tsa yaɓəla ɓzərni ka vəta alari thləm abbər Peleg. 17Antə Eber ku jaktə hara məva aru nfwar ka makkumari aghəla tə tsa yaɓəla Peleg, tsuwa tsa ku wutə maɗankyar damwa shili ka mwanki.
18Sakatə Peleg ka məvari makkumari antə tsa yaɓəla ɓzərni ka vəta alari thləm abbər Reyu. 19Antə Peleg ku jaktə hara məva aru suɗa ka əmdla aghəla tə tsa yaɓəla Reyu, tsuwa tsa ku wutə maɗankyar damwa shili ka mwanki.
20Sakatə Reyu ka məvari makkumari ka suɗa antə tsa yaɓəla ɓzərni ka vəta alari thləm abbər Serug. 21Antə Reyu ku jaktə hara məva aru suɗa ka murfa aghəla tə tsa yaɓəla Serug, tsuwa tsa ku wutə maɗankyar damwa shili ka mwanki.
22Sakatə Serug ka məvari makkumari antə tsa yaɓəla ɓzərni ka vəta alari thləm abbər Nahor. 23Antə Serug ku jaktə hara məva aru suɗa aghəla tə tsa yaɓəla Nahor, tsuwa tsa wutə maɗankyar damwa shili ka mwanki.
24Sakatə Nahor ka məvari sərkumari ka əmdla antə tsa yaɓəla ɓzərni ka vəta alari thləm abbər Tera. 25Antə Nahor ku jakə hara məva aru pal ka kumnya əmdla aghəla tə tsa yaɓəla Tera, tsuwa tsa ku wutə maɗankyar damwa shili ka mwanki.
26Aghəla tə Tera ku hara məva murfəkumari antə tsa yaɓəla Ibram, Nahor ka Haran.
Kəkayeri Ar Tera
27Ngəni an labar ar mjir nyarmbwar Tera. Tera an yaɓəla Ibram, ka Nahor, ka Haran. Antə Haran an yaɓəla Lot. 28Haran ku mti ɗəm ta baba'ni, tsu akwa Ur ar Kaldiya, bərni tə mdə ya ni akwa. 29Antə Ibram ka Nahor ku kəl mwanki. Ar Ibram thləma mwalarni an Saraya, ar Nahor tsuwa thləma mwalarni an Milka, ngkwar Haran na baba' Milka ka Yiska. 30Saraya aɗi ka ɓzər wa, tsa mwalaciri.
31Antə Tera ku kətə ɓzərni Ibram, ka kəkarni Lot na ɓzər Haran, ka Saraya na mwalar ɓzərni, ka mwalar Ibram. Antə shanga ɗa ku təra kazhar Ur na akwa tsəɗi Kaldiya ka mwari akwa tsəɗi Kanana. Amma sakatə da ku mzhitə Haran, antə da ndzəndzi anda. 32Hangkur məvar Tera an aru suɗa ka ntəfu. Antə tsa ku mti akwa Haran.
Nu markerat:
Baɗitari 11: KNB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Baɗitari 11
11
Mbwa Na Nal Ar Babila
1Akwa saka na ndaga shanga mjir duniya ni ka mnyar ɗa duku, tsuwa lakur gari arɗa shang duku. 2Apatə mji ni akwa ɗu ka mwari təbwar raghəi, antə da ku sə si akwa bəbal laga akwa Shinar ka ndzəndzi anda. 3Antə da pəla aka nvwa ɗa, “Asər giri ka mburu tsa birku ka mburu mbangkər u'u ka thləlɓəla ni ɓɗaku.” Antə da ku hara kəthlər ka birku ni ata vəya pela, ka kəthlər ka kwalta ata vəya həi. 4Antə da pəla, “Asər giri ka mburu həntə bərni aka kər mburu, ka mburu həntə hən na nal na ata tsəkwar hyel, kamnyar ka mburu hara thləm, kamnyar ta mburu asə titiləmtadzi ata kəra shanga duniya.”
5Antə MTHLAKU ku səghəi kamnyar ka tsa wutə bərni ka hən na nal tə mji akwa hənari ni. 6Antə MTHLAKU pəla abbər, “Nggədza shanga mji ngəni su duku, tsuwa shanga ɗa mnyar ɗa duku. Tsuwa ngəni an su tə da baɗitə harari ma daci. Ngəni ku ncanta abbər su aɗi tə da pəla da ata harari ka suari mula ala ɗa wa. 7Mbura ləghəi ka mburu shushwantə mnyar ɗa, tə da aɗi ata mzhi nggatə mnyar nvwa ɗa kəra wa.” 8Apani antə MTHLAKU ku titiləmta ɗa ciju ata kəra shanga duniya, antə da ku zhar hən bərni ni. 9Kamnyar ngəni antə mdə ku kəga thləma bərni ni Babila, kamnyar anda antə MTHLAKU ku shushwanta shanga mnyar mjir duniya. Anda antə MTHLAKU titiləmta ɗa akwa kəlara bwayeri na ata kəra duniya.
