ԾՆՈՒՆԴՔ Գլուխ Գ

Գլուխ Գ

1 Եւ օձն էր #3։1 Եբր. խորագէտիմաստնագոյն քան զամենայն գազանս #3։1 Եբր. վայրիոր ի վերայ երկրի՝՝ զոր արար Տէր Աստուած. եւ ասէ օձն ցկինն. #3։1 Եբր. Արդարեւ ասա՞ցԶի՞ է զի ասաց՝՝ Աստուած թէ Յամենայն ծառոց որ իցեն ի ներքս ի դրախտի այդր՝ մի՛ ուտիցէք։ 2Եւ ասէ կինն ցօձն. Ի պտղոյ ծառոց դրախտիդ կերիցուք։ 3Բայց ի պտղոյ ծառոյն՝ որ է ի մէջ դրախտին, ասաց Աստուած. Մի՛ ուտիցէք ի նմանէ, եւ մի՛ հուպ լինիցիք, զի մի՛ մեռանիցիք։ 4Եւ ասէ օձն ցկինն. Ոչ եթէ մահու մեռանիցիք։ 5Զի գիտէր Աստուած թէ յորում աւուր ուտիցէք ի նմանէ, բանայցեն աչք ձեր, եւ լինիցիք իբրեւ զաստուածս՝ ճանաչել զբարի եւ զչար։

6Եւ ետես կինն զի բարի էր ծառն ի կերակուր եւ հաճոյ աչաց հայելոյ, եւ #3։6 Կամ ցանկալի յառնել իմաստունգեղեցիկ ի տեսանել՝՝. եւ առ ի պտղոյ նորա, եկեր. եւ ետ առն իւրում ընդ իւր, եւ #3։6 Եբր. կերաւկերան։ 7Եւ բացան աչք երկոցունց, եւ գիտացին զի մերկ էին. եւ կարեցին տերեւս թզենւոյ, եւ արարին իւրեանց սփածանելիս։ 8Եւ լուան զձայն զգնալոյ Տեառն Աստուծոյ ի դրախտի անդ ընդ երեկս, եւ թաքեան Ադամ եւ կինն իւր յերեսաց Տեառն Աստուծոյ ի մէջ ծառոց դրախտին։ 9Եւ կոչեաց Տէր Աստուած զԱդամ, եւ ասէ ցնա. Ո՞ւր ես։ 10Եւ ասէ. Լուայ զձայն քո ի դրախտի աստ եւ երկեայ, քանզի մերկ էի, եւ թաքեայ։ 11Եւ ասէ ցնա. Ո՞ պատմեաց քեզ թէ մերկ ես. բայց եթէ ի ծառոյն յորմէ պատուիրեցի քեզ անտի #3։11 ՅԵբր. պակասէեւեթ չուտել, կերա՞ր արդեւք ի նմանէ։ 12Եւ ասէ Ադամ. Կինս զոր ետուր ընդ իս՝ սա ետ ինձ ի ծառոյ անտի եւ կերայ։ 13Եւ ասէ Տէր Աստուած ցկինն. Զի՞նչ գործեցեր զայդ։ Եւ ասէ կինն. օձն խաբեաց զիս, եւ կերայ։ 14Եւ ասէ Տէր Աստուած ցօձն. Փոխանակ զի արարեր դու զայն, անիծեալ լիջիր դու յամենայն անասնոց եւ յամենայն գազանաց երկրի. ի վերայ #3։14 ՅԵբր. պակասէլանջաց եւ՝՝ որովայնի քո գնասցես, եւ հող կերիցես զամենայն աւուրս կենաց քոց։ 15Եւ եդից թշնամութիւն ի մէջ քո եւ ի մէջ կնոջդ, եւ ի մէջ զաւակի քո եւ ի մէջ զաւակի դորա. նա #3։15 Եբր. խորտակեսցէ զգլուխ քո, եւ դու խորտակեսցես զգարշապար նորասպասեսցէ քում գլխոյ. եւ դու սպասեսցես նորա գարշապարի՝՝։ 16Եւ ցկինն ասէ. Բազմացուցանելով բազմացուցից զտրտմութիւնս քո եւ #3։16 Կամ զերկունսզհեծութիւնս քո. տրտմութեամբ ծնցես որդիս, եւ առ այր քո #3։16 Եբր. ցանկութիւնդարձ քո, եւ նա տիրեսցէ քեզ։ 17Եւ ցԱդամ ասէ. Փոխանակ զի լուար ձայնի կնոջդ քո, եւ կերար ի ծառոյ անտի յորմէ պատուիրեցի քեզ անտի #3։17 ՅԵբր. պակասէմիայն չուտել, #3։17 ՅԵբր. պակասէեւ կերար ի նմանէ,՝՝ անիծեալ լիցի երկիր #3։17 Եբր. վասնի գործս քո. տրտմութեամբ կերիցես զնա զամենայն աւուրս կենաց քոց։ 18Փուշ եւ տատասկ բուսուսցէ քեզ, եւ կերիցես զբանջար վայրի։ 19Քրտամբք երեսաց քոց կերիցես զհաց քո, մինչեւ դարձցիս յերկիր ուստի առար. զի հող էիր եւ ի հող դարձցիս։

20Եւ կոչեաց Ադամ զանուն կնոջ իւրոյ Կեանս. զի նա է մայր ամենայն կենդանեաց։ 21Եւ արար Տէր Աստուած Ադամայ եւ կնոջ նորա հանդերձս մաշկեղէնս, եւ զգեցոյց զնոսա։ 22Եւ ասէ Տէր Աստուած. Ահա Ադամ եղեւ իբրեւ զմի ի մէնջ՝ գիտել զբարի եւ զչար. եւ արդ գուցէ ձգիցէ զձեռն եւ առնուցու ի ծառոյն կենաց, ուտիցէ եւ կեցցէ յաւիտեան։ 23Եւ եհան արձակեաց զնա Տէր Աստուած ի դրախտէ անտի #3։23 Եբր. Եդեմայփափկութեան՝ գործել զերկիր ուստի առաւ։ 24Եւ եհան զԱդամ, եւ բնակեցոյց յանդիման դրախտին #3։24 Եբր. Եդեմայ զքերոբէս եւ զբոցեղէն սուրնփափկութեան. եւ հրամայեաց քերոբէից եւ բոցեղէն սրոյ՝՝ շուրջանակաւ պահել զճանապարհս ծառոյն կենաց։

Nu markerat:

ԾՆՈՒՆԴՔ Գլուխ Գ: ԳՐԲ1895

Märk

Dela

Kopiera