Kəkayeri Ar Shem
(1 Lab Wac 1:24-27)
10Nayeri ni an labar ar mjir nyarmbwar Shem. Sakatə Shem ku hara məva aru pal antə tsa yaɓəla ɓzərni ka vəta alari thləm abbər Arpakshad, məva suɗa aghəla yimər avava ni. 11Antə Shem ku jaktə hara məva aru ntəfu aghəla tə tsa yaɓəla Arpakshad, ka wutə maɗankyar damwa shili ka mwanki.
12Sakatə Arpakshad ka məvari makkumari ka ntəfu, antə tsa yaɓəla ɓzərni ka vəta alari thləm abbər Shela. 13Arpakshad ku jaktə hara məva aru nfwar ka makər aghəla tə tsa yaɓəla Shela, tsuwa tsa ku wutə maɗankyar damwa shili ka mwanki.
14Sakatə Shela ka məvari makkumari antə tsa yaɓəla ɓzərni ka vəta alari thləm abbər Eber 15Shela ku jaktə hara məva aru nfwar ka makər aghəla tə tsa yaɓəla Eber, tsuwa tsa ku wutə maɗankyar damwa shili ka mwanki.
16Sakatə Eber ka məvari makkumari ka nfwar antə tsa yaɓəla ɓzərni ka vəta alari thləm abbər Peleg. 17Antə Eber ku jaktə hara məva aru nfwar ka makkumari aghəla tə tsa yaɓəla Peleg, tsuwa tsa ku wutə maɗankyar damwa shili ka mwanki.
18Sakatə Peleg ka məvari makkumari antə tsa yaɓəla ɓzərni ka vəta alari thləm abbər Reyu. 19Antə Peleg ku jaktə hara məva aru suɗa ka əmdla aghəla tə tsa yaɓəla Reyu, tsuwa tsa ku wutə maɗankyar damwa shili ka mwanki.
20Sakatə Reyu ka məvari makkumari ka suɗa antə tsa yaɓəla ɓzərni ka vəta alari thləm abbər Serug. 21Antə Reyu ku jaktə hara məva aru suɗa ka murfa aghəla tə tsa yaɓəla Serug, tsuwa tsa ku wutə maɗankyar damwa shili ka mwanki.
22Sakatə Serug ka məvari makkumari antə tsa yaɓəla ɓzərni ka vəta alari thləm abbər Nahor. 23Antə Serug ku jaktə hara məva aru suɗa aghəla tə tsa yaɓəla Nahor, tsuwa tsa wutə maɗankyar damwa shili ka mwanki.
24Sakatə Nahor ka məvari sərkumari ka əmdla antə tsa yaɓəla ɓzərni ka vəta alari thləm abbər Tera. 25Antə Nahor ku jakə hara məva aru pal ka kumnya əmdla aghəla tə tsa yaɓəla Tera, tsuwa tsa ku wutə maɗankyar damwa shili ka mwanki.
26Aghəla tə Tera ku hara məva murfəkumari antə tsa yaɓəla Ibram, Nahor ka Haran.
Kəkayeri Ar Tera
27Ngəni an labar ar mjir nyarmbwar Tera. Tera an yaɓəla Ibram, ka Nahor, ka Haran. Antə Haran an yaɓəla Lot. 28Haran ku mti ɗəm ta baba'ni, tsu akwa Ur ar Kaldiya, bərni tə mdə ya ni akwa. 29Antə Ibram ka Nahor ku kəl mwanki. Ar Ibram thləma mwalarni an Saraya, ar Nahor tsuwa thləma mwalarni an Milka, ngkwar Haran na baba' Milka ka Yiska. 30Saraya aɗi ka ɓzər wa, tsa mwalaciri.
31Antə Tera ku kətə ɓzərni Ibram, ka kəkarni Lot na ɓzər Haran, ka Saraya na mwalar ɓzərni, ka mwalar Ibram. Antə shanga ɗa ku təra kazhar Ur na akwa tsəɗi Kaldiya ka mwari akwa tsəɗi Kanana. Amma sakatə da ku mzhitə Haran, antə da ndzəndzi anda. 32Hangkur məvar Tera an aru suɗa ka ntəfu. Antə tsa ku mti akwa Haran.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.